ഹിമാചലിൽ പ്രവേശിക്കാൻ ട്രംപിനും ബച്ചനും ഇ പാസ്​; കേസ്​

ഷിംല: ഹിമാചൽ പ്രദേശിലേക്ക്​ പ്രവേശിക്കാൻ യു.എസ്​ മുൻ പ്രസിഡന്‍റ്​ ഡോണൾഡ്​ ട്രംപിന്‍റെയും ബോളിവുഡ്​ താരം അമിതാഭ്​ ബച്ചന്‍റെയും പേരിൽ വ്യാജ ഇ പാസിന്​ അപേക്ഷിച്ച സംഭവത്തിൽ കേസ്​​​. ഇരുവരുടെയും പേരുകളിൽ അനുവദിച്ച ഇ പാസിന്‍റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ്​ ഐ.ടി വകുപ്പ്​ പൊലീസിൽ പരാതി നൽകിയത്​. തെറ്റായ വിവരങ്ങൾ കൈമാറി ഇ പാസിന്​ അപേക്ഷിച്ചുവെന്നാണ്​ പരാതി.

ഇരുവർക്കും സംസ്​ഥാനത്ത്​ പ്രവേശിക്കാൻ എച്ച്​.പി 2563825, എച്ച്​.പി 2563287 എന്നീ നമ്പറുകളിലാണ്​ പാസുകൾ​. രണ്ടു പാസുകളിലും ഒരേ ഫോൺ നമ്പരാണ്​. തിരിച്ചറിയൽ രേഖയായി ആധാർ കാർഡും.

ഇ പാസ്​ അപേക്ഷയുടെ ദൃശ്യങ്ങൾ സമൂഹമാധ്യമങ്ങളിൽ വൻതോതിൽ പ്രചരിച്ചു. ഐ.ടി വകുപ്പ്​ പ്രകാരവും ദുരന്തനിവാരണ നിയമ​പ്രകാരവുമാണ്​ നടപടി. ജനങ്ങൾക്ക്​ തെറ്റായ സന്ദേശമാണ്​ ഇതിലൂടെ ലഭിക്കുകയെന്ന്​ ഷിംല ​പൊലീസ്​ പറഞ്ഞു.

ട്രംപിന്‍റെ പേരിൽ രജിസ്റ്റർ ചെയ്​ത ഇ പാസ്​ അപേക്ഷയിൽ ഛണ്ഡീഗഡിലെ സെക്​ടർ ​17ലെ സുന്നിയിൽ പ്രവേശിക്കണമെന്നാണ്​ ആവശ്യം. ബച്ച​േന്‍റതിലും സെക്​ടർ 17 ഷിംലയിൽ പ്രവേശിക്കണമെന്നുതന്നെയാണ്​ ആവശ്യം. ഇരുപാസുകൾക്കും ഒരാൾ തന്നെയാണ്​ അപേക്ഷിച്ചതെന്നാണ്​ നിഗമനം.

ഡോണൾഡ്​​ ട്രംപിന്‍റെ പിതാവിന്‍റെ പേരിന്‍റെ സഥാനത്ത്​ മാർക്ക്​ ജോൺസ്​ എന്ന്​ രേഖപ്പെടുത്തിയിട്ടുണ്ട്​. പർകാശ്​ ശർമയെ കാണണമെന്നാണ്​ ആവശ്യം. ബച്ചന്‍റെ പാസിൽ ഹർബൻസ്​ റായ്​ ബച്ചൻ എന്ന പിതാവിന്‍റെ പേര്​ രേഖപ്പെടുത്തുകയും രാജീവ്​ സെഹ്​ജലിന്​ കാണണമെന്ന ആവശ്യയും രേഖപ്പെടുത്തിയിട്ടുണ്ട്​. മേയ്​ ഏഴുവരെയാണ്​ പാസ്​ അനുവദിച്ചത്​.

കോവിഡ്​ സാഹചര്യത്തിൽ ഹിമാചൽ പ്രദേശിൽ പ്രവേശിക്കാൻ ഇ പാസ്​ നിർബന്ധമാക്കിയിരുന്നു. തുടർന്ന്​ നിരവധി അപേക്ഷകളും ലഭിച്ചിരുന്നു.