പേ​ര​റി​വാ​ളിന്റെ ജാമ്യം; അർപുതമ്മാൾക്ക്​ ഇത് സ്വപ്​നസാക്ഷാത്​കാരം

ചെ​ന്നൈ: പേ​ര​റി​വാ​ളിന് സുപ്രീം കോടതി ജാമ്യമനുവദിച്ചതോടെ മാ​താ​വ്​ അ​ർ​പു​ത​മ്മാ​ൾ​ക്ക്​ സ്വ​പ്​​ന സാ​ക്ഷാ​ത്​​കാ​രം. ക​ണ്ണീ​ര്​ ക​ല​ർ​ന്ന മൂ​ന്ന്​ ദ​ശാ​ബ്ദ​കാ​ല​ത്തെ ഒ​റ്റ​യാ​ൾ പോ​രാ​ട്ട​ത്തി​ന്​ വി​രാ​മ​മാ​വു​ക​യാ​ണ്. 1991 ജൂ​​ൺ 11നാ​ണ്​ രാ​ജീ​വ്​ ഗാ​ന്ധി വ​ധ​ക്കേ​സി​ൽ പേ​ര​റി​വാ​ള​ൻ അ​റ​സ്റ്റി​ലാ​യ​ത്. 26 വ​ർ​ഷ​ത്തെ ജ​യി​ൽ വാ​സ​ത്തി​നു​ശേ​ഷം 2017 ആ​ഗ​സ്റ്റ്​ 24നാ​ണ്​ ആ​ദ്യ​മാ​യി പ​രോ​ളി​ലി​റ​ങ്ങി​യ​ത്.

രാ​ജീ​വ്​ ഗാ​ന്ധി​യെ വ​ധി​ക്കാ​ൻ ഉ​പ​യോ​ഗി​ച്ച ബെ​ൽ​റ്റ്​ ​ബോം​ബി​നു​വേ​ണ്ടി ര​ണ്ട്​ ബാ​റ്റ​റി​ക​ൾ വാ​ങ്ങി ന​ൽ​കി​യെ​ന്ന കു​റ്റം ചു​മ​ത്തി​യാ​ണ്​ പേ​ര​റി​വാ​ള​ൻ കാ​രാ​ഗ്ര​ഹ​ത്തി​ല​ട​ക്ക​പ്പെ​ട്ട​ത്. ആ​ദ്യം വ​ധ​ശി​ക്ഷ​ക്ക്​ വി​ധി​ച്ചെ​ങ്കി​ലും പി​ന്നീ​ട്​ ജീ​വ​പ​ര്യ​ന്ത​മാ​ക്കി. മ​ക​​ന്റെ മോ​ച​ന​ത്തി​നാ​യി അ​ർ​പു​ത​മ്മാ​ൾ ന​ട​ത്തി​യ നി​യ​മ പോ​രാ​ട്ട​ത്തി​നി​ട​യി​ൽ തേ​ടാ​ത്ത വ​ഴി​ക​ളി​ല്ല. മ​ക​​ന്റെ മോ​ച​ന​ത്തോ​ടൊ​പ്പം വ​ധ​ശി​ക്ഷ​ക്കെ​തി​രെ​യും ഒ​റ്റ​യാ​ൾ സ​മ​രം ന​ട​ത്തി​യ അ​ർ​പു​ത​മ്മാ​ളെ ത​മി​ഴ​ക​ത്തി​ലെ കോ​ൺ​ഗ്ര​സ്​, ബി.​ജെ.​പി ഒ​ഴി​കെ മ​റ്റെ​ല്ലാ രാ​ഷ്​​ട്രീ​യ​ക​ക്ഷി​ക​ളും ത​മി​ഴ്​ സാ​മൂ​ഹി​ക മ​നു​ഷ്യാ​വ​കാ​ശ സം​ഘ​ട​ന​ക​ളും പി​ന്തു​ണ​ച്ചു. പേ​ര​റി​വാ​ള​ൻ ജ​യി​ലി​ൽ​നി​ന്ന്​ രാ​ഷ്​​ട്ര​പ​തി​ക്കും സു​പ്രീം​കോ​ട​തി​ക്കും തു​ട​ർ​ച്ച​യാ​യി ദ​യാ​ഹ​ര​ജി​ക​ൾ അ​യ​ക്കു​​മ്പോ​ൾ അ​ർ​പു​ത​മ്മാ​ൾ ജ​യി​ലി​ന്​ പു​റ​ത്ത്​ വി​ശ്ര​മ​മി​ല്ലാ​തെ പോ​രാ​ടി.

അ​റ​സ്​​റ്റി​ലാ​വു​മ്പോ​ൾ പേ​ര​റി​വാ​ള​ന്​ 19 വ​യ​സ്സ്​ മാ​ത്ര​മാ​യി​രു​ന്നു പ്രാ​യം. ഒ​രു​ഘ​ട്ട​ത്തി​ൽ പേ​ര​റി​വാ​ള​​ന്റെ കു​റ്റ​സ​മ്മ​ത മൊ​ഴി തി​രു​ത്തി​യെ​ന്ന​ സി.​ബി.​​ഐ മു​ൻ എ​സ്.​പി ത്യാ​ഗ​രാ​ജ​ന്‍റെ വെ​ളി​​പ്പെ​ടു​ത്ത​ൽ വ​ൻ ഒ​ച്ച​പ്പാ​ടി​നി​ട​യാ​ക്കി. ബാ​റ്റ​റി വാ​ങ്ങി ന​ൽ​കി​യെ​ന്നും എ​ന്നാ​ൽ അ​ത്​ എ​ന്തി​നാ​ണെ​ന്ന്​ അ​റി​യി​ല്ല എ​ന്നാ​യി​രു​ന്നു യ​ഥാ​ർ​ഥ മൊ​ഴി. ബോം​ബ്​ നി​ർ​മാ​ണ​ത്തി​നാ​ണെ​ന്ന്​ അ​റി​ഞ്ഞു​കൊ​ണ്ട്​ ബാ​റ്റ​റി വാ​ങ്ങി കൊ​ടു​ത്തു​വെ​ന്ന്​ ഇ​ത്​ തി​രു​ത്തി​യെ​ന്നാ​യി​രു​ന്നു ത്യാ​ഗ​രാ​ജ​ന്‍റെ വെ​ളി​പ്പെ​ടു​ത്ത​ൽ. തി​രു​ത്തി​യ മൊ​ഴി​യു​ടെ അ​ടി​സ്​​ഥാ​ന​ത്തി​ലാ​ണ്​ കോ​ട​തി ശി​ക്ഷ വി​ധി​ച്ച​ത്.