അ​ന്ന് കേ​ദാ​ർ​നാ​ഥ്; ഇത്തവണ ക​ന്യാ​കു​മാ​രി

ചെ​ന്നൈ: ലോ​ക്സ​ഭ തെ​ര​ഞ്ഞെ​ടു​പ്പ് ഫ​ല​ത്തി​ന് മു​ന്നോ​ടി​യാ​യി പ്ര​ധാ​ന മ​ന്ത്രി ന​രേ​ന്ദ്ര മോ​ദി ക​ന്യാ​കു​മാ​രി വി​വേ​കാ​ന​ന്ദ പാ​റ സ്മാ​ര​ക​ത്തി​ൽ ധ്യാ​നം ന​ട​ത്തും. ജൂ​ൺ ഒ​ന്നി​ന് ന​ട​ക്കു​ന്ന അ​വ​സാ​ന​ഘ​ട്ട തെ​ര​ഞ്ഞെ​ടു​പ്പി​ന്റെ പ്ര​ചാ​ര​ണ കൊ​ട്ടി​ക്ക​ലാ​ശം ന​ട​ക്കു​ന്ന മേ​യ് 30ന് ​ക​ന്യാ​കു​മാ​രി​യി​ലെ​ത്തു​ന്ന അ​ദ്ദേ​ഹം മേ​യ് 31ന് ​വൈ​കീ​ട്ട് മു​ത​ൽ 24 മ​ണി​ക്കൂ​ർ നേ​രം ധ്യാ​ന​ത്തി​ലാ​യി​രി​ക്കു​മെ​ന്നാ​ണ് സൂ​ച​ന.

ലോ​ക്‌​സ​ഭ തെ​ര​ഞ്ഞെ​ടു​പ്പ് ഫ​ലം ജൂ​ൺ നാ​ലി​നാ​ണ് പ്ര​ഖ്യാ​പി​ക്കു​ക. പ്ര​ധാ​ന​മ​ന്ത്രി​യു​ടെ സ​ന്ദ​ർ​ശ​ന​ത്തോ​ട​നു​ബ​ന്ധി​ച്ച് ക​ന്യാ​കു​മാ​രി​യി​ലും പ​രി​സ​ര​പ്ര​ദേ​ശ​ങ്ങ​ളി​ലും സു​ര​ക്ഷ ക്ര​മീ​ക​ര​ണ​ങ്ങ​ൾ ശ​ക്തി​പ്പെ​ടു​ത്തും.

2019ലെ ​തെ​ര​ഞ്ഞെ​ടു​പ്പ് കാ​ല​ത്തും മോ​ദി സ​മാ​ന​മാ​യ രീ​തി​യി​ൽ ധ്യാ​നം ന​ട​ത്തി​യ​ത് വാ​ർ​ത്ത​യാ​യി​രു​ന്നു. മേ​യ് 19നാ​യി​രു​ന്നു അ​ന്ന് അ​വ​സാ​ന​ഘ​ട്ട വോ​ട്ടെ​ടു​പ്പ്. ക​ലാ​ശ​ക്കൊ​ട്ട് ക​ഴി​ഞ്ഞ്, മേ​യ് 18ന് ​ഉ​ത്ത​രാ​ഖ​ണ്ഡി​ലെ കേ​ദാ​ർ​നാ​ഥ് ക്ഷേ​ത്ര​ത്തി​ന്റെ ഭാ​ഗ​മാ​യ സ​മു​ദ്ര​നി​ര​പ്പി​ൽ​നി​ന്ന് 11,700 അ​ടി ഉ​യ​ര​ത്തി​ൽ സ്ഥി​തി ചെ​യ്യു​ന്ന രു​ദ്ര​ദാ​ന ഗു​ഹ​യി​ൽ മോ​ദി 17 മ​ണി​ക്കൂ​ർ ധ്യാ​ന​മി​രു​ന്നു.

ഗു​ഹ​യി​ൽ ധ്യാ​ന​മി​രി​ക്കു​ന്ന ചി​ത്രം മോ​ദി​ത​ന്നെ സോ​ഷ്യ​ൽ മീ​ഡി​യ​യി​ൽ പ​ങ്കു​വെ​ച്ച​പ്പോ​ഴാ​ണ് സം​ഭ​വം പു​റ​ത്ത​റി​ഞ്ഞ​ത്. ചി​​ത്രം വൈ​റ​ലു​മാ​യി. തെ​ര​ഞ്ഞെ​ടു​പ്പ് അ​വ​സാ​നി​ക്കും മു​മ്പേ, മോ​ദി​യു​ടെ ‘ധ്യാ​ന​ചി​ത്രം’​വ​ലി​യ രാ​ഷ്ട്രീ​യ ച​ർ​ച്ച​ക്കും വ​ഴി​വെ​ച്ചു. തെ​ര​ഞ്ഞെ​ടു​പ്പ് നേ​ട്ട​ത്തി​നാ​യി പ്ര​ധാ​ന​മ​ന്ത്രി മ​ത​ത്തെ ദു​രു​പ​യോ​ഗം ചെ​യ്യു​ന്നു​വെ​ന്ന് പ്ര​തി​പ​ക്ഷം ആ​രോ​പി​ച്ചു. അ​തേ​സ​മ​യം, മോ​ദി​യു​ടെ നീ​ക്കം വോ​ട്ടാ​ക്കി മാ​റ്റാ​ൻ സാ​ധി​ച്ചു​വെ​ന്ന് പ​ല നി​രീ​ക്ഷ​ക​രും വി​ല​യി​രു​ത്തി.

സ​മാ​ന​മാ​യ മ​റ്റൊ​രു നീ​ക്ക​ത്തി​നാ​ണി​പ്പോ​ൾ മോ​ദി തു​നി​ഞ്ഞി​രി​ക്കു​ന്ന​ത്. അ​ദ്ദേ​ഹം മ​ത്സ​രി​ക്കു​ന്ന വാ​രാ​ണ​സി​യി​ൽ വോ​ട്ടെ​ടു​പ്പ് ന​ട​ക്കു​​മ്പോ​ൾ, സ്വാ​മി വി​വേ​കാ​ന​ന്ദ​ന്റെ ഓ​ർ​മ​ക​ൾ ഇ​ര​മ്പു​ന്ന ക​ന്യാ​കു​മാ​രി​യി​ൽ അ​ദ്ദേ​ഹം ധ്യാ​ന​ത്തി​ലി​രി​ക്കു​ന്ന​ത് രാ​ഷ്ട്രീ​യ​മാ​യി ബി.​ജെ.​പി​ക്ക് ഗു​ണം ചെ​യ്യു​മെ​ന്നാ​ണ് പാ​ർ​ട്ടി വി​ല​യി​രു​ത്ത​ൽ. ക​ഴി​ഞ്ഞ ര​ണ്ട് ദി​വ​സ​മാ​യി മോ​ദി ക​ന്യാ​കു​മാ​രി​യി​ലെ​ത്തു​മെ​ന്ന് അ​ഭ്യൂ​ഹ​ങ്ങ​ളു​ണ്ടാ​യി​രു​ന്നു. ചൊ​വ്വാ​ഴ്ച ത​മി​ഴ്നാ​ട്ടി​ലെ ഏ​താ​നും ബി.​ജെ.​പി നേ​താ​ക്ക​ൾ സ​ന്ദ​ർ​ശ​നം സ്ഥി​രീ​ക​രി​ച്ചു.