ടിക്കായത്തിൻെറ കണ്ണീരിൽനിന്ന്​ ഉയിർത്തെഴുന്നേറ്റ സമരം

ഡൽഹി അതിർത്തിയിലെ കർഷക സമരങ്ങൾക്ക്​ ഏറെക്കുറെ അന്ത്യമായെന്നുറപ്പിച്ച നിമിഷങ്ങളായിരുന്നു അത്​. റിപ്പബ്ലിക്​ ദിനത്തിലെ കിസാൻ പരേഡ്​ കഴിഞ്ഞ്​ വലിയൊരു വിഭാഗം കർഷകരും സ്വന്തം ഗ്രാമങ്ങളിലേക്ക്​ മടങ്ങിയെന്ന്​ രഹസ്യാന്വേഷണ വിഭാഗം നൽകിയ റിപ്പോർട്ടിനെ തുടർന്ന് കേന്ദ്ര ആഭ്യന്തര മ​ന്ത്രാലയം ആസൂത്രണം ചെയ്​തതായിരുന്നു പദ്ധതി. വ്യാഴാഴ്​ച വൈകുന്നേരത്തോടെ കർഷക സമരം നടക്കുന്ന പ്രധാന മൂന്ന്​ അതിർത്തികളും വൻ പൊലീസ്​ വലയത്തിലാക്കി സമരക്കാർ ഏറ്റവും കുറവുള്ള ഗാസിപൂരിൽ നിന്ന്​ ഒഴിപ്പിക്കൽ പദ്ധതിയിലേക്ക്​ കടക്കാനും അതിന്​ പിറകെ സിംഘുവും ടിക്​രിയും ഒഴിപ്പിക്കാനായിരുന്നു ആസൂത്രണം.

ബി.ജെ.പി ബന്ധമുള്ള പഞ്ചാബി നടൻ ദീപ്​ സിദ്ദു ചെ​​േങ്കാട്ടയിലേക്ക്​ നയിച്ച കർഷകർ നടത്തിയ അക്രമങ്ങൾ കാണിച്ചാണ്​ രണ്ട്​ മാസമായി അതിർത്തിയിൽ തുടരുന്ന കർഷക സമരം അടിച്ചമർത്താനുള്ള നടപടികളിലേക്ക്​ കേന്ദ്ര ആഭ്യന്തര മന്ത്രാലയവും സംഘ്​ പരിവാറും കടന്നത്​.

വ്യാഴാഴ്​ച വൈകീട്ട്​ ഗാസിയാബാദ്​ ജില്ലാ ഭരണകൂടത്തിൽ നിന്ന്​ ഗാസിപൂരിലെ ആദ്യ നടപടി സംബന്ധിച്ച്​ കർഷക ​നേതാവ്​ രാകേഷ്​​ ടിക്കായത്തിന്​ ഒൗദ്യോഗിക വിവരം ലഭിച്ചതോടെ ഗാസിപൂരിലെ സമരവേദി മൂകമായി. രണ്ട്​ മാസം കൊണ്ട്​ 500ാളം കർഷക സംഘടനകൾ വളർത്തി വലുതാക്കിയ സമരം ഒരു കേസി​െൻറ പേരിൽ അവസാനിപ്പിക്കുന്നത്​ തടയാൻ താൻ കീഴടങ്ങുകയാണെന്ന്​ ടിക്കായത്ത്​ കർഷകരെ അറിയിച്ചു. സമരം ഒഴിപ്പിക്കരുതെന്ന ഉപാധിയോടെയാണ്​ കീഴടങ്ങുമെന്ന്​ മാധ്യമപ്രവർത്തകരെ അറിയിക്കു​േമ്പാൾ ടിക്കായത്ത്​ നിയന്ത്രണം വിട്ടു. ഇത്രനാളും കാണിച്ച സർക്കാറിനെ വെല്ലുവിളിച്ച കരുത്തെല്ലാം ചോർന്ന്​ ദുർബലനായ ജാട്ട്​ നേതാവ്​ സമരം ലക്ഷ്യത്തിലെത്താതെ പരാജയപ്പെട്ടാൽ താൻ ആത്​മഹത്യ ചെയ്യുമെന്ന്​ പറഞ്ഞ്​ കരഞ്ഞു. അത്​ കണ്ട്​ വേദിയിലെ മറ്റു നേതാക്കളും കരഞ്ഞു. പൊലീസിന്​ മുമ്പാകെ കീഴടങ്ങിയാൽ ജയിലിൽ പോകുമെന്നുറപ്പിച്ച്​ ഭാര്യയും കുടുംബാംഗങ്ങളും സമരവേദിയിലെ ടിക്കായത്തി​െൻറ തമ്പിലെത്തി. ഭക്ഷണം കഴിക്കാനായി അവർക്കൊപ്പമിരുന്നപ്പോഴും നിയന്ത്രണമടക്കാനാകാതെ ടിക്കായത്തും കൂടെ കണ്ടുനിന്നവരും കരഞ്ഞു. തിരിച്ച്​ ​േവദിയിലേക്ക്​ പോകു​േമ്പാഴേക്കും കർഷക​െരാന്നടങ്കം ടിക്കായത്തി​നെ വളഞ്ഞ്​​ കീഴ​ടങ്ങരുതെന്ന്​ കേണ​ുപറഞ്ഞുകൊണ്ടിരിക്കുകയായിരുന്നു.

