കർഷകർക്ക്​ നേരെ പൊലീസി​െൻറ ലാത്തിച്ചാർജ്​; കൂടുതൽ കർഷകർ ഡൽഹിയിലേക്ക്​

ന്യൂഡൽഹി: കാർഷിക നിയമങ്ങൾക്കെതിരെ വിവിധ സംസ്​ഥാനങ്ങളിലെ കർഷകരുടെ നേതൃത്വത്തിൽ നടത്തുന്ന 'ഡൽഹി ചലോ മാർച്ചി'ന്​ നേരെ പൊലീസി​െൻറ ലാത്തിച്ചാർജ്​. കർഷകർക്ക്​ നേരെ പൊലീസ്​ കണ്ണീർ വാതകവും ഗ്രനേഡും പ്രയോഗിച്ചു. ടിക്​രി, സിങ്കു അതിർത്തികളിലായിരുന്നു സംഘർഷം.

ഡൽഹിയിലെ അതിർത്തിയിൽ മാർച്ചുമായി എത്തിയ കർഷകർക്ക്​ നേരെ വെള്ളിയാഴ്​ച രാവിലെയും പൊലീസി​െൻറ നേതൃത്വത്തിൽ ആക്രമണം അഴിച്ചുവിട്ടിരുന്നു. കൂട്ടമായി എത്തിയ കർഷകരെ ബാരിക്കേഡുകൾ വെച്ച്​ തടയുകയും ഗ്രനേഡ്​ ഉൾപ്പെടെ എറിയുകയുമായിരുന്നു. പ്രായമായ നിരവധി കർഷകർക്ക്​ ദേഹാസ്വസ്​ഥ്യം അനുഭവപ്പെട്ടു.

കർഷകർ ഡൽഹിയുടെ അതിർത്തിയായ സിങ്കുവിൽ പ്രതിഷേധം ശക്തമാക്കിയതോടെ കർഷകർക്ക്​ നേരെ കണ്ണീർ വാതകം പ്രയോഗിച്ചു. പ്രതിഷേധം കനത്തതോടെ ബുരാരി​യിലെ നിരങ്കാരി മൈതാനത്തേക്ക്​ പ്രവേശിക്കാൻ അനുവാദം നൽകി.

​അതിർത്തികൾ കർഷകർ വളഞ്ഞതോടെ പ്രദേശത്ത്​ കൂടുതൽ പൊലീസിനെ വിന്യസിച്ചു. ​ട്രക്കുകളിൽ ഭക്ഷ്യവസ്​തുക്കളും പുതപ്പുകളും അവശ്യവസ്​തുക്കളുമായാണ്​ ഡൽഹിയിലേക്ക്​ കർഷകരുടെ മാർച്ച്​. ഡൽഹി അതിർത്തി കടക്കാൻ അനുവദിക്കാതെ വന്നതോടെ കർഷകർ ട്രക്കുകൾ ഉപയോഗിച്ച്​ ബാരിക്കേഡുകൾ തകർക്കാൻ ശ്രമിച്ചു. ശൈത്യകാലത്തെ പോലും വകവെക്കാതെയാണ്​ കർഷകരുടെ പ്രതിഷേധം. പൊലീസ്​ കർഷകർക്ക്​ നേരെ അതിക്രമം അഴിച്ചുവിട്ടതോടെ കൂടുതൽ കർഷകർ ഡൽഹിയിലേക്ക്​ എത്തുമെന്നാണ്​ സൂചന.

തങ്ങളുടെ ആവശ്യം കേന്ദ്രസർക്കാർ അംഗീകരിക്കാരെ പ്രതിഷേധത്തിൽനിന്ന്​ പിന്മാറില്ലെന്ന്​ കർഷകർ വ്യക്തമാക്കി. ആവശ്യം അംഗീകരിക്കുന്നതുവരെ അനിശ്ചിത കാല സമരം തുടരാനാണ്​ കർഷകരുടെ തീരുമാനം.

അതേസമയം, കർഷകർ രാജ്യതലസ്​ഥാനത്തേക്ക്​ അടുക്കുന്നതോടെ സ്​റ്റേഡിയങ്ങൾ ജയിലുകളാക്കി മാറ്റാനായിരുന്നു ഡൽഹി പൊലീസി​െൻറ തീരുമാനം. ഒമ്പതോളം സ്​റ്റേഡിയങ്ങൾ ജയിലുകളാക്കി മാറ്റാനായിരുന്നു നീക്കം. എന്നാൽ പൊലീസി​െൻറ ആവശ്യം അംഗീകരിക്കാൻ ഡൽഹി സർക്കാർ തയാറായില്ല.