പഹൽഗാം ഭീകരാക്രമണത്തിന് പിന്നിൽ പാകിസ്താനെന്ന് മുൻ പെന്‍റഗൺ ഉദ്യോഗസ്ഥൻ; ‘ഐ‌.എസ്‌.ഐയെ തുടച്ചുനീക്കേണ്ട സമയം’

വാഷിങ്ടൺ: വിനോദസഞ്ചാരികളടക്കം 26 കൊല്ലപ്പെട്ട പഹൽഗാം ഭീകരാക്രമണത്തിന് പിന്നിൽ പാകിസ്താനാണെന്ന് മുൻ പെന്‍റഗൺ ഉദ്യോഗസ്ഥനും അമേരിക്കൻ എന്റർപ്രൈസ് ഇൻസ്റ്റിറ്റ്യൂട്ടിലെ സീനിയർ ഫെലോയുമായ മൈക്കിൽ റൂബിൻ. പാകിസ്താൻ സൈനിക മേധാവി അസിം മുനീർ അടുത്തിടെ നടത്തിയ പ്രകോപനപരമായ പരാമർശങ്ങൾ ആക്രമണത്തിന് കാരണമായേക്കാമെന്നും അദ്ദേഹം ചൂണ്ടിക്കാട്ടി.

പാക് സൈനിക മേധാവിയുടെ പ്രസംഗം ഭീകരതക്കുള്ള പച്ചക്കൊടിയാണെന്ന് തോന്നുന്നു. കശ്മീർ കഴുത്തിലെ സിരയാണെന്നാണ് അസിം മുനീർ പറഞ്ഞത്. പാകിസ്താന്‍റെ കഴുത്തിലെ സിര മുറിക്കുകയാണ് ഇന്ത്യ ഇപ്പോൾ ചെയ്യേണ്ടത്. ഇനി കുറുക്കുവഴികളില്ലെന്നും മൈക്കിൽ റൂബിൻ പറഞ്ഞു.

പാകിസ്താൻ ലഷ്കറെ ത്വയ്യിബ അടക്കം നിരവധി ഭീകരസംഘടനകളുടെ ആസ്ഥാനമാണെന്ന് നമുക്കറിയാം. ഏകീകൃത ഭീകരവിരുദ്ധ നടപടികളുടെ അഭാവം, പാശ്ചാത്യരെ വിഡ്ഢികളാക്കുന്ന പാക് നയതന്ത്രജ്ഞർ എന്നിവ കാരണം പാകിസ്താനിലും ബംഗ്ലാദേശിലും ഇത് വ്യാപിച്ചിരിക്കുകയാണ്.

സംഭവത്തിന് പിന്നിൽ പാകിസ്താനാണെന്നുള്ള വിവരം വരും ദിവസങ്ങളിൽ ഇന്‍റലിജൻസിന് ലഭിക്കും. മനുഷ്യ ബുദ്ധി ഇതിന് പിന്നിൽ ഉണ്ടാകും. ചില വിവരങ്ങൾ ഇന്‍റലിജൻസിന്‍റെ കൈവശമുണ്ടെന്ന് ഉറപ്പാണ്. മുൻവിധിയായും പ്രത്യയശാസ്ത്രപരമായും ഭൂമിശാസ്ത്രപരമായും പാകിസ്താന്‍റെ ഐ.എസ്.ഐയാണെന്ന് നമുക്കറിയാം. പാകിസ്താനാണ് സംശയിക്കപ്പെടുന്ന ഏക രാജ്യമെന്നും മൈക്കിൽ റൂബിൻ ചൂണ്ടിക്കാട്ടി.

അമേരിക്കൻ പ്രസിഡന്‍റായിരുന്ന ബിൽ ക്ലിന്‍റൺ ഇന്ത്യ സന്ദർശിച്ചപ്പോൾ ഭീകരാക്രമണം നടന്നതു പോലെ, വൈസ് പ്രസിഡന്‍റ ജെ.ഡി. വാൻസിന്‍റെ ഇന്ത്യാ സന്ദർശനത്തിൽ നിന്ന് ശ്രദ്ധമാറ്റാൻ പാകിസ്താൻ ആഗ്രഹിക്കുന്നതായി തോന്നുന്നു. പാകിസ്താനെ രക്ഷപ്പെടാൻ അമേരിക്ക അനുവദിക്കരുത്. ഇത് ഒരുതരം സ്വമേധയായുള്ള നടപടിയാണെന്ന് നമ്മൾ നടിക്കരുത്.

