ഇ.ഡി മുൻ തലവൻ പ്രധാനമന്ത്രിയുടെ സാമ്പത്തിക ഉപദേശക സമിതിയിൽ

ന്യൂ​ഡ​ല്‍ഹി: കോ​ൺ​ഗ്ര​സ് മു​ൻ അ​ധ്യ​ക്ഷ സോ​ണി​യ ഗാ​ന്ധി, രാ​ഹു​ൽ ഗാ​ന്ധി ഉ​ൾ​പ്പെ​ടെ പ്ര​തി​പ​ക്ഷ നേ​താ​ക്ക​ൾ​ക്കെ​തി​രാ​യ കേ​സു​ക​ൾ കൈ​കാ​ര്യം ചെ​യ്ത എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് (ഇ.​ഡി) മു​ൻ ത​ല​വ​ൻ സ​ഞ്ജ​യ് കു​മാ​ർ മി​ശ്ര​​യെ പ്ര​ധാ​ന​മ​ന്ത്രി​യു​ടെ സാ​മ്പ​ത്തി​ക ഉ​പ​ദേ​ശ​ക സ​മി​തി​യി​ൽ സ്ഥി​രാം​ഗ​മാ​യി നി​യ​മി​ച്ചു.

ര​ണ്ടു​വ​ർ​ഷ​ത്തേ​ക്ക് 2018ലാ​ണ് സ​ഞ്ജ​യ് കു​മാ​ർ മി​​ശ്ര​യെ ഇ.​ഡി ഡ​യ​റ​ക്ട​റാ​യി കേ​ന്ദ്ര സ​ർ​ക്കാ​ർ നി​യ​മി​ച്ച​ത്. ര​ണ്ടു​ത​വ​ണ കാ​ലാ​വ​ധി നീ​ട്ടി ന​ൽ​കി. മൂ​ന്നാം ത​വ​ണ​യും കാ​ലാ​വ​ധി നീ​ട്ടി​ക്കൊ​ടു​ക്കാ​നു​ള്ള കേ​ന്ദ്ര സ​ർ​ക്കാ​ർ നീ​ക്ക​ത്തി​ൽ സു​പ്രീം കോ​ട​തി ഇ​ട​പെ​ട്ട​തോ​ടെ 2023 സെ​പ്റ്റം​ബ​റി​ൽ ഡ​യ​റ​ക്ട​ർ സ്ഥാ​ന​ത്തു​നി​ന്നും മി​ശ്ര​ക്ക് ഒ​ഴി​യേ​ണ്ടി​വ​ന്നു.

മു​ൻ കേ​ന്ദ്ര​മ​ന്ത്രി പി.​ചി​ദം​ബ​രം, ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, എ​ൻ.​സി.​പി അ​ധ്യ​ക്ഷ​ൻ ശ​ര​ദ് പ​വാ​ർ, ജ​മ്മു-​ക​ശ്മീ​ർ മു​ൻ മു​ഖ്യ​മ​ന്ത്രി മെ​ഹ​ബൂ​ബ മു​ഫ്തി, ജ​മ്മു-​ക​ശ്മീ​ർ മു​ഖ്യ​മ​ന്ത്രി ഉ​മ​ർ അ​ബ്ദു​ല്ല, ഝാ​ർ​ഖ​ണ്ഡ് മു​ഖ്യ​മ​ന്ത്രി ഹേ​മ​ന്ത് സോ​റ​ൻ തു​ട​ങ്ങി പ​ല പ്ര​മു​ഖ​ർ​ക്കെ​തി​രെ​യു​ള്ള കേ​സു​ക​ളും സ​ഞ്ജീ​വ് കു​മാ​ർ മി​ശ്ര കൈ​കാ​ര്യം ചെ​യ്തി​ട്ടു​ണ്ട്. ഉ​ത്ത​ർ​പ്ര​ദേ​ശ് 1984 ബാ​ച്ച് ഇ​ന്ത്യ​ൻ റ​വ​ന്യൂ സ​ർ​വി​സ്) ഉ​ദ്യോ​ഗ​സ്ഥ​നാ​ണ് മി​ശ്ര.