മഹാരാഷ്​ട്രയിൽ മന്ത്രിക്കും എൻ.സി.പി നേതാവിനും രണ്ടാമതും കോവിഡ്​

മുംബൈ: എൻ.സി.പി നേതാവും എക്​നാഥ്​ ഖഡ്​സേക്കും മഹാരാഷ്​ട്ര മന്ത്രി ബച്ചു കാഡുവിനും രണ്ടാമതും കോവിഡ്​ സ്ഥിരീകരിച്ചു. മുൻ മന്ത്രിയും എൻ.സി.പി നേതാവുമായ എക്​നാഥ്​ ഖഡ്​സേക്ക്​​ കോവിഡ്​ ബാധിച്ചതിനെ തുടർന്ന്​ ബോംബെയിലെ ആശുപത്രിയിൽ പ്രവേശിപ്പിച്ചിരിക്കുകയാണ്​.

കഴിഞ്ഞ നവംബറിൽ തനിക്ക്​ കോവിഡ്​ സ്ഥിരീകരിച്ചിരുന്നു. വീണ്ടും രോഗബാധയുണ്ടായിരിക്കുകയാണ്​. തനിക്ക്​ കാര്യമായ ആരോഗപ്രശ്​നങ്ങളില്ലെന്നും ഖഡ്​​സേ പറഞ്ഞു. തനിക്ക്​ കഴിഞ്ഞ സെപ്​തംബറിൽ കോവിഡ്​ ബാധിച്ചുവെന്നും എന്നാൽ വീണ്ടും രോഗബാധയു​ണ്ടായെന്നും മഹാരാഷ്​ട്ര മന്ത്രി ബച്ചു കാഡുവും പ്രതികരിച്ചു.

അതേസമയം, മഹാരാഷ്​ട്രയുടെ പല പ്രദേശങ്ങളിലും അന്തരീക്ഷ താപനില താഴുകയാണ്​. ഇത്​ കോവിഡ്​ അതിവേഗത്തിൽ പടരുന്നതിന്​ കാരണമായതായാണ്​ മഹാരാഷ്​ട്ര ആരോഗ്യവകുപ്പിന്‍റെ വിലയിരുത്തൽ. ഇതിനൊപ്പം ജനങ്ങൾ കോവിഡ്​ പ്രോ​ട്ടോകോൾ ലംഘിച്ചതും പ്രശ്​നങ്ങൾ ഗുരുതരമാക്കുന്നുണ്ട്​.