യു.പിയിൽ സിക വൈറസ്​ ബാധ സ്​ഥിരീകരിച്ചു

കാൺപൂർ: ഉത്തർപ്രദേശിൽ സിക വൈറസ്​ ബാധ റിപ്പോർട്ട്​ ​െചയ്​തതായി ആരോഗ്യവിദഗ്​ധർ. കാൺപൂരിലാണ്​ രോഗബാധ റിപ്പോർട്ട്​ ചെയ്​തത്​.

ഇന്ത്യൻ എയർഫോഴ്​സിലെ വാറൻറ്​ ഓഫിസർക്കാണ്​ രോഗം സ്​ഥിരീകരിച്ചത്​. കഴ​ിഞ്ഞദിവസങ്ങളിൽ ഐ.എ.എഫ്​ ഉദ്യോഗസ്​ഥന്​ കടുത്ത പനിയുണ്ടായിരുന്നുവെന്നും തുടർന്ന്​ എയർ ഫോഴ്​സ്​ ആശുപത്രിയിൽ പ്രവേശിപ്പിക്കുകയായിരുന്നുവെന്നും ചീഫ്​ മെഡിക്കൽ ​ഓഫിസർ നേപാൽ സിങ്​ പറഞ്ഞു. ​

പനിയെ കൂടാതെ മറ്റു ലക്ഷണങ്ങള​​ും ശ്രദ്ധയിൽപ്പെട്ടതോടെ രോഗിയുടെ സാമ്പിളുകൾ ശേഖരിക്കുകയും ​പുണെ വൈറോളജി ഇൻസ്​റ്റിറ്റ്യൂട്ടിൽ പരിശോധനക്ക്​ അയക്കുകയുമായിരുന്നു. ശനിയാഴ്​ച സിക പോസിറ്റീവാണെന്ന പരിശോധന ഫലം വന്നു.

രോഗിയുമായി സമ്പർക്കമുള്ളതും രോഗലക്ഷണങ്ങളുള്ളവരുമായ 24 പേരുടെ സാമ്പിളുകൾ ശേഖരിച്ച്​ പരിശോധനക്ക്​ അയച്ചതായി നേപാൽ സിങ്​ പറഞ്ഞു. സാഹചര്യം വിലയിരുത്താൻ ആരോഗ്യവിദഗ്​ധർ ജാഗ്രത പുലർത്തുന്നുണ്ടെന്നും സിങ്​ അറിയിച്ചു.