പാർട്ടി ഓഫിസ്​ ലൈബ്രറിയിൽ​ യുവ വനിത നേതാവിന്​ നേരെ ​ൈലംഗികാതിക്രമം; വെട്ടിലായി ബി.ജെ.പി

ഭോപാൽ: ബി.ജെ.പി ഓഫിസ​ിലെ ലൈബ്രറിയിൽവെച്ച്​ ലൈംഗികാതിക്രമം നേരിട്ടതായി യുവ പ്രവർത്തക. ഭോപാലിലെ ബി.ജെ.പി സംസ്​ഥാന ഓഫിസിലെ​ നാനാജി ദേശ്​മുഖ്​ ​ൈലബ്രറിയിൽ വെച്ചാണ്​ അതിക്രമം നേരിട്ടതെന്ന്​ യുവതി പുറത്തുവിട്ട വിഡിയോയിൽ പറയുന്നു.

സമൂഹമാധ്യമങ്ങളിലൂടെ പുറത്തുവിട്ട യുവതിയുടെ വിഡിയോ വൻതോതിൽ പ്രചരിച്ചിരുന്നു. ലൈബ്രറിയിൽവെച്ച്​ നേരിട്ട ദുരനുഭവം യുവതി വിഡിയോയിലൂടെ വിവരിക്കുകയായിരുന്നു. 'ചെറിയ പട്ടണത്തിൽ ജീവിക്കുന്നയാളാണ്​ ഞാൻ. ബി.ജെ.പിയോടും രാജ്യത്തോടുമുള്ള പ്രതിബദ്ധത മൂലമാണ്​ ഭോപാലിലെത്തിയത്​. പാർട്ടിയെക്കുറിച്ച്​ ആഴത്തിൽ മനസിലാക്കുന്നതിന്​ 18 മുതൽ 24 മണിക്കൂർ വരെ ദിവസവും ചെലവഴിക്കാറുണ്ട്​. അതിന്‍റെ ഭാഗമായി ഭോപാൽ ബി.ജെ.പി ഓഫി​സിലെ നാനാജി ​േദശ്​മുഖ്​ ​ൈലബ്രറിയിലും സമയം ചെലവഴിക്കും. പാർട്ടിയുടെ പ്രത്യയശാസ്​ത്രങ്ങൾ മനസിലാക്കുന്നതിനാണിത്​' -ബി.ജെ.പി വനിത നേതാവ്​ വിഡിയോയിൽ പറയുന്നു.

'പക്ഷേ കഴിഞ്ഞ കുറച്ചു മാസങ്ങളായി, നിരന്തരം അപമാനം നേരിടുകയാണ്​. അത്​ അപലപനീയവുമാണ്​. മാർച്ച്​ 12ന്​ മുതിർന്ന ഒരു മനുഷ്യൻ ലൈബ്രറിയിൽവെച്ച്​ തന്നെ അതിക്രമിച്ചു. നിരവധി തവണ തന്നെ വീട്ടിലേക്ക്​ വരണമെന്ന്​ നിർബന്ധിക്കുകയും ചെയ്​തു. കൂടാതെ തന്‍റെ മോ​ട്ടോർബൈക്കിൽ അയാളെ വീട്ടിലെത്തിക്കാൻ നിർബന്ധിച്ചു' -യുവതി പറഞ്ഞു.

ആരോപണം ഉന്നയിച്ച യുവതിക്ക്​ മാത്രമല്ല ഇത്തരം ദുരനുഭവം നേരിട്ടതെന്നാണ്​ പുറത്തുവരുന്ന വിവരം. മറ്റൊരു മുതിർന്ന വനിത നേതാവിനെയും ഇയാൾ നിരന്തരം ഫോണിൽ വിളിച്ച്​ ശല്യം ചെയ്​തതായും പറയുന്നു. തുടർന്ന്​ അയാളുടെ ഫോൺ നമ്പർ ​വനിത നേതാവ്​ ബ്ലോക്ക്​ ചെയ്യുകയായിരുന്നുവെന്നും പറയുന്നു.

അതിക്രമം നേരിട്ട വിവരം ലൈബ്രറി ചുമതലയുള്ളയാളോട്​ പറഞ്ഞപ്പോൾ, സഹായം നൽകാതെ അയാൾ തന്‍റെ ഫോണും മറ്റു പ്രധാന വസ്​തുക്കളും സൂക്ഷിച്ചിരുന്ന ബാഗ്​ പുറത്തേക്ക്​ വലിച്ചെറിയുകയായിരുന്നുവെന്നും ഇനി ലൈബ്രറിയിൽ പ്രവേശിപ്പിക്കില്ലെന്ന്​ പറഞ്ഞതായും യുവതി ആരോപിച്ചു. കൂടാതെ സദാസമയവും ഒരു പുരുഷ പാർട്ടി നേതാവ്​ തന്നെ പിന്തുടരുന്നു​​െണ്ടന്നും യുവതി പറഞ്ഞു.

വിഡിയോ വൻതോതിൽ പ്രചരിച്ചതോടെ മാർച്ച്​ 12നും 15നും ഇടയിലെ ​ൈ​ലബ്രറി​​ സി.സി.ടി.വി ദൃശ്യങ്ങൾ പരിശോധിക്കണമെന്നാണ്​ വനിത പ്രവർത്തകരുടെ ആവശ്യം. മുഖ്യമന്ത്രി ശിവരാജ്​ സിങ്​ ചൗഹാനോടും മറ്റു മുതിർന്ന നേതാക്കളോടുമാണ്​ ആവശ്യം ഉന്നയിച്ചത്​.

സംഭവം വിവാദമായതോടെ ബി.ജെ.പി​െക്കതിരെ പ്രതിപക്ഷം​ രംഗത്തെത്തി. പെൺകുട്ടികളുടെ ആരോപണത്തിൽ സ്വമേധയാ കേസെടുത്ത്​ അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കണമെന്നാണ്​ ആവശ്യം.