കൊല്ലപ്പെട്ട സിമി പ്രവർത്തകർക്കെതിരായ തെളിവുകൾ വിശ്വസനീയമല്ല –​​കോടതി

ഭോപ്പാൽ: ഭോപ്പാലിൽ പൊലീസുമായുള്ള എറ്റുമുട്ടലിൽ കൊല്ലപ്പെട്ട മൂന്ന്​ സിമി പ്രവർത്തകർക്കെതിരായ കേസുകളിൽ തെളിവുകൾ വിശ്വസനീയമല്ലെന്ന്​ കോടതി. 2011ലാണ്​ മൂന്നുപേർക്കെതിരെയും പൊലീസ്​ കേസെടുത്തത്​. യു.എ.പി.എ നിയമപ്രകാരം കേസെടുത്ത അഖീൽ ഗിൽജി മറ്റു വകുപ്പുകൾ പ്രകാരം ​​കേസെടുത്ത അംസാദ്​ റംസാൻ ഖാൻ, മുഹമദ്​ സാലിഖ്​ എന്നിവരുടെ കാര്യത്തിലാണ്​ നിർണായകമായ കോടതി പരാമർശമുണ്ടായത്​. നാലു വർഷത്തെ വിചാരണക്കു ശേഷം കേസിൽ കോടതി പുറപ്പെടുവിച്ച  വിധിയുടെ വിശദാംശങ്ങളാണ് ഇന്ത്യൻ എക്സ്പ്രസ് വെബ്സൈറ്റ് പുറത്തുവിട്ടത്​​.

ഇതോടെ ഇവർക്കെതിരെ യു.എ.പി.എ ചുമത്തിയ ​പൊലീസ്​ നടപടിയും  വിവാദത്തിലാകും. തെളിവുകൾ ഫോറൻസികിന്​ പരിശോധനക്കായി നൽകാത്തതിനെയും കോടതി  വിമർശിച്ചു. 2011 ജൂൺ 13 നാണ്​ ​ ഗിൽജിയെ പൊലീസ്​ കസ്​റ്റഡിയിലെടുക്കുന്നത്​.  മത വിഭാഗങ്ങൾക്കിടയിൽ സ്​പർധ വളർത്തുന്ന വിധത്തിൽ പ്രവർത്തിച്ചു എന്നതി​​െൻറ പേരിലാണ്​ ഗിൽജിക്കെതിരെ പൊലീസ്​ യു.എ.പി.എ ചുമത്തിയത്​.

തിങ്കളാഴ്​ചയുണ്ടായ പൊലീസ്​ എറ്റുമുട്ടലിൽ ​കൊല്ലപ്പെട്ട അബ്​ദുല്ലയുടെ സഹോദരൻ സക്കിർ ​ഹുസൈൻ, ഗിൽജിയുടെ മകൻ മുഹമദ്​ ജലീൽ എന്നിവരും ഇൗ കേസിൽ പ്രതികളാണ്​. യു.എ.പി.എയും മറ്റു വകുപ്പുകളായ  153(A),153(B),124(A) എന്നിവ പ്രകാരമാണ്​ ഇവർക്കെതിരെ കേസെടുത്തിരിക്കുന്നത്​.

ഗിൽജിയുടെ വീട്ടിൽ പതിനൊന്നോളം വരുന്ന സിമി പ്രവർത്തകർ ഒത്തുകൂടുകയും ഗൂഢാലോചനയിൽ പങ്കാളിയാവുകയും ചെയ്​തു എന്നതാണ്​ പൊലീസ്​ കേസ്​. സംഭവസ്​ഥലത്തു നിന്ന്​ ലഘുലേഖകളും സി.ഡികളും കണ്ടെടുത്തു എന്നാണ്​ പൊലീസ്​ പറഞ്ഞത്. ഇത്​ ​ പ്രതികൾ​ക്കെതിരായ മുഖ്യ തെളിവായി സ്വീകരിക്കുകയായിരുന്നു.

തിങ്കളാഴ്​ചയായിരുന്നു ഭോപ്പാൽ സെൻട്രൽ ജയിലിൽ വിചാരണ തടവുകാരായിരുന്ന 8 സിമി പ്രവർത്തകർ ജയിൽ ചാടിയത്​. ഇവ​രെ പിന്നീട്​ ​പൊലീസ്​ എറ്റുമുട്ടലിൽ കൊല്ലപ്പെട്ടതായി കണ്ടെത്തുകയായരുന്നു. ഭോപ്പാൽ പൊലീസി​​െൻറ നടപടി പിന്നീട്​ വിവാദമാവുകയായിരുന്നു.