'എല്‍വിഷ് യാദവ് മയക്കുമരുന്ന് വ്യാപാരി'; പരാതിയുമായി ഫൈസാന്‍ അന്‍സാരി

ന്യൂഡൽഹി:എല്‍വിഷ് യാദവിനെതിരെ പരാതി നല്‍കി നടന്‍ ഫൈസാന്‍ അന്‍സാരി. പാമ്പിന്‍ വിഷം മാത്രമല്ല മറ്റു ലഹരി വസ്തുക്കളും വിതരണം ചെയ്തു എന്നാരോപിച്ചാണ് പരാതി. എല്‍വിഷ് യാദവ് മയക്കുമരുന്ന് വ്യാപാരിയാണ്. അദ്ദേഹത്തിന്റെ സുഹൃത്തും ബിഗ് ബോസ് റണ്ണറപ്പുമായ മനീഷ റാണിക്ക് ഇതില്‍ പങ്കുണ്ടെന്നും ഫൈസാന്‍ അന്‍സാരി ആരോപിച്ചു.

എല്‍വിഷിനെതിരെ നിര്‍ണായക തെളിവുകള്‍ ലഭിക്കാന്‍ സാധ്യത ഉള്ളതിനാല്‍ മനീഷയുടെ ഫോണ്‍ സുരക്ഷിതമാക്കണമെന്ന് ഫൈസാന്‍ പൊലീസിനോട് ആവശ്യപ്പെട്ടു. എല്‍വിഷിന്റെ നിയമവിരുദ്ധ പ്രവര്‍ത്തനങ്ങളില്‍ നടപടിയെടുക്കണമെന്നും മനീഷ റാണിക്കെതിരെ എഫ്.ഐ.ആര്‍ ഫയല്‍ ചെയ്യണമെന്നും അദ്ദേഹം ആവശ്യപ്പെട്ടു. എല്‍വിഷ് യാദവിന് വേണ്ടി പ്രവര്‍ത്തിക്കുന്ന ചില വ്യക്തികളില്‍ നിന്ന് തനിക്ക് വധഭീഷണി ഉണ്ടെന്നും മനീഷക്ക് എതിരായ പരാതി പിന്‍വലിച്ചില്ലെങ്കില്‍ കൊല്ലുമെന്ന് ഭീഷണിപ്പെടുത്തിയതായും അദ്ദേഹം പറഞ്ഞു.