'ഹിന്ദു സേനയിലെ അക്രമികൾ വന്നത്​ കോടാലിയുമായി, ഇവർക്ക്​ ധൈര്യം പകരുന്നത്​ സർക്കാർ'-ഉവൈസി​

ന്യൂഡൽഹി: ത​െൻറ വീടിനുനേരേയുണ്ടായ ആക്രമണത്തിന്​ കാരണം സർക്കാർ നൽകുന്ന പിന്തുണയെന്ന്​ അസദുദ്ദീൻ ഉവൈസി എം.പി. ഹിന്ദു സേന ഗ്രൂപ്പിലെ അംഗങ്ങളെന്ന് അവകാശപ്പെട്ട അഞ്ചുപേർ കഴിഞ്ഞ ദിവസം ഉവൈസിയുടെ ഡൽഹിയിലെ വസതി ആക്രമിച്ചിരുന്നു. ഇവരെ പിന്നീട്​​ പൊലീസ് പിടികൂടി. ന്യൂഡൽഹി അശോക റോഡിലെ വീടിന് നേരെയാണ് ആക്രമണമുണ്ടായത്. സംഭവ സ്ഥലത്തുവെച്ചാണ് അഞ്ച് പ്രതികളെ പിടികൂടിയതെന്നും ഉവൈസിയുടെ പ്രസ്​താവനകളിൽ പ്രകോപിതരായാണ് ആക്രമണം നടത്തിയതെന്ന് ഇവർ പറഞ്ഞുവെന്നും പൊലീസ്​ പറയുന്നു. അക്രമം നടക്കു​േമ്പാൾ ഉവൈസി വീട്ടിൽ ഇല്ലായിരുന്നു.

'2015 ൽ രാജ്‌നാഥ് സിങ്​ എ​െൻറ അയൽവാസിയായിരിക്കുമ്പോഴാണ് ആദ്യത്തെ ആക്രമണം നടന്നത്. അദ്ദേഹത്തി​െൻറ വീടിനും എ​െൻറ വീടിനും ഇടയിൽ ഒരു വീട് അകലമേ ഉണ്ടായിരുന്നുള്ളു'-ഉവൈസി ദേശീയ മാധ്യമത്തോട്​ പറഞ്ഞു. 'ഇത് നാലാമത്തെ സംഭവമാണ്. ഈ ആളുകൾക്ക്​ സർക്കാർ ധൈര്യം നൽകുകയാണ്​. ഇത്തവണ അവർ കോടാലിയുമായാണ്​ വന്നത്​. വീട്ടിനുള്ളിലേക്ക്​ കല്ലെറിഞ്ഞു. രണ്ട് വർഷം മുമ്പ്, ഡൽഹി പോലീസി​െൻറ സ്പെഷ്യൽ സെൽ ആളുകൾ എന്നെ വന്നു കണ്ടു. ഈ അസംബന്ധം നിർത്താൻ ഞാൻ അവരോട് പറഞ്ഞു. പ്രതിഷേധിക്കാൻ എല്ലാവർക്കും അവകാശമുണ്ട്. അതിന്​ എ​െൻറ വീട്ടിലേക്ക് വരിക, കല്ലെറിയുക, അസംബന്ധ മുദ്രാവാക്യങ്ങൾ വിളിക്കുക എന്നത്​ അനുവദിക്കാനാവില്ല'-ഉവൈസി പറഞ്ഞു.

അക്രമത്തി​െൻറ അനന്തരഫലങ്ങൾ തങ്ങൾ നേരിടില്ലെന്ന് എത്രത്തോളം ഉറപ്പാണെന്നതി​െൻറ പ്രകടനമായാണ് അക്രമികൾ വീഡിയോ ക്യാമറകളുമായി വരുന്നതെന്ന് അദ്ദേഹം പറഞ്ഞു.പ്രദേശവാസികൾ വിവരം അറിയിച്ചതിനെ തുടർന്നാണ് പൊലീസ് സ്ഥലത്തെത്തിയത്. അക്രമികളെ സ്ഥലത്തുവെച്ച് തന്നെ പിടികൂടുകയായിരുന്നു. വീടിന്‍റെ ഗേറ്റ് കേടുവരുത്തുകയും ജനൽചില്ലുകൾ തകർക്കുകയും ചെയ്​തിട്ടുണ്ട്.

സംഭവത്തിൽ ആർക്കും പരിക്കേറ്റിട്ടില്ല. സോഷ്യൽ മീഡിയയിൽ വന്ന വീഡിയോ ക്ലിപ്പിൽ, ഉവൈസിയുടെ റാലികളിൽ ഹിന്ദുവിനെതിരെ സംസാരിക്കുന്നതിനാൽ അദ്ദേഹത്തെ ഒരു പാഠം പഠിപ്പിക്കാനാണ്​ അദ്ദേഹത്തി​െൻറ വീട്ടിലേക്ക് പോയതെന്ന്​ ഹിന്ദു സേന സംസ്ഥാന പ്രസിഡൻറ്​ ലളിത് കുമാർ എന്നയാൾ പറയുന്നുണ്ട്​.