പട്ടിണിമാറ്റാൻ പച്ചക്കറി വിറ്റ യുവാവിനെ യു.പി പൊലീസ്​ തല്ലിക്കൊന്നു; വഴിയാധാരമായി കുടുംബം

പ്രായമേറിയ മതാപിതാക്കളുള്ള കുടുംബത്തിന്​ ഭക്ഷണത്തിനുള്ള വക കണ്ടെത്താനാണ്​ ഫൈസൽ ഹുസൈനെന്ന 20 കാരൻ പച്ചക്കറി വിൽക്കാനിറങ്ങിയത്​. പക്ഷേ, അവ​െൻറ പേരു തന്നെ ഒരു കുറ്റമായതിനാൽ പൊലീസി​െൻറ ക്രൂരമർദനത്താൽ കൊല്ലപ്പെടാനായിരുന്നു വിധി. മേയ്​ 21 ന്​ ഉത്തർ പ്രദേശിലെ ഉന്നാവോയിലാണ്​ സംഭവം.

വീടിനടുത്തുള്ള ചെറിയ മാർക്കറ്റിൽ ഒരു ചാക്കിലെത്തിച്ച പച്ചക്കറി വിൽക്കുകയായിരുന്നു ഫൈസൽ ഹുസൈൻ. അവിടെയെത്തിയ പൊലീസ്​ ലോക്​ഡൗൺ നിയന്ത്രണം ​െതറ്റിച്ചുവെന്ന്​ പറഞ്ഞാണ്​ ഫൈസലിനെ കസ്​റ്റഡിയിലെടുക്കുന്നത്​. അപ്പോൾ സമയം ഉച്ചക്ക്​ രണ്ടു മണിയാണ്​. പള്ളിയിൽ നിന്ന്​ പ്രാർഥന കഴിഞ്ഞിറങ്ങിയ ഫൈസൽ അപ്പോൾ കച്ചവടം തുടങ്ങുകയായിരുന്നുവെന്ന്​ കുടുംബം പറഞ്ഞതായി ദ വയർ റിപ്പോർട്ട്​ ചെയ്യുന്നു.

മാർക്കറ്റിലെത്തിയ പൊലീസ്​ ഫൈസലിനോട്​ പേരു ചോദിച്ചുവെന്നും പേരു പറഞ്ഞയുടനെ അവനെ മർദ്ദിക്കുകയായിരുന്നുവെന്നും ഫൈസലി​െൻറ ബന്ധു നൊമാൻ ഹുസൈൻ പറഞ്ഞു. അവിടെ നിന്ന്​ പൊലീസ്​ കൊണ്ടു പോയ ഫൈസലി​​െൻറ മൃതദേഹമാണ്​ അടുത്ത ദിവസം രാവിലെ 5 ന്​ ബന്ധുക്കൾക്ക്​ ലഭിക്കുന്നത്​.

ഹൃദയാഘാതം കാരണം മരിച്ചുവെന്നായിരുന്നു​ പൊലീസി​െൻറ പ്രഥമിക റിപ്പോർട്ട്​. എന്നാൽ, പോസ്​റ്റുമോർട്ടം റി​പ്പോർട്ടിലുണ്ടായിരുന്നത്​ ​െഞട്ടിക്കുന്ന വിവരങ്ങളാണ്​. ആ 20 കാര​െൻറ ദേഹത്ത്​ 21 മാരക പരിക്കുകളുണ്ടായിരുന്നു. തലയോട്ടി അടിച്ചു തകർത്തിരുന്നു.

സംഭവത്തിൽ രണ്ട്​ പൊലീസുകാരെ സസ്​പെൻറ്​ ചെയ്യുകയും ഒരു ഹോം ഗാർഡിനെ പിരിച്ചുവിടുകയും ചെയ്​തിട്ടുണ്ട്​. സസ്​പെൻഷനിലുള്ള കോൺസ്​റ്റബിളുകളായ വിജയ്​ ചൗധരി, സിമാവത്ത്​ എന്നിവ​ർ ഒളിവിലാണ്​. ഹോം ഗാർഡ്​ സത്യ പ്രകാശിനെ പൊലീസ്​ അറസ്​റ്റ്​ ചെയ്​തിട്ടുണ്ട്​. പ്രതികൾക്കെതിരെ ​േകസെടുത്തിട്ടുണ്ടെന്നും ഒളിവിലുള്ളവരെ കണ്ടെത്തുന്നതിനായി അന്വേഷണം പുരോഗമിക്കുകയാണെന്നും ഉന്നാവോ എസ്​.പി ആനന്ദ്​ കുൽകർണി അറിയിച്ചു.

