'ഇംഗ്ലീഷ്​ സംസാരിക്കുന്ന കർഷകൻ'; കർഷകർക്ക്​ പിന്തുണ അറിയിച്ച നടനെതിരെ പരിഹാസവുമായി സംഘപരിവാർ അനുകൂലികൾ

ന്യൂഡൽഹി: കേന്ദ്രസർക്കാറി​െൻറ കാർഷിക നിയമങ്ങൾക്കെതിരെ 'ഡൽഹി ചലോ മാർച്ചി'ലൂടെ പ്രതിഷേധിക്കുന്ന കർഷകർക്ക്​ പിന്തുണയുമായി എത്തിയ പഞ്ചാബി താരം ദീപ്​ സിദ്ധുവി​െൻറ വിഡിയോ വൈറലാകുന്നു. മാർച്ചിൽ പ​ങ്കെടുത്ത്​ സമരത്തി​െൻറ പ്രാധാന്യം പൊലീസിനെ ധരിപ്പിക്കാൻ ഇംഗ്ലീഷിൽ സംസാരിക്കുന്ന സിദ്ധുവി​െൻറ വിഡിയോയാണ്​ ട്വിറ്ററിൽ ട്രൻഡിങ്ങാകുന്നത്​. കർഷകരെ ദോഷകരമായി ബാധിക്കുന്ന കാർഷിക നിയമങ്ങളെക്കുറിച്ച്​ പൊലീസുകാരോട്​ ഇംഗ്ലീഷിൽ സംസാരിക്കുന്നതാണ്​ വിഡിയോ.

അതേസമയം ഇംഗ്ലീഷ്​ സംസാരിക്കുന്ന സിദ്ധുവി​െൻറ വിഡിയോക്കെതിരെ പരിഹാസവുമായി സംഘപരിവാർ അനുകൂലികൾ രംഗത്തെത്തി​. സിദ്ധുവി​െൻറ വിഡിയോ പോസ്​റ്റ്​ ചെയ്​ത ശേഷം ആദ്യം പരിഹാസ കമൻറുമായി എത്തിയത്​ സംവിധായകൻ വിവേക്​ അഗ്​നിഹോത്രിയായിരുന്നു. 'ഹഹഹ... ഭൂമിയില്ലാത്ത കർഷകൻ എല്ലാവരെയും ഉണർത്തുന്നതിനായി കരയുന്നു' -എന്നായിരുന്നു വിവേക്​ അഗ്​നിഹോത്രിയുടെ ട്വീറ്റ്​. ഇംഗ്ലീഷ്​ സംസാരിക്കുന്ന കർഷകർ എന്ന നിലയിലായിരുന്നു മറ്റൊരു പരിഹാസ ട്വീറ്റ്​. ​ബുദ്ധിമാനാണെന്ന്​ നടിച്ച്​ അദ്ദേഹം പറയുന്ന കാര്യങ്ങൾ മണ്ടത്തരമാണെന്നും യഥാർഥത്തിൽ അദ്ദേഹം ഇടതുപക്ഷത്തി​െൻറ യഥാർഥ പ്രതിനിധിയാണെന്നും വിവേക്​ ട്വീറ്റ്​ ചെയ്​തു.

വിവേക്​ അഗ്​നിഹോത്രിക്ക്​ പിന്നാലെ ബോളിവുഡ്​ നടി കങ്കണ റണാവത്തും ദീപ്​ സിദ്ധുവിന്​ വിമർശിച്ച്​ രംഗത്തെത്തി. രാജ്യ വിരുദ്ധ ശക്തികളെ സർക്കാർ വളരാൻ അനുവദിക്കില്ലെന്ന്​ പ്രതീക്ഷിക്കുന്നുവെന്നും മറ്റൊരു ഷഹീൻബാഗ്​ ഉണ്ടാകരുതെന്നുമായിരുന്നു കങ്കണയുടെ പ്രതികരണം.

സിദ്ധുവിനെതിരെ പരിഹാസവുമായി പ്രമുഖർ അണിനിരക്കു​േമ്പാഴും സിദ്ധുവിന്​ പിന്തുണ അറിയിച്ച്​ നിരവധി പേർ ​രംഗത്തെത്തി. രാജ്യത്ത്​ ഒരുപാട്​ കർഷകർ ഇംഗ്ലീഷ്​ സംസാരിക്കുന്നുണ്ടെന്നും ഒരു കർഷകൻ ഇംഗ്ലീഷ്​ സംസാരിക്കുന്നതെങ്ങനെയാണെന്ന ചിന്ത മാറ്റണമെന്നും നിരവധി പേർ പ്രതികരിച്ചു.