ഐ‌.എസ്‌.ഐയുടെ നേതൃത്വത്തെ തുടച്ചുനീക്കേണ്ട സമയമാണിത്. അവരെ ഒരു ഭീകരസംഘടനയായി കണക്കാക്കുകയും ഇന്ത്യയുടെ മുഴുവൻ സഖ്യകക്ഷി രാജ്യങ്ങളും ജനാധിപത്യത്തെ പിന്തുണക്കുന്ന ലോകരാജ്യങ്ങളും ഇക്കാര്യം ആവശ്യപ്പെടുകയും വേണമെന്ന് എ.എൻ.ഐക്ക് നൽകിയ അഭിമുഖത്തിൽ മൈക്കിൽ റൂബിൻ ചൂണ്ടിക്കാട്ടി.

തെ​ക്ക​ൻ ക​ശ്മീ​രി​ലെ പ്രമുഖ വി​നോ​ദ​സ​ഞ്ചാ​ര കേന്ദ്രമായ പ​ഹ​ൽ​ഗാ​മി​ൽ സഞ്ചാരി​ക​ൾ​ക്കു ​നേ​രെ ഏപ്രിൽ 22ന് നടന്ന ഭീ​ക​രാ​ക്ര​മ​ണ​ത്തി​ൽ 26 പേരാണ് കൊല്ലപ്പെട്ടത്. 20 പേർക്കെങ്കിലും ഭീകരാക്രമണത്തിൽ പരിക്കേറ്റിട്ടുണ്ടെന്നാണ് റിപ്പോർട്ട്.

അതേസമയം, പ​ഹ​ൽ​ഗാം ഭീ​ക​രാ​ക്ര​മ​ണ​ത്തിൽ പാ​കി​സ്താ​നെ​തി​രെ ക​ർ​ശ​ന ന​ട​പ​ടി​യാണ് ഇ​ന്ത്യ പ്രഖ്യാപിച്ചത്. പാ​കി​സ്താ​നു​മാ​യി പ​തി​റ്റാ​ണ്ടു​ക​ളാ​യി തു​ട​രു​ന്ന സി​ന്ധു ന​ദീ​ജ​ല ക​രാ​ർ അ​നി​ശ്ചി​ത കാ​ല​ത്തേ​ക്ക് റ​ദ്ദാ​ക്കു​ന്ന​ത​ട​ക്ക​മു​ള്ള​വ പ്ര​ധാ​ന​മ​ന്ത്രി ന​രേ​​ന്ദ്ര മോ​ദി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന കാ​ബി​ന​റ്റ് സു​ര​ക്ഷ സ​മി​തി യോ​ഗ​ത്തി​ലാ​ണ് തീ​രു​മാ​ന​മാ​യ​ത്.

പാ​കി​സ്താ​ൻ പൗ​ര​ന്മാ​രു​ടെ സാ​ർ​ക്ക് വി​സ റ​ദ്ദാ​ക്കു​ക​യും 48 മ​ണി​ക്കൂ​റി​നു​ള്ളി​ൽ രാ​ജ്യം വി​ടാ​ൻ ആ​വ​ശ്യ​പ്പെ​ടു​ക​യും ചെ​യ്തു. അ​ട്ടാ​രി​യി​ലെ ഇ​ന്റ​ഗ്രേ​റ്റ​ഡ് ചെ​ക്ക് പോ​സ്റ്റ് ഉ​ട​ന​ടി അ​ട​ച്ചു​പൂ​ട്ടും. ന്യൂ​ഡ​ൽ​ഹി​യി​ലെ പാ​കി​സ്താ​ൻ ഹൈ​ക​മീ​ഷ​നി​ലെ പ്ര​തി​രോ​ധ, സൈ​നി​ക, നാ​വി​ക, വ്യോ​മ ഉ​പ​ദേ​ഷ്ടാ​ക്ക​ൾ​ക്ക് ഇ​ന്ത്യ വി​ടാ​ൻ ഒ​രാ​ഴ്ച സ​മ​യ​മ​നു​വ​ദി​ച്ചു. ഇ​സ്ലാ​മാ​ബാ​ദി​ലെ ഇ​ന്ത്യ​ൻ ഹൈ​ക്ക​മീ​ഷ​നി​ൽ​ നി​ന്ന് ഇ​ന്ത്യ ഉ​പ​ദേ​ഷ്ടാ​ക്ക​ളെ പി​ൻ​വ​ലി​ക്കും. ഈ ​ത​സ്തി​ക​ക​ൾ റ​ദ്ദാ​ക്ക​പ്പെ​ട്ട​താ​യി ക​ണ​ക്കാ​ക്കും.