ജമ്മു കശ്മീരിൽ വാഹനത്തിനുള്ളിൽ സ്ഫോടനം; സ്ഫോടനം നടന്നത് ലാർകിപോറയിലെ മാർക്കറ്റിൽ

അനന്ത്നാഗ്: ജമ്മു കശ്മീരിലെ അനന്ത്നാഗ് ജില്ലയിൽ വാഹനത്തിനുള്ളിൽ സ്ഫോടനം. ലാർകിപോറയിലെ ദോരു ഏരിയയിലാണ് സംഭവം. സ്ഫോടനത്തിൽ നാലു പേർക്ക് പരിക്കേറ്റു.

പ്രാദേശിക മാർക്കറ്റിന് സമീപമാണ് സ്ഫോടനം നടന്നത്. സ്ഫോടനത്തെ തുടർന്ന് പ്രദേശവാസികൾ പരിഭ്രാന്തരായി. പരിക്കേറ്റവരെ നാട്ടുകാർ ആശുപത്രിയിൽ പ്രവേശിപ്പിച്ചു.

സ്ഫോടനം നടന്ന സ്ഥലത്ത് അധികൃതർ പരിശോധന ആരംഭിച്ചതായി മാധ്യമങ്ങൾ റിപ്പോർട്ട് ചെയ്തു.