വിശാഖപട്ടണത്തിൽ കപ്പലിന്​ തീപിടിച്ചു; ഒരാളെ കാണാതായി

വിശാഖപട്ടണം: വിശാഖപട്ടണത്ത്​ ചെറുകപ്പലിന് തീപിടിച്ച് ഒരാളെ കടലില്‍ കാണാതായി. കോസ്റ്റല്‍ ജഗ്വാര്‍ എന്ന കപ്പ ലിനാണ് തീപിടിച്ചത്. 29 പേരായിരുന്നു കപ്പലില്‍ ഉണ്ടായിരുന്നത്. തീപിടിച്ചതിനെ തുടർന്ന്​ കപ്പലിൽ നിന്ന്​ കടലിലേക്ക്​ ചാടിയ ജീവനക്കാരിൽ ഒരാളെ കാണാതായി.

സ്‌ഫോടനത്തെ തുടര്‍ന്നാണ് കപ്പലിൽ തീപിടിച്ചത്​. തിങ്കളാഴ്​ച 11.30 നാണ് സംഭവം. ജീവന്‍ രക്ഷിക്കാനായി കടലിലേക്ക് ചാടിയ ജീവനക്കാരിൽ 28 പേരെ തീരസംരക്ഷണ സേന രക്ഷപ്പെടുത്തി. എന്നാൽ ഒരാളെ കാണാതാവുകയായിരുന്നു.

തീരസംരക്ഷണ സേനയുടെ റാണി റാഷ്‌മോണി എന്ന കപ്പലാണ്​ രക്ഷാപ്രവര്‍ത്തനം നടത്തിയത്​. കാണാതായ ഒരാള്‍ക്ക് വേണ്ടി തെരച്ചില്‍ തുടരുകയാണ്. തീപ്പിടിത്തത്തി​​​െൻറ കാരണം വ്യക്തമായിട്ടില്ല.