കാട്ടുതീ: മരണം 11, രക്ഷപ്പെട്ടത്​ 25 പേർ

തേനി (തമിഴ്​നാട്​): കേരള-തമിഴ്​നാട്​ അതിർത്തിയി​ലെ കൊളുക്കുമല സന്ദര്‍ശിച്ചു​ മടങ്ങിയ കോളജ് വിദ്യാര്‍ഥികളടങ്ങുന്ന ട്രക്കിങ്​ സംഘം കാട്ടുതീയില്‍ അകപ്പെട്ട ദാരുണസംഭവത്തിൽ മരിച്ചത്​ ഏഴ്​ വനിതകളടക്കം 11 പേർ. കന്യാകുമാരി സ്വദേശി വിപിൻ ദാമോദരൻ (29), ഇൗറോഡ്​ സ്വദേശി തമിഴ്​​ശെൽവൻ തങ്കരാജ്​ (26), കുംഭകോണം സ്വദേശി അഖില കൃഷ്​ണമൂർത്തി (26), കടലൂർ സ്വദേശിനി ശുഭ ശെൽവരാജ്​ (26), ചെന്നൈ പൂനമല്ലി സ്വദേശി അരുൺ പ്രഭാക​ർ (35), ചെന്നൈ ശ്രീപെരുമ്പത്തൂർ സ്വദേശി പുനിത ബാലാജി (25), മധുര സ്വദേശി ഹേമലത (28), ഇൗറോഡ്​ സ്വദേശി ദിവ്യ മുത്തുകുമാർ (25), ഇൗറോഡ്​ സ്വദേശി വിവേക്​ (28), ഭാര്യ മധുര സ്വദേശി ദിവ്യ, ചെ​െന്നെ സ്വദേശി നിഷ അരുളൊഴി (30) എന്നിവരാണ്​ മരിച്ചത്​.

 മരണസംഖ്യ ഇനിയും ഉയർന്നേക്കുമെന്നാണ്​ സൂചന. പൊള്ളലേറ്റ്​ അതിഗുരുതരാവസ്ഥയിലായ മൂന്നുപേരടക്കം 25 പേർ മധുരയിലെയും തേനിയിലെയും മെഡിക്കൽ കോളജുകളിൽ ചികിത്സയിലാണ്​. തേനി ജില്ലയിലെ കൊരങ്ങിണി വനത്തിൽ പടർന്ന തീയിൽ ഞായറാഴ്​ചയാണ്​ 36 അംഗസംഘം ​അകപ്പെട്ടത്​. ഹെലികോപ്​ടർ ഉപയോഗിച്ചും മറ്റും 25 പേരെ രക്ഷപ്പെടുത്തി. മൂന്നുപേർ മലകയറ്റത്തി​​െൻറ തുടക്കത്തിൽ തന്നെ പിൻവാങ്ങിയിരുന്നു. 20 മണിക്കൂറിനുശേഷമാണ്​ കാട്ടുതീ നിയന്ത്രണവിധേയമായത്​. െചങ്കുത്തായ പ്രദേശത്ത്​ രക്ഷാപ്രവർത്തനം പ്രയാസമായതിനാൽ വ്യോമസേന കമാൻഡർമാർ ഉൾപ്പടെ എത്തിയാണ്​ രക്ഷാപ്രവർത്തനത്തിന്​ നേതൃത്വം നൽകിയത്​. അഗ്​നിശമന സേനയുടെയും നാട്ടുകാരുടെയും ശ്രമഫലമായാണ് തീ തീർത്തും നിയന്ത്രണ വിധേയമാക്കാനായത്. 

ശനിയാഴ്​ച കോയമ്പത്തൂർ ഇൗറോഡിൽനിന്ന്​ പുറപ്പെട്ട ​െഎ.ടി ജീവനക്കാരും വിനോദസഞ്ചാരികളും വിദ്യാർഥിനികളും ഉൾപ്പെട്ട സംഘം ഞായറാഴ്ച ഉച്ചക്കുശേഷം കൊളുക്കുമലയില്‍നിന്ന്​ കൊരങ്ങിണി വഴി തമിഴ്‌നാട്ടിലേക്ക് തിരികെ ​​പോരവെയാണ്​ കാട്ടുതീയില്‍ അകപ്പെട്ടത്. തീ പടര്‍ന്നതോടെ സംഘം ചിതറിയോടി. നിരവധി പേർക്ക്​ വീണ്​ പരിക്കേറ്റു. പൊള്ളലേറ്റും കൊക്കയിൽ വീണ്​ പരിക്കേറ്റുമാണ്​ മരണമെന്നാണ്​ വിവരം. 

