വായ്​പ തട്ടിപ്പ്​; ദീപക്​ കൊച്ചാർ അറസ്​റ്റിൽ

ന്യൂഡൽഹി: വായ്​പ തട്ടിപ്പുകേസിൽ ബിസിനസുകാരനും ഐ.സി.ഐ.സി​.ഐ ബാങ്ക്​ മുൻ സി.ഇ.ഒ ചന്ദ കൊച്ചാറി​െൻറ ഭർത്താവുമായ ദീപക്​ കൊച്ചാർ അറസ്​റ്റിൽ. തിങ്കളാഴ്​ച ഉച്ച മുതൽ ​ചോദ്യം ചെയ്​ത ശേഷം വൈകി​ട്ടോടെ എൻഫോഴ്​സ്​മെൻറ്​ ഡയറക്​ടറേറ്റ്​ അറസ്​റ്റ്​ രേഖപ്പെടുത്തുകയായിരുന്നു.

ഐ.സി.ഐ.സി.ഐ ബാങ്ക്​ വിഡിയോകോൺ ​ഗ്രൂപ്പിന്​ അനധികൃത വായ്​പ അനുവദിച്ച കേസിലാണ്​ അറസ്​റ്റ്​. അനധികൃത വായ്​പ തട്ടിപ്പുകേസിൽ ചന്ദ കൊച്ചാർ, ദീപക്​ കൊച്ചാർ, വി​ഡിയോകോൺ ഗ്രൂപ്പ്​ തലവൻ വേണുഗോപാൽ ധൂത്ത്​ എന്നിവർക്കെതിരെ അന്വേഷണം ആ​രംഭിച്ചിരുന്നു. ഐ.സി.ഐ.സി.ഐ ബാങ്ക്​ വിഡിയോകോൺ ​ഗ്രൂപ്പിന്​ 1875 കോടി രൂപ അനധികൃതമായി വായ്​പ നൽകിയെന്ന കണ്ടെത്തലി​െ​ന തുടർന്നാണ്​ അറസ്​റ്റെന്ന്​ എൻ.ഡി.ടി.വി റിപ്പോർട്ട്​ ചെയ്​തു​. വേണുഗോപാൽ ധൂത്തും ദീപക്​ കൊച്ചാറും തമ്മിൽ വ്യവസായ പങ്കാളിത്തം ഉണ്ടായിരുന്നതായു​ം കണ്ടെത്തിയിരുന്നു.

കൂടാതെ ദീപക്​ കൊച്ചാറി​െൻറ ഇടപെടൽ മൂലമാണ്​ ചന്ദ കൊച്ചാർ വിഡിയോകോൺ ഗ്രൂപ്പിന്​ വായ്​പ അനുവദിച്ചതെന്നും ആരോപണം ഉയർന്നിരുന്നു.വിഡിയോകോണി​െൻറ തന്നെ മറ്റു സഹ കമ്പനികൾക്കും വായ്​പ അനുവദിച്ചതിനെതിരെയും അ​േന്വഷണം​ നടക്കുന്നുണ്ട്​.

എൻഫോഴ്​സ്​മെൻറ്​ ഡയറക്​ടറേറ്റും സി.ബി.ഐയും കേസുകളിൽ സ്വതന്ത്ര്യമായി അന്വേഷണം നടത്തുന്നുണ്ട്​. പ്രാഥമിക അന്വേഷണത്തിൽ ചന്ദ​ കൊച്ചാർ സി.ഇ.ഒ ആയിരുന്ന കാലയളവായ ജൂൺ 2009 മുതൽ ഒക്​ടോബർ 2011 വരെ 1875 കോടിയുടെ ആറു വായ്​പകൾ അനധികൃതമായി അനുവദിച്ചെന്ന്​ കണ്ടെത്തിയിരുന്നു. 2012ൽ ഈ വായ്​പകൾ നിഷ്​ക്രിയ ആസ്​തിയായി പ്രഖ്യാപിക്കുകയായിരുന്നു. ഇതോടെ ഐ.സി.ഐ.സി.ഐ ബാങ്കിന്​ 1730 കോടിയുടെ നഷ്​ടം നേരിട്ടതായും സി.​ബി.ഐ വ്യക്തമാക്കിയിരുന്നു. ചന്ദ കൊച്ചാറിനെതിരെ കൂടുതൽ ആരോപണങ്ങൾ പുറത്തുവന്നതോടെ സി.ഇ.ഒ പദവി അവർ രാജിവെച്ചിരുന്നു.