![Delhi AllMS Delhi AllMS](https://www.madhyamam.com/h-upload/2021/06/28/1070275-fire-breaks-out-at-aiims-delhis-emergency-ward-no-casualties.webp)
ഡൽഹി എയിംസിൽ തീപിടിത്തം; ആർക്കും പരിക്കില്ല, നിയന്ത്രണ വിധേയം
text_fieldsന്യൂഡൽഹി: ഡൽഹിയിലെ ഒാൾ ഇന്ത്യ ഇൻസ്റ്റിറ്റ്യൂട്ട് ഒാഫ് മെഡിക്കൽ സയൻസസിൽ തീപിടിത്തം. തിങ്കളാഴ്ച രാവിലെയോടെയാണ് തീപിടിത്തമുണ്ടായത്.
പ്രധാന അത്യാഹിത വിഭാഗത്തോട് ചേർന്നായിരുന്നു അപകടം. സംഭവത്തിൽ ആർക്കും പരിക്കേറ്റിട്ടില്ല. തീപടർന്നയുടൻ അഗ്നിരക്ഷസേനയും മറ്റും സ്ഥലത്തെത്തി തീയണച്ചു.
തിങ്കളാഴ്ച രാവിലെ അഞ്ചുമണിയോടെയായിരുന്നു അപകടം. ഒരു മണിക്കൂറിനകം തന്നെ തീയണച്ചതായി ഡൽഹി ഫയർ വിഭാഗം അറിയിച്ചു. തീപിടിത്തത്തിെൻറ കാരണം ഇതുവരെ വ്യക്തമായിട്ടില്ല. മറ്റു നാശനഷ്ടങ്ങളും ഇതുവരെ റിപ്പോർട്ട് ചെയ്തിട്ടില്ല.
'എയിംസിൽ തിങ്കളാഴ്ച രാവിലെ അഞ്ചുമണിയോടെ സ്റ്റോർ റൂമിൽ ചെറിയ തീപിടിത്തമുണ്ടായി. തീയണച്ച് നിയന്ത്രണ വിധേയമാക്കി. സംഭവത്തിൽ ആർക്കും പരിക്കേറ്റിട്ടില്ല' -ഡൽഹി ഫയർ വിഭാഗം പറഞ്ഞു.
ജൂൺ 17ന് എയിംസിെൻറ ഒമ്പതാം നിലയിൽ തീപിടിത്തമുണ്ടായിരുന്നു. 26 ഫയർ എൻജിനുകൾ ഏകദേശം രണ്ടു മണിക്കൂർ പരിശ്രമിച്ചാണ് തീ നിയന്ത്രണവിധേയമാക്കിയത്. മറ്റു അപകടങ്ങളൊന്നും സ്ഥിരീകരിച്ചിരുന്നില്ല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.