യൂറോപ്യൻ സംഘത്തി​െൻറ കശ്​മീർ സന്ദർശനം നയതന്ത്ര മണ്ടത്തം -കോൺഗ്രസ്​

ന്യൂഡൽഹി: യൂറോപ്യൻ എം.പി സംഘത്തി​​െൻറ ജമ്മു-കശ്​മീർ സന്ദർശനം മോദി സർക്കാറി​​െൻറ നയത​ന്ത്ര മണ്ടത്തമാണെന്ന് ​ കോൺ​ഗ്രസ്​​. ബ്രോക്കറെ വെച്ച്​ ഇത്തരമൊരു സന്ദർശന പരിപാടി നടപ്പാക്കിയതിനെക്കുറിച്ച്​ പ്രധാനമന്ത്രി നരേ ന്ദ്ര മോദി വിശദീകരിക്കണമെന്ന്​ പാർട്ടി വക്താവ്​ രൺദീപ് ​സിങ്​ സുർ​ജേവാല വാർത്തസമ്മേളനത്തിൽ ആവശ്യപ്പെട്ടു. പാകതയില്ലാത്ത, തെറ്റിദ്ധരിച്ചു നടപ്പാക്കുന്ന പ്രചാരവേലയാണ്​ കഴിഞ്ഞ മൂന്നുദിവസമായി രാജ്യം കാണുന്നതെന്ന്​ സുർജേവാല പറഞ്ഞു. അന്താരാഷ്​ട്ര ബിസിനസ്​ ബ്രോക്കറാണ്​ യൂറോപ്യൻ എം.പിമാരെ ഡൽഹിയിലും തുടർന്ന്​ കശ്​മീരിലും എത്തിച്ചത്​. ക​ശ്​മീർ ഇന്ത്യയുടെ ആഭ്യന്തര കാര്യമാണെന്നും മൂന്നാംകക്ഷി ഇടപെടൽ അംഗീകരിക്കില്ലെന്നുമാണ്​ 72 വർഷമായി ഇന്ത്യയുടെ നയമെന്നിരിക്കേ, അതിനു വിരുദ്ധമായതാണ്​ ഇ​േ​പ്പാൾ സംഭവിച്ചത്​. ഗുരുതര തെറ്റാണ്​ സർക്കാർ ചെയ്​തത്​.

ഇന്ത്യൻ പാർലമ​െൻറിനെയും ജനാധിപത്യ വികാരത്തെയും ബി.ജെ.പി സർക്കാർ അപമാനിച്ചു. രാജ്യത്തെ എം.പിമാരെയോ പ്രതിപക്ഷ നേതാക്കളെയോ കശ്​മീരിൽ ഇറങ്ങാൻ അനുവദിക്കുന്നില്ല. അവരെ വിമാനത്താവളത്തിൽ തടഞ്ഞുവെച്ച്​ തിരിച്ചയക്കുന്നു. അതേസമയം, യൂറോപ്യൻ എം.പിമാരുടെ സ്വകാര്യ സന്ദർശനത്തിന്​ ചുവന്ന പരവതാനി വിരിക്കുന്നു. വിദേശ മന്ത്രാലയത്തെ തഴഞ്ഞ്​ ഒരു സ്വകാര്യ സ്​ഥാപനത്തെയും എൻ.ജി.ഒയേയും ഈ സന്ദർശനത്തി​​െൻറ ക്രമീകരണ ചുമതല ഏൽപിച്ചത്​ എന്തുകൊണ്ടാണെന്ന്​ സർക്കാർ വിശദീകരിക്കണം. എം.പി സംഘത്തി​​െൻറ വരവിനും പ്രധാനമന്ത്രിയുമായുള്ള കൂടിക്കാഴ്​ചക്കുമെല്ലാം ഒത്താശ ചെയ്​ത മദി ശർമ ആരാണെന്ന്​ നരേന്ദ്ര മോദി പറയണം.

വിമൻസ്​ ഇക്കണോമിക്​ ആൻഡ്​​ സോഷ്യൽ തിങ്ക്​ ടാങ്ക്​, ഇൻറർനാഷനൽ ഇൻസ്​റ്റിറ്റ്യൂട്ട്​ ഫോർ നോൺ അലൈൻഡ്​ സ്​റ്റഡീസ്​ എന്നിവയുടെ ബാനറിലാണ്​ വിദേശ എം.പി സംഘത്തി​​െൻറ പരിപാടികൾ. ഇവക്ക്​ ബി.ജെ.പിയുമായുള്ള ബന്ധം എന്തെന്ന്​ വ്യക്​തമാക്കണം. യൂറോപ്യൻ എം.പി സംഘത്തി​​െൻറ സ്വകാര്യ സന്ദർശനത്തിനിടയിൽ പ്രധാനമന്ത്രിയുമായി കൂടിക്കാഴ്​ചക്ക്​ മദി ശർമ സമയം നിശ്ചയിച്ചു ക്രമീകരണം ഒരുക്കിക്കൊടുത്തത്​ ഏതു നിലക്കാണ്? ഈ സന്ദർശനത്തിനു വേണ്ടിയുള്ള പണം എവിടെനിന്നാണെന്ന്​ വ്യക്​തമാക്കണമെന്നും​ സുർജേവാല ആവശ്യപ്പെട്ടു.