ജാതിവിവേചനം: ​പരാതിയുമായി ഐ.ഐ.ടി മുൻ പ്രൊഫസർ ഒ.ബി.സി കമ്മീഷൻ​ മുന്നിൽ

ന്യൂഡൽഹി: ഐ.ഐ.ടിയി​െൽ മുൻ അസിസ്റ്റന്‍റ്​ പ്രൊഫസർ ജാതിവിവേചനത്തിനെതിരെ പരാതിയുമായി ദേശീയ പിന്നാക്ക കമ്മീഷന്​ മുന്നിൽ. ഐ.ഐ.ടിയിൽ ജാതിയുടെ പേരിൽ അവസരങ്ങൾ നിഷേധിക്കപ്പെട്ടുവെന്നാണ്​ അദ്ദേഹത്തിന്‍റെ പരാതി.

2019 മാർച്ചിലാണ്​ ഡിപ്പാർട്ട്​മെന്‍റ്​ ഓഫ്​ ഹ്യുമാനിറ്റീസ്​ ആൻഡ്​ സോഷ്യൽ സയൻസിൽ വിപിൻ പി വീട്ടിൽ അസിസ്റ്റന്‍റ്​ പ്രൊഫസറായി ചേർന്നത്​. തുടർന്ന്​ ജൂലൈയിൽ വിരമിച്ചു. രാജിക്കത്തിൽ ഐ.ഐ.ടി മദ്രാസിലെ ജാതിവിവേചനത്തെ കുറിച്ചും പരാമർശമുണ്ടായിരുന്നു.

വ്യാഴാഴ്ച താൻ ഇതുസംബന്ധിച്ച പരാതി നൽകി. അന്വേഷണം പൂർത്തിയാകുന്നത്​ വരെ ഐ.ഐ.ടിയിലെ വകുപ്പ്​ മേധാവി സ്ഥാനത്ത്​ നിന്ന്​ മാറി നിൽക്കണമെന്ന്​ വിപിൻ ആവശ്യപ്പെട്ടു. ഐ.ഐ.ടിയിലേക്ക്​ തിരിച്ച്​ പോകാനുള്ള അപേക്ഷ താൻ നൽകിയിട്ടുണ്ട്​. എന്നാൽ, അവിടെ വിവേചനം നേരിടില്ലെന്ന്​ തനിക്ക്​ ഉറപ്പാക്കണമെന്നും അതിനാലാണ്​ പരാതി നൽകിയതെന്നും അദ്ദേഹം കൂട്ടിച്ചേർത്തു. എന്നാൽ, ഇതുസംബന്ധിച്ച്​ കൂടുതൽ പ്രതികരണത്തിന്​ അദ്ദേഹം തയാറായിട്ടില്ല.