ഡൽഹിയിൽ റെയിൽവേ ഗോഡൗണിൽ തീപിടിത്തം

ന്യൂഡൽഹി: ഡൽഹിയിലെ സാബ്സി മാണ്ഡിയിലെ റെയിൽവേ ഗോഡൗണിൽ വൻ തീപിടിത്തം. പ്രതാപ് നഗർ മെട്രോ സ്റ്റേഷന് സമീപമാണ് അപകടം. ഇതുവരെ ആർക്കും പരിക്കേറ്റതായി വിവരമില്ല.

ഞായറാഴ്ചയാണ് തീപിടത്തമു​ണ്ടായെന്ന് അറിയിച്ച് ഫോൺകോൾ ലഭിച്ചത്. ഉടൻ തന്നെ 14 ഫയർ എൻജിനുകൾ സ്ഥലത്തെത്തിയതായി ഫയർഫോഴ്സ് അറിയിച്ചു.

പിന്നീട് ഫയർഫോഴ്സിന്റെ നേതൃത്വത്തിൽ മണിക്കൂറുകൾ നീണ്ട ശ്രമഫലമായി തീയണച്ചു. തീപിടിത്തത്തിന്റെ കാരണമെന്തെന്ന് അറിവായിട്ടില്ല.