യു.​പി അ​ട​ക്കം അ​ഞ്ചി​ട​ത്ത് ഫലം ഇന്ന്: വോ​ട്ടെ​ണ്ണ​ൽ തുടങ്ങി​; ഉ​ച്ച​യോ​ടെ ചി​ത്രം തെ​ളി​യും

ന്യൂ​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പി​ന്റെ സെ​മി​ഫൈ​ന​ലാ​യി വി​ശേ​ഷി​പ്പി​ക്കു​ന്ന അ​ഞ്ചു നി​യ​മ​സ​ഭ തെ​ര​ഞ്ഞെ​ടു​പ്പു​ക​ളു​ടെ ഫ​ലം ഇ​ന്ന​റി​യാം. ദേ​ശീ​യ രാ​ഷ്ട്രീ​യ​ത്തി​ൽ പു​തി​യ വ​ഴി​ത്തി​രി​വി​ന് ത​ന്നെ നി​മി​ത്ത​മാ​കാ​വു​ന്ന വി​ധം നി​ർ​ണാ​യ​ക​മാ​യ ഉ​ത്ത​ർ​പ്ര​ദേ​ശ്, പ​ഞ്ചാ​ബ്, ഉ​ത്ത​രാ​ഖ​ണ്ഡ്, ഗോ​വ, മ​ണി​പ്പൂ​ർ ഫ​ല​ങ്ങ​ളാ​ണ് വ്യാ​ഴാ​ഴ്ച പു​റ​ത്തു വ​രു​ന്ന​ത്.

രാ​വി​ലെ എ​ട്ടി​ന് വോ​ട്ടെ​ണ്ണ​ൽ തു​ട​ങ്ങി. ഉ​ച്ച​യോ​ടെ ചി​ത്രം തെ​ളി​യും. യു.​പി​യി​ൽ വീ​ണ്ടും ബി.​ജെ.​പി അ​ധി​കാ​ര​ത്തി​ൽ വ​രു​മെ​ന്നാ​ണ് എ​ക്സി​റ്റ് പോ​ൾ പ്ര​വ​ച​നം. ഡ​ൽ​ഹി​ക്കു പി​റ​കെ, കോ​ൺ​ഗ്ര​സി​നെ പ​ഞ്ചാ​ബി​ൽ കൂ​ടി ആം ​ആ​ദ്മി പാ​ർ​ട്ടി ത​റ പ​റ്റി​ക്കും. ബി.​ജെ.​പി ഭ​രി​ക്കു​ന്ന ഗോ​വ​യി​ലും ഉ​ത്ത​രാ​ഖ​ണ്ഡിലും തൂ​ക്കു​സ​ഭ​ക്കാ​ണ് സാ​ധ്യ​ത. മ​ണി​പ്പൂ​ർ വീ​ണ്ടും ബി.​ജെ.​പി പി​ടി​ക്കു​മെ​ന്നും എ​ക്സി​റ്റ് പോ​ൾ പ്ര​വ​ചി​ച്ചു.

ഇ​ത്ത​രം സ​ർ​വേ​ക​ളു​ടെ വി​ശ്വാ​സ്യ​ത പ​ര​ക്കെ ചോ​ദ്യം ചെ​യ്യ​പ്പെ​ടു​ന്നു​ണ്ടെ​ങ്കി​ലും, ഈ ​സൂ​ച​ന​ക​ൾ മു​ൻ​നി​ർ​ത്തി​യു​ള്ള ക​രു​നീ​ക്ക​ങ്ങ​ളി​ലാ​ണ് വി​വി​ധ രാ​ഷ്ട്രീ​യ പാ​ർ​ട്ടി​ക​ൾ. ജ​ന​വി​ധി അ​ട്ടി​മ​റി​ക്കു​ന്ന വി​ധം കു​തി​ര​ക്ക​ച്ച​വ​ടം ന​ട​ക്കു​മെ​ന്ന ആ​ശ​ങ്ക ശ​ക്തം. ഏ​റ്റ​വും വ​ലി​യ ഒ​റ്റ​ക്ക​ക്ഷി ഏ​തു പാ​ർ​ട്ടി​യാ​യാ​ലും അ​ധി​കാ​രം പി​ടി​ക്കാ​ൻ പാ​ക​ത്തി​ൽ എം.​എ​ൽ.​എ​മാ​രെ വ​ല​വീ​ശാ​നു​ള്ള പി​ന്നാ​മ്പു​റ നീ​ക്ക​ങ്ങ​ളും, അ​ത് പ്ര​തി​രോ​ധി​ക്കാ​നു​ള്ള ശ്ര​മ​ങ്ങ​ളും സ​ജീ​വം.വി​ല പേ​ശ​ലും ഒ​പ്പ​മു​ണ്ട്.

ബി.​ജെ.​പി​യും കോ​ൺ​ഗ്ര​സു​മാ​യി ഒ​രു​പോ​ലെ നീ​ക്കു​പോ​ക്ക് ച​ർ​ച്ച ന​ട​ക്കു​ന്നു​ണ്ടെ​ന്നാ​ണ് തൃ​ണ​മൂ​ൽ കോ​ൺ​ഗ്ര​സി​ലെ ഗോ​വ സ​ഖ്യ​ക​ക്ഷി​യാ​യ മ​ഹാ​രാ​ഷ്ട്ര ഗോ​മ​ന്ത​ക് പാ​ർ​ട്ടി നേ​താ​വ് സു​ധി​ൻ ധ​വാ​ലി​ക​ർ വെ​ളി​പ്പെ​ടു​ത്തി​യ​ത്.

വോ​ട്ടു​യ​ന്ത്രം ക​ട​ത്തി​യെ​ന്ന വി​വാ​ദ​ത്തോ​ടെ തെ​ര​ഞ്ഞെ​ടു​പ്പ് സു​താ​ര്യ​ത ചോ​ദ്യം ചെ​യ്യ​പ്പെ​ടു​ന്ന യു.​പി​യി​ലെ എ​ല്ലാ ജി​ല്ല​ക​ളി​ലും വോ​ട്ടെ​ണ്ണ​ൽ ലൈ​വ് വെ​ബ്കാ​സ്റ്റാ​യി ല​ഭ്യ​മാ​ക്ക​ണ​മെ​ന്ന് സ​മാ​ജ്‍വാ​ദി പാ​ർ​ട്ടി തെ​ര​ഞ്ഞെ​ടു​പ്പ് ക​മീ​ഷ​നോ​ട് അ​ഭ്യ​ർ​ഥി​ച്ചു.

വോ​ട്ടെ​ണ്ണു​ന്ന​തി​നു മു​മ്പേ വി​വി​പാ​റ്റ് സ്ലി​പ് ഒ​ത്തു​നോ​ക്ക​ണ​മെ​ന്നാ​വ​ശ്യ​പ്പെ​ടു​ന്ന അ​ടി​യ​ന്ത​ര ഹ​ര​ജി സു​പ്രീം​കോ​ട​തി മു​മ്പാ​കെ എ​ത്തി​യെ​ങ്കി​ലും, ഇ​തി​ന​കം നി​ശ്ച​യി​ച്ച വോ​ട്ടെ​ണ്ണ​ൽ പ്ര​ക്രി​യ​യി​ൽ ഇ​ട​​പെ​ടാ​ൻ ചീ​ഫ് ജ​സ്റ്റി​സ് എ​ൻ.​വി. ര​മ​ണ​യു​ടെ നേ​തൃ​ത്വ​ത്തി​ലു​ള്ള ബെ​ഞ്ച് വി​സ​മ്മ​തി​ച്ചു.