'കർഷകർ നിയമ​ം മനസിലാക്കണം, ചിലർ വഴിതെറ്റിക്കാൻ ശ്രമിക്കുന്നു' -കേന്ദ്രമന്ത്രി നിതിൻ ഗഡ്​കരി

ന്യൂഡൽഹി: കേന്ദ്രസർക്കാറി​െൻറ കാർഷിക നിയമങ്ങൾക്കെതിരെ പ്രതിഷേധിക്കുന്ന കർഷകർ നിയമങ്ങളെക്കുറിച്ച്​ മനസിലാക്കാൻ തയാറാകണമെന്ന്​ കേന്ദ്രമന്ത്രി നിതിൻ ഗഡ്​കരി. കർഷകരുടെ നിർദേശങ്ങൾ സ്വീകരിക്കാൻ സർക്കാർ സന്നദ്ധമാണ്​. സർക്കാറി​െൻറ ഭാഗത്തുനിന്ന്​ കർഷകരോട്​ അനീതി ഉണ്ടാകില്ലെന്നും ​അദ്ദേഹം പറഞ്ഞു.

പ്രതിഷേധത്തെ ദുരുപയോഗം ചെയ്യാനും വഴി​​െതറ്റിക്കുന്നതിനും ചിലർ ശ്രമിച്ചുവരുന്നു. ഇത്​ തെറ്റാണ്​. കർഷകർ മൂന്ന്​ കാർഷിക നിയമങ്ങളും മനസിലാക്കാൻ തയാറാകണമെന്നും ഗഡ്​കരി പറഞ്ഞു.

അണ്ണാ ഹസാരെ സമരത്തിൽ പങ്കുചേരുമെന്ന്​ വിശ്വസിക്കുന്നില്ല. ഞങ്ങൾ കർഷകർക്കെതിരായി ഒന്നും ചെയ്​തിട്ടില്ല. വിളകൾ ചെറുചന്തകളിൽ വിൽക്കുന്നതും എവിടെ, ആർക്കും വേണമെങ്കിലും വിൽക്കുന്നതും കർഷകരുടെ അവകാശമാണെന്നും അദ്ദേഹം പറഞ്ഞു.

സംഭാഷണങ്ങൾ ഇല്ലെങ്കിൽ, ഇവ തെറ്റായ ആശയ വിനിമയ​ത്തിലേക്കും വിവാദത്തിലേക്കും പോയേക്കാം. സംഭാഷണം നടക്കു​േമ്പാൾ എല്ലാ പ്രശ്​നങ്ങളും പരിഹരിക്കപ്പെടും. മറ്റുള്ളവയെല്ലാം അവസാനിക്കും. കർഷകർക്ക്​ നീതിയും ആശ്വാസവും ലഭിക്കും. ഞങ്ങള​ുടെ പ്രവർത്തനങ്ങൾ കർഷകരുടെ താൽപര്യങ്ങൾ സംരക്ഷിക്കുന്നതിന്​ കൂടിയാണ്​ -നിതിൻ ഗഡ്​കരി കൂട്ടിച്ചേർത്തു.

അതേസമയം കാർഷിക നിയമങ്ങൾ പിൻവലിക്കുന്നതുവരെ സമരം തുടരാനാണ്​ കർഷകരുടെ തീരുമാനം. കർഷകരു​മായി കാർഷിക നിയമത്തി​െൻറ എല്ലാ നിയമവശങ്ങളും ചർച്ച ചെയ്യാമെന്ന്​ കൃഷിമന്ത്രി നരേന്ദ്ര സിങ്​ തോമർ മാധ്യമങ്ങളോട്​ വ്യക്തമാക്കിയിരുന്നു.