ടിക്കായത്തി​െന അറസ്​റ്റ്​ ചെയ്യാൻ ജില്ലാ പൊലീസ്​ സുപ്രണ്ടിനെയും കൂട്ടി വേദിയിൽ കയറി വന്ന എ.ഡി.എം വിട്ടുവീഴ്​ചക്കില്ലെന്ന്​ നിലപാട്​ കടുപ്പിച്ചു. ടികായത്ത്​ അറസ്​റ്റ് വരിച്ചാലും 15 മിനിറ്റിനുള്ളിൽ സമരവേദി ഒഴിപ്പിക്കുമെന്ന്​ എ.ഡി.എം വ്യക്​തമാക്കി. കേവലം 200ൽ താഴെയുള്ള കർഷകരെ ആയിരത്തോളം പൊലീസ്​ വലയം ചെയ്​ത്​ നിൽക്കു​േമ്പാഴായിരുന്നു ഇത്​. രാത്രി 11 മണിക്ക്​ സമരം ഒഴിപ്പിച്ചിരിക്കുമെന്ന്​ എ.ഡി.എം അർഥശങ്കക്കിടയില്ലാത്ത വിധം പറഞ്ഞു. അതോടെ കാര്യങ്ങൾ കീ​ഴ്​മേൽ മറിഞ്ഞു. താനല്ല, ഒരാളും കീഴടങ്ങില്ലെന്നും സമരം ഒഴിപ്പിക്കാൻ അനുവദിക്കില്ലെന്നും ടിക്കായത്തും വേദിയിൽ നിന്ന്​ പ്രഖ്യാപിച്ചു.

ഇതിനിടയിൽ ചാനലുകളിലൂടെയും വാട്​സ്​ ആപും ഫേസ്​ബുകും വഴിയും ടിക്കായത്തി​െൻറ കരച്ചിൽ ഉത്തർപ്രദേശിലെയും ഹരിയാനയിലെയും രാജസ്​ഥാനിലെയും ജാട്ട്​ ഗ്രാമങ്ങളിലുമെത്തിയതോടെ അവർ ഒന്നടങ്കം ഇളകി. മുസഫർ നഗറിലെ സ്വന്തം ഗ്രാമമായ സിസോലിയിൽ രാകേഷി​െൻറ സഹോദരൻ നരേഷ്​ ടിക്കായത്ത്​ രാത്രി തന്നെ മഹാ പഞ്ചായത്ത്​ വിളിച്ചു. ടിക്കായത്തി​നെ സ്​പർശിച്ചാൽ പ്രത്യാഘാതം ഗുരുതരമാകുമെന്ന്​ മുന്നറയിപ്പ്​ നൽകിയ മഹാ പഞ്ചായത്ത്​ രാത്രി തന്നെ ട്രാക്​ടറു​കളും വാഹനങ്ങളുമെടുത്ത്​ ഗാസിപൂരിലേക്ക്​ തിരിക്കാൻ ആഹ്വാനം ചെയ്​തു. അതിന്​ പുറമെ വെള്ളിയാഴ്​ച മുസഫർ നഗറിലും ഹരിയാനയിലെ വിവിധ ജാട്ട്​ ഗ്രാമങ്ങളിലും മഹാപഞ്ചായത്ത്​ വിളിച്ചു. പ്രകോപിതരായ ജാട്ടുകൾ ടിക്കായത്തി​നെ കരയിപ്പിച്ചവരെ പാഠം പഠിപ്പിക്കുമെന്ന്​ പ്രഖ്യാപിച്ച്​ രാത്രി തന്നെ എത്തി തുടങ്ങിയതോടെ ഡൽഹി, യു.പി പൊലീസ്​ പൊടുന്ന​െന പിന്മാറി. സമരക്കാരെ അറസ്​റ്റ്​ ചെയ്യാൻ കൊണ്ടുവന്ന ബസുകളും തിരികെ കൊണ്ടുപോയി. റിപ്പബ്ലിക്​ ദിനത്തിലെ അനിഷ്​ട സംഭവങ്ങളോടെ പ്രതിരോധത്തിലായ കർഷകർ ഗാസിപൂരിൽ മാത്രമല്ല, സിംഘുവിലും ടിക്രിയിലുമെല്ലാം സമരാവേശം തിരിച്ചുപിടിക്കുന്നതാണ്​ പിന്നീട്​ കണ്ടത്​. ഗാസിപൂരിൽ തുടങ്ങാൻ കഴിയാതിരുന്ന ഒഴിപ്പിക്കൽ നടപടി സിംഘുവിലും ടിക്​രിയിലും ഉപേക്ഷിച്ചു. നേരം പുലർന്നിട്ടും കർഷകരുടെ ഗാസിപൂരിൽ കർഷകരുടെ ഒഴുക്ക്​ നിലച്ചിരുന്നില്ല. ടിക്കായത്തി​െൻറ കണ്ണീരിൽ നിന്നാണ്​​ ട്രാക്​ടർ റാലിയോടെ ഒടുങ്ങുമെന്ന്​ കരുതിയ കർഷക സമരം വീണ്ടും ഉയിർത്തെഴുന്നേറ്റത്​.