കന്നടികർ കോൺഗ്രസിന് സമ്മാനിച്ചത് നാലു പതിറ്റാണ്ടിനു ശേഷമുള്ള റെക്കോർഡ് ജയം

ന്യൂഡൽഹി: കേന്ദ്രം ഭരിക്കുന്ന ബി.ജെ.പി അധികരത്തിന്‍റെ സർവ സന്നാഹങ്ങളുമുപയോഗിച്ച് വിദ്വേഷ രാഷ്ട്രീയത്തിന്‍റെ അടവുകളെല്ലാം പറ്റിയ തെരഞ്ഞെടുപ്പിൽ, കർണാടകയിലെ ജനം കോൺഗ്രസ്സിന് സമ്മാനിച്ചത് നാലു പതിറ്റാണ്ടിനു ശേഷമുള്ള റെക്കോർഡ് ജയം. സീറ്റ് കളുടെ എണ്ണത്തിലും വോട്ട് വിഹിതത്തിന്റെ കാര്യത്തിലും ഇത് റെക്കോർഡാണ്. 224 സീറ്റിൽ 136 സീറ്റ് നേടിയാണ് കോൺഗ്രസ് അനായാസം അധികാരത്തിലേക്ക് നടന്നു കയറിയത്. 2018 പാർട്ടി നേടിയതിനെക്കാൾ 57 കൂടുതൽ . 42.9 ശതമാനം വോട്ട് ഷെയർ. 1999ൽ 132 സീറ്റുകൾ നേടി 40.84 ശതമാനം വോട്ട് വിഹിതം നേടിയാണ് കോൺഗ്രസ് ഈ സ്കോറിനോട് ഏറ്റവും അടുത്തെത്തിയത്. 1989ൽ 43.76 ശതമാനം വോട്ടോടെ 178 സീറ്റുകൾ നേടി.

കേവല ഭൂരി പക്ഷത്തിലും 23 സീറ്റുകൾ അധികം നേടിയാണ് കോൺഗ്രസ് ബി.ജെ.പിയിൽ നിന്ന് അധികാരം പിടിച്ചെടുത്തത്. 36 ശതമാനം വോട്ട് ഷെയറോടെ ബി.ജെ.പി 65 സീറ്റിലും എച്ച്.ഡി കുമാരസ്വാമിയുടെ ജനതാദൾ സെക്കുലർ 13.3 ശതമാനം വോട്ടോടെ 19 സീറ്റുകളിലും ഒതുങ്ങുകയായിരുന്നു. കോൺഗ്രസ് 120-ലധികം സീറ്റുകൾ പ്രതീക്ഷിക്കുന്നതായി മുൻ മുഖ്യമന്ത്രി സിദ്ധരാമയ്യ പറഞ്ഞിരുന്നു. കോൺഗ്രസ് ഒറ്റയ്ക്ക് പോരാടി വജയിക്കുമെന്ന് പാർട്ടിയിലെ ട്രബിൾ ഷൂട്ടർ ഡി.കെ ശിവകുമാറും പറഞ്ഞിരുന്നു. മ​ല്ലി​കാ​ർ​ജു​ൻ ഖാ​ർ​ഗെ, രാ​ഹു​ൽ ഗാ​ന്ധി, പ്രി​യ​ങ്ക ഗാ​ന്ധി എന്നിവരുടെ നേതൃത്വത്തിലുള്ള തെരഞ്ഞെടുപ്പ് തന്ത്രങ്ങളാണ് ക​ർ​ണാ​ട​ക​യി​ൽ കോ​ൺ​ഗ്ര​സ് വിജയം അനായാസമാക്കിയത്.

