കർഷകരെ ഒഴിപ്പിച്ചു; പഞ്ചാബ്-ഹരിയാന അതിർത്തിയിൽ ഗതാഗതം പുനരാരംഭിച്ചു

ച​ണ്ഡി​ഗ​ഢ്: പ​ഞ്ചാ​ബ്-​ഹ​രി​യാ​ന അ​തി​ർ​ത്തി​യി​ൽ ഒ​രു വ​ർ​ഷ​ത്തോ​ള​മാ​യി ന​ട​ത്തു​ന്ന ക​ർ​ഷ​ക സ​മ​ര​ത്തെ​തു​ട​ർ​ന്ന് അ​ട​ച്ചി​ടേ​ണ്ടി​വ​ന്ന ശം​ഭു-​അം​ബാ​ല ദേ​ശീ​യ​പാ​ത അ​ധി​കൃ​ത​ർ ബ​ല​മാ​യി തു​റ​ന്നു. നേ​താ​ക്ക​ൾ ഉ​ൾ​പ്പെ​ടെ നി​ര​വ​ധി ക​ർ​ഷ​ക​രെ ക​സ്റ്റ​ഡി​യി​ലെ​ടു​ത്ത ശേ​ഷ​മാ​ണ് പ​ഞ്ചാ​ബ്, ഹ​രി​യാ​ന അ​ധി​കൃ​ത​രു​ടെ ന​ട​പ​ടി. ക​ർ​ഷ​ക​ർ ഡ​ൽ​ഹി​യി​ലേ​ക്ക് മാ​ർ​ച്ച് ന​ട​ത്തു​ന്ന​ത് ത​ട​യാ​ൻ ഒ​രു വ​ർ​ഷം മു​മ്പാ​ണ് ശം​ഭു, ഖ​നൗ​രി അ​തി​ർ​ത്തി​ക​ളി​ൽ കോ​ൺ​ക്രീ​റ്റ് ബാ​രി​ക്കേ​ഡു​ക​ൾ സ്ഥാ​പി​ച്ച​ത്. തു​ട​ർ​ന്ന് ക​ർ​ഷ​ക​ർ ദേ​ശീ​യ​പാ​ത ഉ​പ​രോ​ധി​ച്ച് സ​മ​രം ആ​രം​ഭി​ക്കു​ക​യാ​യി​രു​ന്നു. റോ​ഡി​ൽ ടെ​ന്റു​ക​ൾ സ്ഥാ​പി​ച്ചും ട്രോ​ളി​ക​ൾ നി​ര​ത്തി​യു​മാ​യി​രു​ന്നു ക​ർ​ഷ​ക​രു​ടെ സ​മ​രം.

ബു​ധ​നാ​ഴ്ച വൈ​കീ​ട്ട് ഹ​രി​യാ​ന അ​ധി​കൃ​ത​ർ ബാ​രി​ക്കേ​ഡ് നീ​ക്കി​യ​പ്പോ​ൾ പ​ഞ്ചാ​ബ് ഭാ​ഗ​ത്ത് ക​ർ​ഷ​ക​രു​ടെ കൂ​ടാ​ര​ങ്ങ​ളും താ​ൽ​ക്കാ​ലി​ക നി​ർ​മി​തി​ക​ളും ബു​ൾ​ഡോ​സ​ർ ഉ​പ​യോ​ഗി​ച്ച് ത​ക​ർ​ത്തു. താ​ൽ​ക്കാ​ലി​ക സ്റ്റേ​ജു​ക​ളും മ​റ്റും പൊ​ളി​ച്ചു​മാ​റ്റി​യ ശേ​ഷം പ്ര​തി​ഷേ​ധ സ്ഥ​ല​ങ്ങ​ൾ വൃ​ത്തി​യാ​ക്കി. ഒ​രു വ​ർ​ഷ​ത്തി​ലേ​റെ​യാ​യി ക​ർ​ഷ​ക​ർ നി​ർ​ത്തി​യി​രു​ന്ന ട്രോ​ളി​ക​ളും മ​റ്റു വാ​ഹ​ന​ങ്ങ​ളും നീ​ക്കം​ചെ​യ്തു. ഏ​ക​ദേ​ശം 3000 ഉ​ദ്യോ​ഗ​സ്ഥ​രാ​ണ് ഖ​നൗ​രി അ​തി​ർ​ത്തി​യി​ലെ പ്ര​തി​ഷേ​ധ​ക്കാ​രെ ഒ​ഴി​പ്പി​ക്കാ​നാ​യി എ​ത്തി​യ​ത്.

കേ​ന്ദ്ര പ്ര​തി​നി​ധി​സം​ഘ​വു​മാ​യു​ള്ള കൂ​ടി​ക്കാ​ഴ്ച​യി​ൽ​നി​ന്ന് മ​ട​ങ്ങു​ന്ന​തി​നി​ടെ സ​ർ​വാ​ൻ സി​ങ് പാ​ന്ത​ർ, ജ​ഗ്ജി​ത് സി​ങ് ദ​ല്ലേ​വാ​ൾ എ​ന്നി​വ​രു​ൾ​പ്പെ​ടെ നി​ര​വ​ധി ക​ർ​ഷ​ക നേ​താ​ക്ക​ളെ മൊ​ഹാ​ലി​യി​ൽ പ​ഞ്ചാ​ബ് പൊ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​തി​ൽ പ്ര​തി​ഷേ​ധി​ച്ച് ക​ർ​ഷ​ക​ർ ഡെ​പ്യൂ​ട്ടി ക​മീ​ഷ​ണ​റു​ടെ ഓ​ഫി​സി​ന് മു​ന്നി​ൽ ധ​ർ​ണ ന​ട​ത്തി.

ബി.ജെ.പിയും ആം ആദ്മിയും കർഷകവിരുദ്ധ പാർട്ടികൾ -ഖാർഗെ

ന്യൂ​ഡ​ൽ​ഹി: ശം​ഭു​വി​ലെ​യും ഖ​നൗ​രി​യി​ലെ​യും പ്ര​തി​ഷേ​ധ സ്ഥ​ല​ങ്ങ​ളി​ൽ​നി​ന്ന് ക​ർ​ഷ​ക​രെ ഒ​ഴി​പ്പി​ച്ച​തി​ൽ ബി.​ജെ.​പി​യെ​യും ആം ​ആ​ദ്മി പാ​ർ​ട്ടി​യെ​യും വി​മ​ർ​ശി​ച്ച് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ. രാ​ജ്യ​ത്തെ ഭ​ക്ഷ്യ ദാ​താ​ക്ക​ൾ​ക്കെ​തി​രെ ര​ണ്ടു ക​ർ​ഷ​ക​വി​രു​ദ്ധ പാ​ർ​ട്ടി​ക​ൾ കൈ​കോ​ർ​ത്ത​താ​യി ഖാ​ർ​ഗെ ആ​രോ​പി​ച്ചു.

പ​ഞ്ചാ​ബ് സ​ർ​ക്കാ​ർ ക​ർ​ഷ​ക​രെ ബ​ല​മാ​യി ഒ​ഴി​പ്പി​ച്ച​തി​നെ​യും നേ​താ​ക്ക​ളെ ക​സ്റ്റ​ഡി​യി​ലെ​ടു​ത്ത​തി​നെ​യും ഖാ​ർ​ഗെ അ​പ​ല​പി​ച്ചു. ഇ​രു പാ​ർ​ട്ടി​ക​ളും രാ​ജ്യ​ത്തെ ക​ർ​ഷ​ക​രെ വ​ഞ്ചി​ച്ചെ​ന്നും ഖാ​ർ​ഗെ ‘എ​ക്സി’​ൽ കു​റി​ച്ചു.