ഞായറാഴ്​ച രാത്രി വൈകിയും തേനി കലക്​ടറും ​പൊലീസും സംഭവസ്ഥല​ത്ത്​ ക്യാമ്പ്​ ചെയ്​തെങ്കിലും ഇരുട്ടും പുകയും ഭൂമിയുടെ പ്രത്യേകതയും കാരണം രക്ഷാപ്രവർത്തനം സാധ്യമായില്ല. വ്യോമസേന ഹെലികോപ്​ടർ എത്തി​യെങ്കിലും പ്രതികൂല കാലാവസ്ഥയെ തുടർന്ന്​ ഇറങ്ങാനായില്ല. തുടർന്ന്​ തിങ്കളാഴ്​ച പുലർച്ചയാണ്​ ഫലപ്രദമായി രക്ഷാപ്രവർത്തനം നടന്നത്​. തമിഴ്​നാട്​ ഉപമുഖ്യമ​ന്ത്രി ഒ. പന്നീർസെൽവം ​നേതൃത്വം നൽകി. ലോ​കവനി​ത ദി​ന​വു​മാ​യി ബ​ന്ധ​പ്പെ​ട്ട്​ ചെ​ന്നൈ​യി​ൽ​നി​ന്ന്​ സ്വ​കാ​ര്യ ട്ര​ക്കി​ങ്​ പ​രി​ശീ​ല​ന കേ​ന്ദ്രം മു​ഖേ​ന​യാ​ണ്​ 36 അം​ഗ​സം​ഘം തേ​നി​യി​ലെ​ത്തി​യ​ത്.

ആരും ഉണ്ടായില്ല കൈപിടിക്കാൻ; നിസ്സഹായരായി സഞ്ചാരികൾ

മൂ​ന്നാ​ര്‍: ​നി​ര്‍ദേ​ശ​ങ്ങ​ള്‍ ന​ല്‍കു​ന്ന​തി​ന് ആ​വ​ശ്യ​ത്തി​ന് ഗൈ​ഡു​​മാ​രോ വേ​ണ്ട സു​ര​ക്ഷ സം​വി​ധാ​ന​മോ ഇ​ല്ലാ​തെ​യാ​ണ്​ കൊ​ര​ങ്ങി​ണി വ​ന​ത്തി​ലേ​ക്ക്​ പ​തി​വാ​യി ട്ര​ക്കി​ങ്.​ ഞാ​യ​റാ​ഴ്​​ച ദു​ര​ന്ത​മു​ണ്ടാ​യ​പ്പോ​ഴും ഇ​ത്​ ആ​വ​ർ​ത്തി​ച്ചു. കൊ​ര​ങ്ങി​ണി മ​ല​യി​ലു​ണ്ടാ​യ തീ​യി​ല്‍ അ​ക​പ്പെ​ട്ട വി​നോ​ദ​സ​ഞ്ചാ​ര സം​ഘ​ത്തി​നൊ​പ്പ​വും പ​രി​ച​യ​സ​മ്പ​ന്ന​രാ​യ ഗൈ​ഡി​ല്ലാ​യി​രു​ന്നെ​ന്ന്  പ​രി​ക്കേ​റ്റ​വ​ര്‍ പ​റ​ഞ്ഞു. 

വ​ര്‍ഷ​ങ്ങ​ള്‍ക്കു​മു​മ്പ് കൊ​ളു​ക്കു​മ​ല സ​ന്ദ​ര്‍ശി​ച്ച ചെ​ന്നൈ സ്വ​ദേ​ശി​യാ​യ ചെ​റു​പ്പ​ക്കാ​ര​നാ​ണ് ഇ​വ​രെ മ​ല​യി​ലേ​ക്ക്​ കൂ​ട്ടി​ക്കൊ​ണ്ടു​പോ​യ​ത്. മു​ന്‍പ​രി​ച​യ​മി​ല്ലാ​ത്ത​തി​നാ​ല്‍ കാ​ട്ടു​തീ ഇ​രു​വ​ശ​ത്തു​നി​ന്ന്​ പ​ട​ര്‍ന്ന​പ്പോ​ള്‍ എ​വി​ടേ​ക്കാ​ണ് ഓ​ടി ര​ക്ഷ​പ്പെ​ടേ​ണ്ട​തെ​ന്ന് അ​റി​യാ​തെ​പോ​യി. അ​പ​ക​ട​ത്തി​ൽ​പെ​ട്ട​വ​ർ​ക്ക് നി​ല​വി​ളി​ക്കാ​ന​ല്ലാ​തെ ഒ​ന്നി​നു​മാ​യി​ല്ല. നി​ർ​ദേ​ശം ന​ൽ​കാ​നോ കൈ​പി​ടി​ക്കാ​നോ ആ​രും ഉ​ണ്ടാ​യി​െ​ല്ല​ന്ന്​ ഇ​ര​യാ​യ​വ​ർ സ​ങ്ക​ട​​പ്പെ​ടു​ന്നു. 