രാ​ഹു​ലി​ന്റെ ഭാ​ര​ത് ജോ​ഡോ യാ​ത്ര ഇ​ള​ക്കി മ​റി​ച്ച മ​ണ്ണി​ലാ​ണ് കോ​ൺ​ഗ്ര​സ് തെ​ര​ഞ്ഞെ​ടു​പ്പ് പ്ര​ചാ​ര​ണം ആരംഭിച്ചത്. ഈ ​യാ​ത്ര ക​ട​ന്നു​പോ​യ സ്ഥ​ല​ങ്ങ​ളി​ൽ ബി.​ജെ.​പി​യു​ടെ ഏ​ഴു സീ​റ്റും ജെ.​ഡി-​എ​സി​ന്റെ അ​ഞ്ചു സീ​റ്റും കോ​ൺ​ഗ്ര​സ് പി​ടി​ച്ചെ​ടു​ത്തു. വി​ക​സ​ന​വി​ഷ​യ​ങ്ങ​ൾ മ​നഃ​പൂ​ർ​വം മ​റ​ച്ച ബി.​ജെ.​പി​യു​ടെ പ്ര​ചാ​ര​ണ​ത്തെ മൂ​ർ​ച്ച​യു​ള്ള ചോ​ദ്യ​മു​ന​യി​ൽ നി​ർ​ത്തി ജ​ന​ങ്ങ​ൾ​ക്കു മു​ന്നി​ൽ തു​റ​ന്നു​കാ​ട്ടാ​ൻ രാ​ഹു​ലി​നും പ്രി​യ​ങ്ക​ക്കു​മാ​യി.അ​നാ​രോ​ഗ്യം മാ​റ്റി നി​ർ​ത്തി സോ​ണി​യ ഗാ​ന്ധി വ​രെ പ്ര​ചാ​ര​ണം ന​യി​ച്ചു.

ദ​ലി​ത് നേ​താ​വു​കൂ​ടി​യാ​യ കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പി​ന്നാ​ക്ക വോ​ട്ടു​ക​ൾ നി​ർ​ണാ​യ​ക​മാ​യ ക​ല്യാ​ണ ക​ർ​ണാ​ട​ക മേ​ഖ​ല​യി​ൽ കോ​ൺ​ഗ്ര​സി​ന് അ​നു​കൂ​ല ത​രം​ഗ​മൊ​രു​ക്കി. അ​ഭി​പ്രാ​യ വ്യ​ത്യാ​സ​ങ്ങ​ൾ മാ​റ്റി​വെ​ച്ച് പ്ര​തി​പ​ക്ഷ നേ​താ​വ് സി​ദ്ധ​രാ​മ​യ്യ​യും ​കെ.​പി.​സി.​സി അ​ധ്യ​ക്ഷ​ൻ ഡി.​കെ. ശി​വ​കു​മാ​റും ഒ​ന്നി​ച്ച് പ്ര​ചാ​ര​ണം ന​യി​ച്ച​താ​ണ് മ​റ്റൊ​രു പ്ര​ധാ​ന ഘ​ട​കം. വൊ​ക്ക​ലി​ഗ ഭൂ​രി​പ​ക്ഷ മേ​ഖ​ല​യാ​യ പ​ഴ​യ മൈ​സൂ​രു മേ​ഖ​ല​യി​ൽ ശി​വ​കു​മാ​റും ന്യൂ​ന​പ​ക്ഷ, ദ​ലി​ത്, പി​ന്നാ​ക്ക മേ​ഖ​ല​ക​ളി​ൽ സി​ദ്ധ​രാ​മ​യ്യ​യും കോ​ൺ​ഗ്ര​സി​ന് വോ​ട്ടു​റ​പ്പി​ച്ചു.ബി.​ജെ.​പി സ​ർ​ക്കാ​റി​നെ​തി​രെ ക​ർ​ണാ​ട​ക​യി​ൽ രൂ​പ​പ്പെ​ട്ട ജ​നാ​ധി​പ​ത്യ- മ​തേ​ത​ര​ത്വ ചേ​രി കോ​ൺ​ഗ്ര​സി​ന് ഗു​ണം ചെ​യ്തു.