വി​യോ​ജി​പ്പ്​ പ്ര​ക​ടി​പ്പി​ക്കാൻ എ​ല്ലാ​വ​ർ​ക്കും അ​വ​കാ​ശ​മു​ണ്ട്; വിദ്യാർഥി പ്രതിഷേധത്തിൽ ഉലഞ്ഞു പോകുന്നതല്ല രാജ്യത്തിന്‍റെ അടിത്തറ –കോടതി

ന്യൂ​ഡ​ൽ​ഹി: ''പ്ര​തി​ഷേ​ധി​ക്കാ​നും വി​യോ​ജി​പ്പ്​ പ്ര​ക​ടി​പ്പി​ക്കാ​നും എ​ല്ലാ​വ​ർ​ക്കും അ​വ​കാ​ശ​മു​ണ്ട്. ഭീ​ക​ര​പ്ര​വ​ർ​ത്ത​ന നി​രോ​ധ​ന നി​യ​മ​മാ​യ യു.​എ.​​പി.​എ​യു​ടെ വ​കു​പ്പു​ക​ൾ ചു​മ​ത്തി അ​റ​സ്​​റ്റു ചെ​യ്യാ​നു​ള്ള ഭീ​ക​ര ചെ​യ്​​തി​യ​ല്ല പ്ര​തി​ഷേ​ധം. എ​തി​ർ​പ്പു​ക​ൾ ഞെ​രി​ച്ച​മ​ർ​ത്താ​ൻ യു.​എ.​പി.​എ പൊ​ലീ​സ്​ ദു​രു​പ​യോ​ഗി​ക്ക​രു​ത്. ത​ല​സ്​​ഥാ​ന​ത്തെ ഒ​രു സ​ർ​വ​ക​ലാ​ശാ​ല വ​ള​പ്പി​ൽ നി​ന്ന്​ ഒ​രു പ​റ്റം വി​ദ്യാ​ർ​ഥി​ക​ൾ പ്ര​തി​ഷേ​ധ പ്ര​ക​ട​നം ന​ട​ത്തി​യാ​ൽ ഉ​ല​ഞ്ഞു പോ​കു​ന്ന​ത​ല്ല രാ​ജ്യ​ത്തി​െൻറ അ​ടി​ത്ത​റ​യെ​ന്ന്​ മ​ന​സ്സി​ലാ​ക്ക​ണം'' ഡ​ൽ​ഹി ഹൈ​കോ​ട​തി​യു​ടേ​താ​ണ്​ ഈ ​പ​രാ​മ​ർ​ശം.

പൗ​ര​ത്വ പ്ര​ക്ഷോ​ഭ​ത്തി​െൻറ പേ​രി​ൽ വി​ദ്യാ​ർ​ഥി​ക​ളാ​യ ആ​സി​ഫ്​ ഇ​ഖ്​​ബാ​ൽ ത​ൻ​ഹ, ന​താ​ഷ ന​ർ​വാ​ൾ, ദേ​വാം​ഗ​ന ക​ലി​ത എ​ന്നി​വ​ർ​ക്കെ​തി​രെ യു.​എ.​പി.​എ ചു​മ​ത്തി​യ ഡ​ൽ​ഹി പൊ​ലീ​സ്​ ന​ട​പ​ടി അ​ന്യാ​യ​മാ​ണെ​ന്ന്​ നി​രീ​ക്ഷി​ച്ചു​കൊ​ണ്ടാ​ണ്​ കോ​ട​തി ഇ​ങ്ങ​നെ പ​റ​ഞ്ഞ​ത്. ഇ​ന്ത്യ​ൻ ശി​ക്ഷാ നി​യ​മം (ഐ.​പി.​സി), ക്രി​മി​ന​ൽ ന​ട​പ​ടി ച​ട്ട​ങ്ങ​ൾ (സി.​ആ​ർ.​പി.​സി) തു​ട​ങ്ങി​യ സാ​ധാ​ര​ണ നി​യ​മ​ങ്ങ​ൾ കൊ​ണ്ട്​ കൈ​കാ​ര്യം ചെ​യ്യേ​ണ്ട കു​റ്റ​ങ്ങ​ൾ​ക്ക്​ യു.​എ.​പി.​എ പ്ര​യോ​ഗി​ക്ക​രു​തെ​ന്ന്​ കോ​ട​തി ഓ​ർ​മി​പ്പി​ച്ചു.

യു.​എ.​പി.​എ ചു​മ​ത്തി​യ​ത​ല്ലാ​തെ, അ​തി​നു ത​ക്ക ഗൗ​ര​വ​പ്പെ​ട്ട കു​റ്റ​ങ്ങ​ൾ ഈ ​വി​ദ്യാ​ർ​ഥി​ക​ൾ ചെ​യ​്​​തെ​ന്ന്​ സ്​​ഥാ​പി​ക്കാ​ൻ പൊ​ലീ​സി​നു​ ക​ഴി​ഞ്ഞി​ട്ടി​ല്ല. ഭീ​ക​ര ചെ​യ്​​തി എ​ന്നു പ​റ​ഞ്ഞാ​ൽ ഭീ​ക​ര​ത​യാ​വി​ല്ല. പൗ​ര​ത്വ നി​യ​മ​ഭേ​ദ​ഗ​തി​ക്കെ​തി​രാ​യ സ​മ​രം സ​ർ​ക്കാ​ർ നി​രോ​ധി​ച്ചി​ട്ടി​ല്ല. അ​ത്ത​ര​മൊ​രു പ്ര​തി​ഷേ​ധം നി​യ​മ​വി​രു​ദ്ധ​വു​മ​ല്ല. ഈ ​സ​മ​ര​ങ്ങ​ളെ​ല്ലാം പൊ​ലീ​സും അ​ന്വേ​ഷ​ണ ഏ​ജ​ൻ​സി​ക​ളും അ​ത​തു ഘ​ട്ട​ങ്ങ​ളി​ൽ നി​രീ​ക്ഷി​ച്ചി​രു​ന്നു. പ്ര​​ക്ഷോ​ഭ​ത്തി​െൻറ ഏ​കോ​പ​ന​ത്തി​ന്​ ഉ​ണ്ടാ​ക്കി​യ സം​ഘ​ട​ന​ക​ളെ​യും പൊ​ലീ​സ്​ നി​രോ​ധി​ച്ചി​ട്ടി​ല്ല. എ​ന്നി​രി​ക്കേ, പ്ര​ഥ​മ​ദൃ​ഷ്​​ട്യാ പോ​ലും യു.​എ.​പി.​എ ചു​മ​ത്താ​ൻ വ​കു​പ്പി​ല്ല.

ക​ഴി​ഞ്ഞ വ​ർ​ഷം ഫെ​ബ്രു​വ​രി​യി​ൽ ഡ​ൽ​ഹി​യി​ൽ ന​ട​ന്ന ക​ലാ​പ​ത്തി​ലേ​ക്കു​ള്ള വ​ലി​യ ഗൂ​ഢാ​ലോ​ച​ന​യു​ടെ ഭാ​ഗ​മാ​യി​രു​ന്നു 2019 ഡി​സം​ബ​റി​ൽ ന​ട​ന്ന പൗ​ര​ത്വ പ്ര​ക്ഷോ​ഭ​മെ​ന്ന പൊ​ലീ​സി​െൻറ കു​റ്റ​പ​ത്ര​ത്തി​ലെ വാ​ദ​വും കോ​ട​തി ത​ള്ളി​ക്ക​ള​ഞ്ഞു.