കെജ്​രിവാളിനെതി​രെ കേസെടുക്കാമെന്ന്​ തെരഞ്ഞെടുപ്പ്​ കമീഷ​ൻ 

ന്യൂഡൽഹി: ഡൽഹി മുഖ്യമ​ന്ത്രി അരവിന്ദ്​ കെജ്​രിവാളിനെതിരെ കേസെടുക്കാൻ ​​ തെരഞ്ഞെടുപ്പ്​ കമീഷ​​െൻറ നിർദ്ദേശം.​ ചട്ടം ലംഘിച്ച​ുവെന്ന്​ ആരോപിച്ച്​ ഗോവൻ തെരഞ്ഞെടുപ്പ്​ കമീഷണർക്കാണ്​ കേസെടുക്കാൻ നിർദ്ദേശം നൽകിയത്​. ജനുവരി 31നകം ഇക്കാര്യത്തിൽ റിപ്പോർട്ട്​ സമർപ്പിക്കാനും തെരഞ്ഞെടുപ്പ്​ കമീഷൻ നിർദ്ദേശിച്ചിട്ടുണ്ട്​.  ജനുവരി എട്ടിന്​ ഗോവയിൽ കെജ്​രിവാൾ നടത്തിയ പ്രസ്​താവനയാണ്​ ​തെരഞ്ഞെടുപ്പ്​ പെരുമാറ്റ ചട്ടം ലംഘിക്കുന്നതാണെന്ന്​ കമീഷൻ കണ്ടെത്തിയത്​​.

ഗോവയിൽ നടന്ന പരിപാടിയിൽ ബി.ജെ.പി തരുന്ന പണം നിങ്ങൾ വാങ്ങിക്കോളു എന്നാൽ വോട്ട്​ ആം ആദ്​മിക്ക്​ നൽകണമെന്നാണ്​ കെജ്​രിവാൾ ജനങ്ങളോട്​ ആവശ്യപ്പെട്ടത്​. കെജ്​രിവാളി​​െൻറ ഇൗ പ്രസ്​താവനയാണ്​ വിവാദമായത്​. പ്രസ്​താവനക്കെതിരെ ബി.ജെ.പി​ തെരഞ്ഞെടുപ്പ്​ കമീഷനെ സമീപിക്കുകയായിരുന്നു