പി.എഫിൽനിന്ന് മൂന്നു മാസത്തെ ശമ്പളം പിൻവലിക്കാൻ അനുമതിയായി
text_fieldsന്യൂഡൽഹി: കോവിഡ്-19 നെ തുടർന്ന് ലോക്ഡൗൺ പ്രഖ്യാപിച്ച സാഹചര്യത്തിൽ എംപ്ലോയീസ് പ്രോവിഡൻറ് ഫണ്ട് (ഇ.പി.എഫ്.ഒ) അംഗങ്ങൾക്ക് മൂന്നു മാസത്തെ ശമ്പളത്തിന് തുല്യമായ തുക പിൻവലിക്കാൻ അനുമതി. രാജ്യത്ത് ആറ് കോടി ഇ.പി.എഫ് അംഗങ്ങൾക്ക് പ്രയോജനപ്പെടുന്ന പദ്ധതി കേന്ദ്ര തൊഴിൽ മന്ത്രാലയമാണ് പ്രഖ്യാപിച്ചത്. ഈ തുക തിരിച്ചടക്കേണ്ടതില്ല.
മൂന്നു മാസത്തെ അടിസ്ഥാന ശമ്പളവും ഡി.എയും ചേർന്ന തുകയാണ് പിൻവലിക്കാനാകുക. പിൻവലിക്കുന്ന തുക ഇ.പി.എഫ് അക്കൗണ്ടിലുള്ള തുകയുടെ 75 ശതമാനത്തിൽ കൂടുതലാകാൻ പാടില്ല. ഇതിനായി ഇ.പി.എഫ് സ്കീം 1952ൽ ഭേദഗതി വരുത്തി ഉത്തരവും പുറത്തിറക്കിയിട്ടുണ്ട്. മാർച്ച് 28 മുതൽ ഈ ഉത്തരവ് പ്രാബല്യത്തിൽ വന്നു.
ലോക്ഡൗൺ സാഹചര്യം മറികടക്കാൻ പി.എഫ് പിൻവലിക്കൽ നടപടികൾ ത്വരിതപ്പെടുത്താൻ ഇ.പി.എഫ്.ഒ നിർദേശം നൽകിയിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.