100 ശതമാനം ഗ്രാമങ്ങൾ വൈദ്യൂതീകരിച്ചെന്ന്​ മോദി;  2014ൽതന്നെ 94 ശതമാനവും ലക്ഷ്യം കൈവരിച്ചെന്ന്​ രേഖ

ന്യൂ​ഡ​ൽ​ഹി: ത​​​െൻറ സ​ർ​ക്കാ​ർ അ​ധി​കാ​ര​ത്തി​ൽ വ​ന്ന​ശേ​ഷം 100 ശ​ത​മാ​നം ഗ്രാ​മ​ങ്ങ​ളും വൈ​ദ്യു​തീ​ക​രി​ച്ചെ​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ പ്ര​ഖ്യാ​പ​നം പൊ​ള്ള​യാ​ണെ​ന്ന്​ തെ​ളി​യി​ക്കു​ന്ന രേ​ഖ​ക​ൾ പു​റ​ത്ത്. ബി.​ജെ.​പി സ​ർ​ക്കാ​ർ അ​ധി​കാ​ര​മേ​റ്റ 2014 മേ​യ്​ മാ​സ​ത്തി​ന്​ മു​മ്പു​ത​ന്നെ രാ​ജ്യ​ത്തെ 94 ശ​ത​മാ​നം ഗ്രാ​മ​ങ്ങ​ളും വൈ​ദ്യു​തീ​ക​രി​ച്ചെ​ന്ന്​ സ​ർ​ക്കാ​റി​​​െൻറ​ത​ന്നെ രേ​ഖ​ക​ൾ വ്യ​ക്ത​മാ​ക്കു​ന്നു.

2013 ഒ​ക്​​ടോ​ബ​ർ 31വ​രെ 5,61,613 ഗ്രാ​മ​ങ്ങ​ൾ വൈ​ദ്യു​തീ​ക​രി​ച്ചു. എ​ന്നാ​ൽ, മോ​ദി സ​ർ​ക്കാ​ർ അ​ധി​കാ​ര​മേ​റ്റ​ശേ​ഷം നാ​ലു​വ​ർ​ഷം​കൊ​ണ്ട്​ 35,851 ഗ്രാ​മ​ങ്ങ​ൾ മാ​ത്ര​മാ​ണ്​ വൈ​ദ്യു​തീ​ക​രി​ച്ച​ത്. യ​ഥാ​ർ​ഥ വ​സ്​​തു​ത​ക​ൾ മ​റ​ച്ചു​വെ​ച്ച്​ ത​ങ്ങ​ളു​ടെ കാ​ല​ത്തെ നേ​ട്ടം പ​ർ​വ​തീ​ക​രി​ക്കാ​നാ​ണ്​ പ്ര​ധാ​ന​മ​ന്ത്രി ശ്ര​മി​ച്ച​തെ​ന്ന്​ വ്യ​ക്തം. 

പു​തു​താ​യി വൈ​ദ്യു​തീ​ക​രി​ച്ച ഗ്രാ​മ​ങ്ങ​ളി​ൽ എ​ട്ടു ശ​ത​മാ​ന​ത്തി​ൽ മാ​ത്ര​മാ​ണ്​ എ​ല്ലാ വീ​ടു​ക​ളും വൈ​ദ്യു​തീ​ക​രി​ക്ക​പ്പെ​ട്ട​ത്. രാ​ജ്യ​ത്തെ മൊ​ത്തം ക​ണ​ക്കെ​ടു​ക്കു​േ​മ്പാ​ൾ മു​​ഴു​വ​ൻ വീ​ടു​ക​ളും വൈ​ദ്യു​തീ​ക​രി​ച്ച ഗ്രാ​മ​ങ്ങ​ൾ 10 ശ​ത​മാ​നം മാ​ത്ര​മാ​ണ്. സ്​​റ്റാ​ൻ​ഡി​ങ്​ ക​മ്മി​റ്റി ഒാ​ൺ എ​ന​ർ​ജി​യു​ടെ (2013) മാ​ന​ദ​ണ്ഡ​പ്ര​കാ​രം 90 ശ​ത​മാ​നം വീ​ടു​ക​ളി​ലും വൈ​ദ്യു​തി എ​ത്തി​യി​ല്ലെ​ങ്കി​ലും ഗ്രാ​മ​ത്തെ വൈ​ദ്യു​തീ​ക​രി​ച്ച​താ​യി പ്ര​ഖ്യാ​പി​ക്കാ​മെ​ന്നാ​ണ്. ലോ​ക​ബാ​ങ്ക്​ ക​ണ​ക്കു പ്ര​കാ​രം 2016ൽ ​ജ​ന​സം​ഖ്യ​യു​ടെ 82 ശ​ത​മാ​ന​ത്തി​ന്​ വൈ​ദ്യു​തി ല​ഭ്യ​മാ​യ​താ​യി പ​റ​യു​ന്നു. 1990ൽ ​ഇ​ത്​ 43 ശ​ത​മാ​ന​മാ​യി​രു​ന്നു.