20 കാരനായ ഫൈസൽ തൊഴിൽ പരിശീലനത്തിനായി നേര​െത്ത പൂനെയിൽ രണ്ടു വർഷം കഴിഞ്ഞിട്ടുണ്ട്​. സഹോദരിയുടെ വിവാഹത്തിനായി നാട്ടിലെത്തിയ ശേഷം, ലോക്​ഡൗൺ കാരണം തിരിച്ചു ​േപാകാനായില്ല. ഉപജീവനത്തിന്​ മറ്റു മാർഗങ്ങളൊന്നുമില്ലാത്തതിനാൽ കുടുംബം പോറ്റാനായി പച്ചക്കറി കച്ചവടത്തിന്​ ഇറങ്ങിയതായിരുന്നു. 500 രൂപക്ക്​ ഹോൾസെയിൽ മാറക്കറ്റിൽ നിന്ന്​ ലഭിക്കുന്ന പച്ചക്കറ്റി വീടിനടുത്തുള്ള ചെറിയ മാർക്കറ്റിലെത്തിച്ച്​ വിറ്റാൽ 650- 700 രൂപയാണ്​ ലഭിച്ചിരുന്നതെന്ന്​ ഫൈസലി​െൻറ സഹോദരി കുശ്​നുമ പറയുന്നു.​ ആ വരുമാനം കൂടി നിലച്ചതോടെ ഫൈസലി​െൻറ അനിയൻ 15 കാരൻ മുഹമ്മദ്​ അയാ​െൻറ ചുമലിലാണ്​ ഇനി കുടുംബ ഭാരം.

​ൈഫസലി​െൻറ പിതാവ്​ ഇസ്​ലാം ഹുസൈനും മാതാവ്​ നസീമ ബാനുവും ആരോഗ്യ പ്രശ്​നങ്ങൾ കാരണം തൊഴിലെടുക്കാനാകാത്തവരാണ്​. 22 വയസുള്ള മുഹമ്മദ്​ സുഫിയാൻ എന്നൊരു സഹോദരൻ ഉണ്ടെങ്കിലും മാനസിക-ശാരീരിക വൈകല്യങ്ങളുള്ളയാളാണ്​.

പൊലീസ്​ മർദനമേറ്റു മരിച്ച ഫൈസലി​െൻറ കുടുംബത്തിന്​ സർക്കാർ ഇതുവരെയും നഷ്​ടപരിഹാരമൊന്നും പ്രഖ്യാപിച്ചിട്ടില്ല. മുഖ്യമന്ത്രി യോഗി ആദിത്യനാഥ്​ സംഭവത്തെ കുറിച്ച്​ പ്രതികരിക്കാൻ തയാറായിട്ടില്ല. അതേസമയം, നഷ്​ടപരിഹാരം സർക്കാറി​െൻറ പരിഗണനയിലു​ണ്ടെന്ന്​ പൊലീസ്​ പറഞ്ഞതായി 'ദ വയർ' റിപ്പോർട്ട്​ ചെയ്യുന്നുണ്ട്​​.

ഫൈസലി​െൻറ കുടുംബത്തി​െൻറ അവസ്​ഥ ദയനീയമാണെന്ന്​ പ്യൂപിൾസ്​ യൂണിയൻ ഫോർ സിവിൽ ലിബർട്ടീസ്​ ​പ്രതിനിധി അലോക്​ അൻവർ പറയുന്നു. 'ഫൈസലി​െൻറ കുടുംബത്തെ ഞങ്ങളുടെ സംഘം സന്ദർശിച്ചപ്പോൾ മനസിലായത്​ അവർ ഭക്ഷണത്തിന്​ പോലും പ്രയാസപ്പെടുകയാണെന്നാണ്​. അതുകൊണ്ടാണ്​ ഫൈസൽ പച്ചക്കറി കച്ചവടം ചെയ്യാൻ നിർബന്ധിതനായത്​' -അലോക്​ അൻവർ പറയുന്നു.

യു.പിയെ ഒരു പരീക്ഷണ ലാബാക്കാനാണ്​ യോഗി ശ്രമിക്കുന്നതെന്നും അദ്ദേഹം പറഞ്ഞു. അക്രമമാണ്​ ആ പരീക്ഷണത്തിൽ പ്രധാനം. ന്യൂനപക്ഷങ്ങളെയും ദലിതുകളടക്കമുള്ള പാർശ്വവത്​കൃതരെയും ഭയപ്പെടുത്തി നിർത്തുകയാണ്​ അക്രമങ്ങളുടെ ലക്ഷ്യം. പൊലീസിനെ സർക്കാർ കയറൂരി വിട്ടിരിക്കുകയാണെന്നും അലോക്​ അൻവർ പറഞ്ഞു.

ബി​.ജെ.പി എം.എൽ.എ ശ്രീകാന്ത്​ കത്യാർ ഫൈസലി​െൻറ കുടുംബത്തെ സന്ദർശിക്കുക പോലും ചെയ്യാത്തത്​ കൃത്യമായ വിവേചനമാണെന്ന്​ കോൺഗ്രസ്​ ജില്ലാ പ്രസിഡൻസ്​ ആർതി ബാജ്​പായി പറഞ്ഞു. കൊല്ലപ്പെട്ട ഫൈസലി​െൻറ കുടുംബത്തിന്​ സഹായവുമായി കോൺഗ്രസ്​ ഉണ്ടാകുമെന്നും ആർതി പറഞ്ഞു. സമാജ്​വാദി പാർട്ടി നേതാവ്​ അഖിലേഷ്​ യാദവും ​ൈഫസലി​െൻറ കുടുംബത്തിന്​ പിന്തുണ അറിയിക്കുകയും ആശ്വസിപ്പിക്കാനായി ഫോണിൽ വിളിക്കുകയും ചെയ്​തിരുന്നു.