മോദി കർഷകനെ ​കരയിപ്പിക്കുന്നു; ജനാധിപത്യം ലജ്ജിക്കുന്നു -​രാഹുൽ

ന്യൂഡൽഹി: ന​േ​രന്ദ്രമോദി സർക്കാറി​െൻറ കാർഷിക ബില്ലുകൾക്കെതിരെ വിമർശനവുമായി വീണ്ടും കോൺഗ്രസ്​ നേതാവ്​ രാഹുൽ ഗാന്ധി. നരേന്ദ്രമോദി സർക്കാറി​െൻറ അഭിമാനം ഭൂമിയിൽനിന്ന്​ പൊന്നുവിളയിക്കുന്ന കർഷക​െൻറ കണ്ണുനീർ വീഴ്​ത്തിയതായി അദ്ദേഹം പറഞ്ഞു.

'നരേന്ദ്രമോദി സർക്കാറി​െൻറ അഭിമാനം ഭൂമിയിൽനിന്ന്​ പൊന്നുവിളയിക്കുന്ന കർഷക​െൻറ കണ്ണുനീർ വീഴ്​ത്തി. രാജ്യസഭയിൽ കാർഷിക ബില്ലി​െൻറ രൂപത്തിൽ സർക്കാർ കർഷകന്​ മരണ ഉത്തരവ്​ പുറപ്പെടുവിച്ചതിൽ ജനാധിപത്യം ലജ്ജിക്കുന്നു' -​രാഹുൽ ഗാന്ധി ട്വീറ്റ്​ ചെയ്​തു.

കാർഷിക ബില്ലിനെതിരെ നേരത്തെയും രാഹുൽ ഗാന്ധി രംഗത്തെത്തിയിരുന്നു. കർഷകർക്കെതിരായ കറുത്ത നിയമം എന്നായിരുന്നു രാഹുൽ ബില്ലിനെ വിശേഷിപ്പിച്ചത്​.

ലോക്​സഭയിൽ മോദി സർക്കാർ അവതരിപ്പിച്ച കാ​ർ​ഷി​കോ​ൽ​പ​ന്ന വ്യാ​പാ​ര പ്രോ​ത്സാ​ഹ​ന ബി​ൽ, ക​ർ​ഷ​ക ശാ​ക്തീ​ക​ര​ണ- വി​ല​സ്ഥി​ര​ത- കാ​ർ​ഷി​ക സേ​വ​ന ബി​ൽ എന്നിവ ഞായറാഴ്​ച രാജ്യസഭയും പാസാക്കുകയായിരുന്നു. ബിൽ അവതരണത്തിനിടെ പ്രതിപക്ഷ പാർട്ടികളുടെ പ്രതിഷേധം അരങ്ങേറുകയും ബിൽ കീറിയെറിയുകയും ചെയ്​തിരുന്നു. ശക്തമായ പ്രതിപക്ഷ പാർട്ടികളുടെ എതിർപ്പിനിടയിലും ശബ്​ദവോ​ട്ടോടെയാണ്​ രാജ്യസഭ ബിൽ പാസാക്കിയത്​.

Latest Video: