കർഷക സമരം: കേന്ദ്രം കൂടുതൽ വിട്ടുവീഴ്ചക്ക് തയ്യാറായേക്കുമെന്ന് സൂചന

ന്യൂഡൽഹി: ഇന്ന് നടക്കാനിരിക്കുന്ന കർഷകരുമായുള്ള ചർച്ചയിൽ കേന്ദ്രം കൂടുതൽ വിട്ടുവീഴ്ചക്ക് തയ്യാറായേക്കുമെന്ന് സൂചന. താങ്ങുവിലയിൽ പുതിയ ഉത്തരവ് ഇറക്കാനുള്ള നീക്കം സർക്കാർ നടത്തിയേക്കുമെന്നാണ് വിവരം.എന്നാൽ വിവാദ നിയമം ആദ്യം പിൻവലിക്കണമെന്ന ആവശ്യത്തിൽ കർഷകർ ഉറച്ചുനിൽക്കുകയാണ്. കാർഷിക നിയമം പിൻവലിക്കാതെ എങ്ങനെ പ്രശ്നം പരിഹരിക്കാമെന്ന ആലോചനയും കേന്ദ്രം നടത്തുന്നുണ്ട്.

രാവിലെ 11 മണിക്ക് വിഗ്യാൻ ഭവനിൽ വെച്ചായിരുന്നു യോഗം തീരുമാനിച്ചത്. എന്നാൽ 12.30 ഓടെയാണ് ചർച്ച ആരംഭിച്ചത്. കൃഷിമന്ത്രി നരേന്ദ്ര സിംഗ് തോമർ, റെയിൽ മന്ത്രി പിയുഷ് ഗോയൽ എന്നിവർ യോഗത്തിൽ പങ്കെടുക്കും. ചർച്ചയിൽ 35 കർഷക സംഘടനകളും പങ്കെടുക്കും.

കഴിഞ്ഞ ദിവസത്തെ ചർച്ചയിൽ കർഷകർക്ക് എതിർപ്പുള്ള വിഷയങ്ങൾ എഴുതി അറിയിക്കാൻ സർക്കാർ ആവശ്യപ്പെട്ടിരുന്നു. കേന്ദ്ര സർക്കാർ പുതുതായി പാസ്സാക്കിയ മൂന്ന് കാർഷിക നിയമങ്ങളും നിരുപധികം റദാക്കുക എന്നതിനപ്പുറം മറ്റ് ആവശ്യങ്ങൾ മുന്നോട്ട് വെക്കാനില്ലെന്ന് കർഷക സംഘടനകൾ സർക്കാരിനെ അറിയിച്ചു.

അതേസമയം ചർച്ചയിൽ പ്രശ്ന പരിഹാരം ഉണ്ടായില്ലെങ്കിൽ കർഷക സംഘടനകൾ സമരം കൂടുതൽ വ്യാപിപ്പിക്കും. ഡൽഹിയിലേക്ക് മറ്റ് സംസ്ഥാനങ്ങളിൽ നിന്നുള്ള വഴികൾ കൂടി അടക്കാനുള്ള നീക്കമാണ് നടക്കുന്നത്.

അതിനിടെ കേന്ദ്ര ആഭ്യന്തരമന്ത്രി അമിത് ഷാ പഞ്ചാബ് മുഖ്യമന്ത്രി അമരീന്ദർ സിംഗിനെ ഇന്ന് സന്ദർശിക്കും. ക​ർ​ഷ​ക​പ്ര​ക്ഷോ​ഭ​ത്തി​ന്​ ​െഎ​ക്യ​ദാ​ർ​ഢ്യം പ്ര​ഖ്യാ​പി​ച്ച്​ ച​ര​ക്കു​നീ​ക്കം സ്തം​ഭി​പ്പി​ക്കു​മെ​ന്ന് ഓ​ള്‍ ഇ​ന്ത്യ മോ​ട്ടോ​ര്‍ ട്രാ​ന്‍സ്‌​പോ​ര്‍ട്ട് കോ​ണ്‍ഗ്ര​സ് (എ.​ഐ.​എം.​ടി.​സി) മു​ന്ന​റി​യി​പ്പ് ന​ല്‍കിയിരുന്നു.

അ​തി​നി​ടെ, പ്ര​ക്ഷോ​ഭം അ​വ​സാ​നി​പ്പി​ക്കാ​നു​ള്ള വ​ഴി തേ​ടി രം​ഗ​ത്തി​റ​ങ്ങി​യ ആ​ഭ്യ​ന്ത​ര​മ​ന്ത്രി അ​മി​ത്​ ഷാ, ​കൃ​ഷി​മ​​​ന്ത്രി ന​രേ​ന്ദ്ര സി​ങ്​ തോ​മ​ർ, റെ​യി​ൽ​വേ-​വാ​ണി​ജ്യ മ​ന്ത്രി പീ​യൂ​ഷ്​ ഗോ​യ​ൽ എ​ന്നി​വ​രു​മാ​യി ബു​ധ​നാ​ഴ്​​ച വീ​ണ്ടും ച​ർ​ച്ച ന​ട​ത്തിയിരുന്നു.