ഹൈകോടതി ജഡ്ജിയുടെ വീട്ടിൽ തീ അണക്കാൻ എത്തിയ ഫയർഫോഴ്സിന് ലഭിച്ചത് കെട്ട് കണക്കിന് പണം

ന്യൂ​ഡ​ൽ​ഹി: ജ​ഡ്ജി​യുടെ വീട്ടിലുണ്ടായ തീപിടിത്തം അണക്കാനെത്തിയ അഗ്നിശമന വിഭാഗം പ​ണ​ക്കൂ​മ്പാ​രം ക​ണ്ടെ​ത്തി​യ​സംഭവം വിവാദമായതിനെ തുടർന്ന് ഡ​ൽ​ഹി ഹൈ​കോ​ട​തി ജ​ഡ്ജി യ​ശ്വ​ന്ത് വ​ർ​മ​യെ സ്ഥ​ലം മാ​റ്റാൻസു​പ്രീം​കോ​ട​തി ശിപാർശ. അ​ദ്ദേ​ഹ​ത്തി​നെ​തി​രെ ആ​ഭ്യ​ന്ത​ര അ​​ന്വേ​ഷ​ണ​ത്തി​നും ഉ​ത്ത​ര​വി​ട്ടു.

ജു​ഡീ​ഷ്യ​റി​യു​ടെ വി​ശ്വാ​സ്യ​ത ത​ക​ർ​ക്കാ​നി​ട​യാ​ക്കി​യ ഗു​രു​ത​ര സം​ഭ​വ​ത്തി​ൽ സു​പ്രീം​കോ​ട​തി ജ​ഡ്ജി​മാ​രു​ടെ അ​സാ​ധാ​ര​ണ യോ​ഗം വി​ളി​ച്ചു​ചേ​ർ​ത്താ​ണ് ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന​യു​ടെ ന​ട​പ​ടി. സ്ഥ​ലം മാ​റ്റം പ്രാ​ഥ​മി​ക ന​ട​പ​ടി​യാ​ണെ​ന്നും ആ​ഭ്യ​ന്ത​ര അ​ന്വേ​ഷ​ണ​ത്തി​ന് ശേ​ഷ​മാ​യി​രി​ക്കും മ​റ്റു ന​ട​പ​ടി​ക​ളെ​ന്നും കോ​ട​തി വൃ​ത്ത​ങ്ങ​ൾ പ​റ​ഞ്ഞു.

ഹോ​ളി അ​വ​ധി​ക്ക് ജ​ഡ്ജി​യും കു​ടും​ബ​വും ഡ​ൽ​ഹി വി​ട്ടു​പോ​യ സ​മ​യ​ത്ത് വീ​ട്ടി​ലു​ണ്ടാ​യ തീ​പി​ടി​ത്തം അ​ണ​ക്കാ​ൻ വ​ന്ന​വ​രാ​ണ് ക​ണ​ക്കി​ൽ​പെ​ടാ​ത്ത പ​ണ​ത്തി​ന്റെ കൂ​മ്പാ​രം ക​ണ്ടെ​ത്തി​യ​ത്. ​ഒ​രാ​ഴ്ച​യോ​ള​മാ​യി ഡ​ൽ​ഹി​യി​ൽ പു​ക​ഞ്ഞു​കൊ​ണ്ടി​രി​ക്കു​ന്ന വി​ഷ​യം ജു​ഡീ​ഷ്യ​റി​യു​ടെ വി​ശ്വാ​സ്യ​ത ത​ക​ർ​ത്തു​വെ​ന്ന വി​മ​ർ​ശ​ന​മു​യ​ർ​ന്നി​രു​ന്നു. ഇ​തേ​തു​ട​ർ​ന്നാ​ണ് വ്യാ​ഴാ​ഴ്ച ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന സു​പ്രീം​കോ​ട​തി ജ​ഡ്ജി​മാ​രു​ടെ അ​സാ​ധാ​ര​ണ യോ​ഗം വി​ളി​ച്ചത്.

ആഭ്യന്തര അന്വേഷണ റിപ്പോർട്ട് ഇന്ന് ചീഫ് ജസ്റ്റിസിന് സമർപ്പിക്കുമെന്ന് സുപ്രീം കോടതി പി.ആർ.ഒ വ്യക്തമാക്കി. സ്ഥലം മാറ്റത്തിന് ശിപാർശ മാത്രമാണ് നൽകിയതെന്നും അന്തിമ തീരുമാനമായില്ലെന്നും അദ്ദേഹം പറഞ്ഞു.

ച​ർ​ച്ച പാ​ർ​ല​മെ​ന്റി​ലും

പ​ണ​ക്കൂ​മ്പാ​രം ക​ണ്ടെ​ത്തി​യ വി​ഷ​യം എ.​​ഐ.​സി.​സി ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് വെ​ള്ളി​യാ​ഴ്ച രാ​ജ്യ​സ​ഭ​യി​ൽ ഉ​ന്ന​യി​ച്ചു. രാ​വി​ലെ സ​ഭ തു​ട​ങ്ങും മു​മ്പ് പ്ര​തി​പ​ക്ഷ എം.​പി​മാ​ർ ധ​ൻ​ഖ​റി​നെ ക​ണ്ട് വി​ഷ​യ​മു​ന്ന​യി​ക്കു​ക​യും ചെ​യ്തി​രു​ന്നു. പ്ര​യാ​ഗ് രാ​ജി​ൽ വി​ദ്വേ​ഷ പ്ര​സം​ഗം ന​ട​ത്തി​യ ജ​ഡ്ജി​ക്കെ​തി​രെ ഇം​പീ​ച്ച്മെ​ന്റ് ന​ട​പ​ടി​ക്ക് അ​നു​മ​തി തേ​ടിയ നോ​ട്ടീ​സി​ൽ ന​ട​പ​ടി​യി​ല്ലാ​ത്ത​തും ജ​യ​റാം ര​മേ​ശ് ചൂ​ണ്ടി​ക്കാ​ട്ടി. ഇതിൽ ന​ട​പ​ടി​ക​ൾ മു​ന്നോ​ട്ടു​പോ​കു​ന്നു​ണ്ടെ​ന്നും തീ​രു​മാ​ന​ത്തിന് കാ​ല​താ​മ​സ​മു​ണ്ടാ​കി​ല്ലെ​ന്നും രാ​ജ്യ​സ​ഭാ ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ പ​റ​ഞ്ഞു.

പണം കണ്ടെത്തിയില്ലെന്ന്

കോടതി നടപടിക്കു പിന്നാലെ, വീട്ടിൽ നിന്ന് തങ്ങൾ പണം കണ്ടെത്തിയിട്ടില്ലെന്ന പ്രതികരണവുമായി ഡൽഹി അഗ്നിശമന സേന മേധാവി രംഗത്തുവന്നു. സ്റ്റേഷനറി സാധനങ്ങൾക്കാണ് തീപിടിച്ചതെന്നും സേന മേധാവി പറഞ്ഞു.