ഇന്ത്യാ വിഭജനം: നെഹ്​റുവിനെയും ​പ​േട്ടലിനെയും വിമർശിച്ച്​ ഫറൂഖ്​ അബ്​ദുല്ല

കശ്​മീർ: പുതിയ വിവാദത്തിന്​ തിരികൊളുത്തി നാഷണൽ കോൺഫറൻസ്​ അധ്യക്ഷൻ ഫറൂഖ്​ അബ്​ദുല്ല. ഇന്ത്യാ വിഭജനത്തിന്​ കാരണക്കാർ പ്രഥമ പ്രധാനമന്ത്രി ജവഹർലാൽ നെഹ്​റു, സർദാർ വല്ലാഭായി പ​േട്ടൽ, മൗലാന അബ്​ദുൽ കലാം ആസാദ്​ എന്നിവരാണെന്നും പാകിസ്​താൻ സ്​ഥാപകൻ മുഹമ്മദലി ജിന്ന വിഭജനത്തിന്​ എതിരായിരുന്നെന്നും ഫറൂഖ്​ അബ്​ദുല്ല പറഞ്ഞു. ഒരു ചടങ്ങിൽ പ​െങ്കടുത്ത്​ സംസാരിക്കവെയാണ്​ വിവാദ പരാമർശം. 

വിഭജനവുമായി ബന്ധപ്പെട്ട കമീഷ​​​​െൻറ റെക്കോർഡ്​ കൈയ്യിലുണ്ട്​. മുസ്​ലിം, സിഖ്​ അടക്കമുള്ള ന്യൂന പക്ഷങ്ങൾക്ക്​ ഇന്ത്യയിൽ പ്രത്യേക പ്രാതിനിധ്യം ഉറപ്പാക്കുന്നതിനാൽ ഇന്ത്യയെ വിഭജിക്കേണ്ടതില്ലെന്നായിരുന്നു റെക്കോർഡിലുള്ളതെന്നും അബ്​ദുല്ല വ്യക്​തമാക്കി. ജിന്ന ഇതിനെ അനുകൂലിച്ചപ്പോൾ നെഹ്​റു, ആസാദ്​, പ​േട്ടൽ എന്നിവർ എതിർത്തു. ഇതാണ്​ ജിന്ന പാകിസ്​താൻ രൂപീകരിക്കുന്നതിലേക്ക്​ നയിച്ചതെന്നും അബ്​ദുല്ല വ്യക്​തമാക്കി.

സംഭവം വിവാദമാവുകയും കേന്ദ്ര മന്ത്രി ജിതേന്ദർ സിങ്​ ഫറൂഖ്​ അബ്​ദുല്ലയോ​ട്​ ഉപഭൂഖണ്ഡത്തി​​​​െൻറ ചരിത്രം ഒന്നു കൂടി വായിക്കണമെന്ന്​ ആവശ്യ​െ​പ്പടുകയും ചെയ്​തു. തിരഞ്ഞെടുത്ത ഭാഗങ്ങൾ മാത്രം ഉന്നയിച്ച് ഫറൂഖ്​ അബ്​ദുല്ല​ വർഗീയ പ്രശ്​നമുണ്ടാക്കുകയാണെന്നും ബി.ജെ.പി ആരോപിച്ചു.