ഇൻഡോറിൽ കോവിഡ്​ ബാധിച്ച്​ ഡോക്​ടർ മരിച്ചു

ഇൻഡോർ: മധ്യപ്രദേശിൽ കോവിഡ്​ ബാധിച്ച്​ ചികിത്സയിലായിരുന്ന ഡോക്​ടർ മരിച്ചു. ജനറൽ ഫിസിഷ്യനായ 55 കാരൻ ശത്രുഘ്​ നൻ പഞ്ച്വാനിയാണ്​ മരിച്ചത്​. നാലുദിവസം മുമ്പാണ്​ ഡോക്​ടർക്ക്​ കോവിഡ്​ ബാധ സ്​ഥിരീകരിച്ചത്​.

കോവിഡ്​ ബാധിച്ച്​ രാജ്യത്ത്​ ആരോഗ്യപ്രവർത്തകൻ മരിക്കുന്നത്​ ആദ്യമായാണ്​. ഇൻഡോറിൽ ഇതുവരെ 173 പേർക്ക്​ കോവിഡ്​ ബാധ സ്​ഥിരീകരിച്ചിരിച്ചിരുന്നു. 16 മരണമാണ്​ ഇവിടെ റിപ്പോർട്ട്​ ചെയ്​തത്​.

തലസ്​ഥാന നഗരിയിൽ ഉൾപ്പെടെ രാജ്യത്ത്​ വിവിധ ഇടങ്ങളിൽ നഴ്​സുമാർക്ക്​ അടക്കം കോവിഡ്​ ബാധ സ്​ഥിരീകരിച്ചിരുന്നു. ആരോഗ്യ പ്രവർത്തകർക്ക്​ കോവിഡ്​ ബാധ സ്​ഥിരീകരിക്കുന്നത്​ രാജ്യത്തെ മുഴുവൻ ആശങ്കയിലാഴ്​​ത്തുന്നുണ്ട്​.