അ​പ​ക​ട​ത്തി​ല്‍ മ​രി​ച്ച​വ​രു​ടെ എ​ണ്ണ​വും വി​വ​ര​ങ്ങ​ളു​മ​ട​ക്കം പു​റ​ത്തു​വി​ടാ​തെ ആ​ദ്യം ത​മി​ഴ്നാ​ട് സ​ര്‍ക്കാ​ര്‍ മൂ​ടി​െ​വ​ച്ച​തും ക​യ​റി​പ്പോ​യ​ത് എ​ത്ര​പേ​ര​ട​ങ്ങു​ന്ന സം​ഘ​മാ​ണെ​ന്ന് അ​റി​യാ​ത്ത​തി​നാ​ലാ​ണ്. ട്ര​ക്കി​ങ്ങി​ന് പ​ങ്കെ​ടു​ക്കു​ന്ന​വ​ര്‍ക്ക് കാ​ട്ടി​ല്‍ സ​ഞ്ച​രി​ക്കു​മ്പോ​ഴു​ണ്ടാ​കു​ന്ന അ​പ​ക​ട​ങ്ങ​ള്‍ നേ​രി​ടാ​ന്‍ ഇ​വ​ര്‍ക്കൊ​പ്പ​മെ​ത്തു​ന്ന​വ​ര്‍ സം​വി​ധാ​നം ഒ​രു​​ക്കേ​ണ്ട​തു​ണ്ട്. എ​ത്ര​ദി​വ​സ​മാ​ണ്​ സ​ന്ദ​ര്‍ശ​ക​ര്‍ കാ​ട്ടി​ല്‍ ത​ങ്ങു​ന്ന​തെ​ന്ന് ബ​ന്ധ​പ്പെ​ട്ട​വ​രെ മു​ന്‍കൂ​ട്ടി അ​റി​യി​ക്കു​ക​യും ചെ​യ്യ​ണം. എ​ന്നാ​ല്‍, ഇ​ത്ത​രം മു​ന്‍ക​രു​ത​ലു​ക​ള്‍ വി​ദ്യാ​ർ​ഥി​ക​ളെ കൊ​ണ്ടു​പോ​യി​രു​ന്ന​വ​ര്‍ പാ​ലി​ക്കാ​ത്ത​താ​ണ് അ​പ​ക​ട​ത്തി​​െൻറ വ്യാ​പ്​​തി കൂ​ട്ടി​യ​ത്. 

ക​ഴി​ഞ്ഞ സീ​സ​ണി​ല്‍ മാ​ത്രം ത​മി​ഴ്‌​നാ​ട്ടി​ല്‍നി​ന്ന്​ കൊ​ളു​ക്കു​മ​ല​ക്ക്​ സ​മീ​പ​ത്തെ മീ​ശ​പ്പു​ലി​മ​ല സ​ന്ദ​ര്‍ശി​ക്കാ​ന്‍ അ​ന​ധി​കൃ​ത​മാ​യി ക​യ​റി​യ​വ​രു​ടെ എ​ണ്ണം ഒ​രു ല​ക്ഷ​ത്തി​ലും അ​ധി​ക​മാ​ണ്. രാ​ജ്യ​സു​ര​ക്ഷ​യെ ത​ന്നെ ബാ​ധി​ക്കു​ന്ന ത​ര​ത്തി​ലാ​ണ് ത​മി​ഴ്നാ​ട് വ​നം​വ​കു​പ്പി​​െൻറ പ്ര​വ​ര്‍ത്ത​നം. കേ​ര​ള​ത്തി​​െൻറ ഭാ​ഗ​ത്തു​നി​ന്ന്​ ക​ര്‍ശ​ന വി​ല​ക്കും സു​ര​ക്ഷ​മാ​ന​ദ​ണ്ഡ​ങ്ങ​ളും നി​ല​നി​ല്‍ക്കു​മ്പോ​ള്‍ ഒ​രു നി​യ​ന്ത്ര​ണ​വു​മി​ല്ലാ​തെ സ​ഞ്ചാ​രി​ക​ളെ മ​ല​മു​ക​ളി​ലേ​ക്ക്​ ക​യ​റ്റി​വി​ടു​ന്ന ത​മി​ഴ്​​നാ​ട്​ ന​ട​പ​ടി​ക്കെ​തി​രെ പ്ര​തി​ഷേ​ധ​വും ഉ​യ​ര്‍ന്നു​വ​ന്നി​രു​ന്നു. ഈ ​സാ​ഹ​ച​ര്യ​മാ​ണ് നി​ല​വി​ലെ ദു​ര​ന്ത​ത്തി​ലേ​ക്ക് ന​യി​ച്ച​ത്.