പഠനം ജയിലിൽ; പന്ത്രണ്ടാം ക്ലാസ്​ എ ഗ്രേഡോടെ പാസായി ചൗട്ടാല

ന്യൂഡല്‍ഹി: പരീക്ഷ എഴുതി പാസാകാൻ ജയിൽ വാസമോ വയസോ ഒന്നും ഒരു പ്രശ്​നമല്ലെന്ന്​ തെളിയിച്ചിരിക്കുകയാണ്​ ഹരിയാന മുന്‍ മുഖ്യമന്ത്രിയും
ഇന്ത്യന്‍ നാഷണല്‍ ലോക്ദള്‍ (ഐ.എന്‍.എല്‍.ഡി) നേതാവുമായ ഓം പ്രകാശ് ചൗട്ടാല. തീഹാർ ജയിലിൽ കഴിയുന്ന 82 കാരനായ ചൗട്ടാല പന്ത്രണ്ടാം ക്ലാസ് ബോര്‍ഡ് പരീക്ഷ ഫസ്റ്റ് ഡിവിഷനോടെയാണ് (എ ഗ്രേഡ്) പാസായത്​.

 നാഷണൽ സ്​കൂൾ ഒാഫ്​ ഒാപ്പൺ സ്​കൂളിങ്​ ജയിലിൽ നടത്തിയ പാഠ്യപദ്ധതിയിൽ ഒാം പ്രകാശ്​ ചൗട്ടാലയും ചേർന്നിരുന്നു. തീഹാർ ജയിൽ സ​െൻററിൽ വെച്ചാണ്​ അദ്ദേഹം പരീക്ഷ എഴുതിയത്.

ചൗട്ടാലയുടെ ഇളയ മകനും എം.എൽ.എയുമായ അഭയ് ചൗട്ടാലയാണ് പിതാവി​​െൻറ പരീക്ഷാ ജയം പുറത്തുവിട്ടത്. ഇനി കോളേജാണ് പിതാവ്​ ഓം പ്രകാശി​​െൻറ ലക്ഷ്യമെന്നും അഭയ് ചൗട്ടാല പറയുന്നു.

കഴിഞ്ഞ മാസം പേരക്കുട്ടിയും ഹിസാര്‍ എം.പിയുമായ ദുഷ്യന്ത് ചൗട്ടാലയുടെ വിവാഹത്തിനായി ഓം പ്രകാശ് ചൗട്ടാല പരോളിലായിരുന്നു. എന്നാല്‍ ഏപ്രില്‍ 23ലെ പരീക്ഷ എഴുതുന്നതിനായി പരോൾ തീരുന്നതിന്​ മുമ്പ്​  അദ്ദേഹം ജയിലിലേക്ക് മടങ്ങുകയായിരുന്നെന്നും അഭയ് ചൗട്ടാല കൂട്ടിച്ചേര്‍ത്തു.
 അധ്യാപക നിയമനത്തിലെ അഴിമതിക്കേസില്‍ 2013ലാണ് ചൗട്ടാല കുറ്റക്കാരനാണെന്ന് കോടതി കണ്ടെത്തുന്നത്. രണ്ടു വര്‍ഷത്തിന് ശേഷം സുപ്രീംകോടതിയും കീഴ്‌ക്കോടതി വിധി ശരിവെച്ചു. പത്തു വര്‍ഷം തടവിനാണ് ശിക്ഷിച്ചിരിക്കുന്നത്.