കണ്ണീർ വാതക പ്രയോഗത്തിനിടെ പരിക്കേറ്റ കർഷകൻ മരിച്ചു

ന്യൂ​ഡ​ൽ​ഹി: ക​ർ​ഷ​ക​രു​ടെ സ​മ​രം നാലാം ദിവസത്തിലേക്ക് കടന്നിരിക്കെ പൊലീസ് അതിക്രമത്തിൽ പരിക്കേറ്റ കർഷൻ മരിച്ചു. 65കാരനായ ഗുരുദാസ്പൂർ സ്വദേശി ഗ്യാൻ സിങ് ആണ് മരിച്ചത്.

ഫെബ്രുവരി 13 ന് ഹരിയാന പൊലീസ് നടത്തിയ കണ്ണീർ വാതക പ്രയോഗത്തെ തുടർന്ന് ഗ്യാൻ സിങ് അസ്വസ്ഥത പ്രകടിപ്പിച്ചിരുന്നെന്ന് കൂടെയുണ്ടായിരുന്ന അനന്തരവൻ പറഞ്ഞു. കഴിഞ്ഞ ദിവസം ആരോഗ്യനില മോശമായതോടെ ആദ്യം രാജ്പുര സിവിൽ ആശുപത്രിയിലും പിന്നീട് പട്യാലയിലെ രജീന്ദ്ര മെഡിക്കൽ കോളജിലും പ്രവേശിപ്പിച്ചു. ഹൃദയാഘാതമാണ് മരണകാരണമെന്നാണ് മെഡിക്കൽ റിപ്പോർട്ടുകൾ. കിസാൻ മസ്ദൂർ മോർച്ച അംഗമായിരുന്നു ഗ്യാൻ സിങ്.

വി​ള​ക​ൾ​ക്ക് മി​നി​മം താ​ങ്ങു​വി​ല ഉ​റ​പ്പാ​ക്കാ​ൻ നി​യ​മം ന​ട​പ്പാ​ക്ക​ൽ ഉ​ൾ​പ്പെ​ടെ 12 ആ​വ​ശ്യ​ങ്ങ​ളുന്നയിച്ച് നടത്തുന്ന കർഷക സമരം അവസാനിപ്പിക്കാനുള്ള സ​ർ​ക്കാ​റി​​ന്‍റെ അ​നു​ന​യ നീ​ക്ക​ം സ​ജീ​വ​മാ​ണ്. ഇന്നലെ നടന്ന ചർച്ച പരാജയപ്പെട്ടിരുന്നു. ഞായറാഴ്ച വീണ്ടും കർഷക സംഘടന നേതാക്കളുമായി മന്ത്രിതല സമിതി ചർച്ച നടത്തും. ച​ർ​ച്ചകൾ വി​ജ​യി​ച്ചി​ല്ലെ​ങ്കി​ൽ എ​ല്ലാ ത​ട​സ്സ​വും മ​റി​ക​ട​ന്ന് ദി​ല്ലി ച​ലോ മാ​ർ​ച്ച് തു​ട​രു​മെ​ന്ന് നേ​താ​ക്ക​ൾ വ്യ​ക്ത​മാ​ക്കിയിട്ടുണ്ട്.

കേന്ദ്ര സേനയോടൊപ്പം ഹരിയാന പൊലീസും വൻസന്നാഹങ്ങളോടെയാണ് കർഷകരെ തടഞ്ഞിരിക്കുന്നത്. സ​മ​രം ക​ടു​പ്പി​ക്കാ​ൻ കൂ​ടു​ത​ൽ ജ​ന​ങ്ങ​​േ​ളാ​ട് ഹ​രി​യാ​ന അ​തി​ർ​ത്തി​യി​ലേ​ക്കെ​ത്താ​ൻ ക​ർ​ഷ​ക നേ​താ​ക്ക​ൾ ആ​വ​ശ്യ​പ്പെ​ട്ടിരുന്നു. അ​തി​ർ​ത്തി ക​ട​ക്കാ​ൻ ഹ​രി​യാ​ന ​​പൊ​ലീ​സ് അ​നു​വ​ദി​ക്കാ​തി​രു​ന്ന​തോ​ടെ​യാ​ണ് ഓ​രോ ഗ്രാ​മ​ങ്ങ​ളി​ൽ​നി​ന്നും 100 പേ​രെ ക​ർ​ഷ​ക​ർ നി​ല​വി​ൽ ത​മ്പ​ടി​ച്ച ശം​ബു, ക​നൗ​രി പ്ര​ദേ​ശ​ങ്ങ​ളി​ലേ​ക്കെ​ത്താ​ൻ നേ​താ​ക്ക​ൾ അ​ഭ്യ​ർ​ഥി​ച്ച​ത്. ഇതേതുടർന്ന് മറ്റു അതിർത്തികളിലേക്കും കൂടുതൽ കർഷകർ എത്തിക്കൊണ്ടിരിക്കുകയാണ്.