പുതിയ കെട്ടിടങ്ങളിൽ 85 ശതമാനവും നിയമം ലംഘി​െച്ചന്ന് സർവേ

ബംഗളൂരു: 2020 ജനുവരി മുതൽ 2021 ജൂൺ വരെയുള്ള കാലയളവിൽ ബംഗളൂരുവിൽ നിർമിച്ച കെട്ടിടങ്ങളിൽ 85 ശതമാനവും നിയമവിരുദ്ധ നിർമാണ പ്രവർത്തനങ്ങൾ നടത്തിയതായി ബി.ബി.എം.പി സർവേ. കർണാടക ഹൈകോടതിയുടെ നിർദേശത്തെ തുടർന്ന്​ ആരംഭിച്ച ബംഗളൂരുവിലെ കെട്ടിടങ്ങൾ സംബന്ധിച്ച സർവേയിലാണ്​ ഇൗ വിവരം.

കഴിഞ്ഞ ഒന്നര വർഷത്തിനിടെ അനുമതി നൽകിയ 8,496 കെട്ടിടങ്ങളാണ്​ പരിശോധനയിൽ ഉൾപ്പെടുത്തിയത്​. ഇതിൽ 6148 കെട്ടിടങ്ങൾ പരിശോധിച്ചതിൽ 5,223 എണ്ണവും അനുവദിക്കപ്പെട്ട രൂപരേഖയിൽനിന്ന്​ മാറി നിയമവിരുദ്ധ നിർമാണ പ്രവർത്തനങ്ങൾ നടത്തിയതായാണ്​ കണ്ടെത്തൽ. സൗത്ത്​, വെസ്​റ്റ്​ സോണിൽ 2485 കെട്ടിടങ്ങൾ പരിശോധിച്ചതിൽ 2293 എണ്ണത്തിൽ ക്രമക്കേട്​ കണ്ടെത്തി.

ഹൈകോടതിയുടെ ഉത്തരവ്​ കണക്കിലെടുത്ത്​, ഘട്ടംഘട്ടമായി സർവേ പൂർത്തിയാക്കാനാണ്​ ബി.ബി.എം.പി തീരുമാനം. 2020 ശേഷം നിർമിച്ച കെട്ടിടങ്ങളാണ്​ ആദ്യഘട്ടത്തിൽ പരിശോധിക്കുന്നത്​. ഇൗ സർവേ അന്തിമഘട്ടത്തിലാണ്​. ഇതു പൂർത്തിയായാൽ 2019 മുതൽ 2020 വരെയുള്ള കാലയളവിൽ നിർമിച്ച കെട്ടിടങ്ങൾ പരിശോധിക്കുമെന്നും ബി.ബി.എം.പി ടൗൺ പ്ലാനിങ്​ വകുപ്പ്​ ഉദ്യോഗസ്​ഥർ അറിയിച്ചു. നിയമലംഘനം നടത്തിയവർക്ക്​ ബി.ബി.എം.പി നോട്ടീസ്​ അയച്ചു തുടങ്ങി.

കെട്ടിട ഉടമകളുടെ പ്രതികരണത്തിനായി കാത്തിരിക്കുകയാണെന്നും കൂടുതൽ കെട്ടിടങ്ങളുള്ളതിനാൽ നിയമവിരുദ്ധമായവ പൊളിച്ചുനീക്കുന്നത്​ സംബന്ധിച്ച്​ കോടതിയുടെ മറുപടി കൂടി പരിഗണിക്കുമെന്നും അവർ വ്യക്തമാക്കി. അനുമതി ലഭിക്കാത്ത രൂപരേഖ അനുസരിച്ച്​ നിർമിച്ച കെട്ടിടങ്ങളുടെ വിവരങ്ങളും സമാന്തരമായി ബി.ബി.എം.പി ശേഖരിക്കുന്നുണ്ട്​.

അതേസമയം, ബി.ബി.എം.പിയുടെ പല കെട്ടിട ചട്ടങ്ങളും സാ​േങ്കതികപരമായി നടപ്പാക്കാനാവില്ലെന്നും ഇക്കാര്യം പുനഃപരിശോധിക്കാൻ അധികൃതർ തയാറാവണമെന്നും ബംഗളൂരുവിലെ അസോസിയേഷൻ ഒാഫ്​ കൺസൽട്ടിങ്​ സിവിൽ എൻജിനീയേഴ്​സ്​ ചെയർപേഴ്​സൻ ശ്രീകാന്ത്​ ചൂണ്ടിക്കാട്ടി.