വിക്രം മിസ്രി പുതിയ വിദേശ സെക്രട്ടറി

ന്യൂ​ഡ​ൽ​ഹി: ഇ​ന്ത്യ​യു​ടെ പു​തി​യ വി​ദേ​ശ സെ​ക്ര​ട്ട​റി​യാ​യി മോ​ദി സ​ർ​ക്കാ​റി​ന്റെ ഉ​പ ദേ​ശീ​യ സു​ര​ക്ഷ ഉ​പ​ദേ​ഷ്ടാ​വാ​യി​രു​ന്ന വി​ക്രം മി​സ്രി ചു​മ​ത​ല​യേ​റ്റു. ഇ​ന്ത്യ​ൻ ഫോ​റി​ൻ സ​ർ​വി​സി​ൽ 1989 ബാ​ച്ചു​കാ​ര​നാ​യ മി​സ്രി സ്ഥാ​ന​മൊ​ഴി​യു​ന്ന വി​ദേ​ശ സെ​ക്ര​ട്ട​റി വി​ന​യ് ക്വ​ത്റ​യി​ൽ​നി​ന്ന് ചു​മ​ത​ല​യേ​റ്റു​വാ​ങ്ങി. രാ​ജ്യ​സു​ര​ക്ഷ​യി​ൽ മി​​സ്രി​ക്കു​ള്ള നൈ​പു​ണ്യം പ​രി​ഗ​ണി​ച്ചാ​ണ് ദേ​ശീ​യ സു​ര​ക്ഷ കൗ​ൺ​സി​ലി​ൽ​നി​ന്ന് വി​ദേ​ശ മ​ന്ത്രാ​ല​യ​ത്തി​ലേ​ക്കു​ള്ള നി​യ​മ​നം.

ജ​മ്മു-​ക​ശ്മീ​രി​ലെ ശ്രീ​ന​ഗ​റി​ൽ ജ​നി​ച്ച വി​ക്രം അ​വി​ടെ​യും ഉ​ദ്ദം​പൂ​രി​ലും ഗ്വാ​ളി​യ​റി​ലു​മാ​യി ​സ്കൂ​ൾ വി​ദ്യാ​ഭ്യാ​സം നേ​ടി​യ ശേ​ഷം ഡ​ൽ​ഹി ഹി​ന്ദു കോ​ള​ജി​ൽ​നി​ന്ന് ച​രി​ത്ര ബി​രു​ദ​വും ജാം​ഷ​ഡ്പൂ​രി​ൽ നി​ന്ന് എം.​ബി.​എ​യും നേ​ടി. ഹി​ന്ദി, ഇം​ഗ്ലീ​ഷ്, ക​ശ്മീ​രി, ഫ്ര​ഞ്ച് ഭാ​ഷ​ക​ള​റി​യാം. കേ​ന്ദ്ര സ​ർ​വി​സി​ലെ​ത്തു​ന്ന​തി​നു​മു​മ്പ് പ​ര​സ്യ​മേ​ഖ​ല​യി​ലാ​ണ് പ്ര​വ​ർ​ത്തി​ച്ചി​രു​ന്ന​ത്. ഡോ​ളി മി​സ്രി​യാ​ണ് ഭാ​ര്യ. മ​ക്ക​ളി​ല്ല.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ഓ​ഫി​സി​ൽ ജോ​യ​ന്റ് ഡ​യ​റ​ക്ട​റാ​യി പ്ര​വ​ർ​ത്തി​ച്ച മി​സ്രി, മോ​ദി അ​ട​ക്കം മൂ​ന്ന് പ്ര​ധാ​ന​മ​ന്ത്രി​മാ​രു​ടെ പ്രൈ​വ​റ്റ് സെ​ക്ര​ട്ട​റി​യാ​യി​രു​ന്നു. മു​ൻ പ്ര​ധാ​ന​മ​ന്ത്രി​മാ​രാ​യ ഐ.​കെ. ഗു​ജ്റാ​ൾ, മ​ൻ​മോ​ഹ​ൻ സി​ങ് എ​ന്നി​വ​രു​ടെ പ്രൈ​വ​റ്റ് സെ​ക്ര​ട്ട​റി​യാ​യി​രു​ന്നു.

ഐ.​കെ ഗു​ജ്റാ​ളും പ്ര​ണ​ബ് മു​ഖ​ർ​ജി​യും വി​ദേ​ശ മ​ന്ത്രി​മാ​രാ​യി​രു​ന്ന​പ്പോ​ൾ മ​ന്ത്രാ​ല​യ​ത്തി​ൽ പാ​ക് ഡെ​സ്കി​ന്റെ ചു​മ​ത​ല​യു​മു​ണ്ടാ​യി​രു​ന്നു. ബ്ര​സ​ൽ​സ്, തു​നീ​സ്, ഇ​സ്‍ലാ​മാ​ബാ​ദ്, വാ​ഷി​ങ്ട​ൺ ഡി.​സി, സ്​​പെ​യി​ൻ, മ്യാ​ന്മ​ർ, ചൈ​ന എ​ന്നി​വി​ട​ങ്ങ​ളി​ലെ ഇ​ന്ത്യ​ൻ സ്ഥാ​ന​പ​തി കാ​ര്യാ​ല​യ​ങ്ങ​ളി​ലും സേ​ന​മ​നു​ഷ്ഠി​ച്ചി​ട്ടു​ണ്ട്.