മുൻ പ്രിൻസിപ്പലിനെ രണ്ടാം ദിവസവും ചോദ്യം ചെയ്തു

കൊ​ൽ​ക്ക​ത്ത: പി.​ജി ട്രെ​യി​നി ഡോ​ക്ട​ർ ബ​ലാ​ത്സം​ഗ​ത്തി​നി​ര​യാ​യി കൊ​ല്ല​പ്പെ​ട്ട ആ​ർ.​ജി ക​ർ മെ​ഡി​ക്ക​ൽ കോ​ള​ജ് മു​ൻ പ്രി​ൻ​സി​പ്പ​ൽ ഡോ. ​സ​ന്ദീ​പ് ഘോ​ഷി​നെ തു​ട​ർ​ച്ച​യാ​യ ര​ണ്ടാം ദി​വ​സ​വും സി.​ബി.​ഐ ചോ​ദ്യം ചെ​യ്തു. കൊ​ൽ​ക്ക​ത്ത​യി​ലെ സി.​ബി.​ഐ ഓ​ഫി​സി​ൽ​വെ​ച്ചാ​യി​രു​ന്നു ചോ​ദ്യം ചെ​യ്യ​ൽ. വെ​ള്ളി​യാ​ഴ്ച രാ​ത്രി 9.30ന് ​ആ​രം​ഭി​ച്ച ആ​ദ്യ​ഘ​ട്ട ചോ​ദ്യം ചെ​യ്യ​ൽ ശ​നി​യാ​ഴ്ച പു​ല​ർ​ച്ച 1.40 വ​രെ നീ​ണ്ടു. തു​ട​ർ​ന്ന്, ശ​നി​യാ​ഴ്ച രാ​വി​ലെ 10.30നാ​ണ് ഇ​ദ്ദേ​ഹം ര​ണ്ടാ​മ​തും ചോ​ദ്യം ചെ​യ്യ​ലി​ന് ഹാ​ജ​രാ​യ​ത്.

ഡോ​ക്ട​റു​ടെ മ​ര​ണ വി​വ​ര​മ​റി​ഞ്ഞ​പ്പോ​ഴു​ള്ള ആ​ദ്യ പ്ര​തി​ക​ര​ണം, കു​ടും​ബ​ത്തെ വി​വ​രം അ​റി​യി​ച്ച​ത് എ​ങ്ങ​നെ, ആ​രാ​ണ് പൊ​ലീ​സി​നെ ബ​ന്ധ​പ്പെ​ട്ട​ത് തു​ട​ങ്ങി​യ കാ​ര്യ​ങ്ങ​ൾ സി.​ബി.​ഐ സം​ഘം ചോ​ദി​ച്ച​റി​ഞ്ഞു. ചി​ല ഉ​ത്ത​ര​ങ്ങ​ൾ തൃ​പ്തി​ക​ര​മാ​യി​രു​ന്നി​ല്ലെ​ന്ന് ചോ​ദ്യം ചെ​യ്യ​ലി​നു​ശേ​ഷം സി.​ബി.​ഐ ഉ​ദ്യോ​ഗ​സ്ഥ​ർ പ​റ​ഞ്ഞു. കൊ​ല്ല​പ്പെ​ട്ട ഡോ​ക്ട​റു​ടെ ഡ്യൂ​ട്ടി സ​മ​യ​ത്തെ​ക്കു​റി​ച്ചും ചോ​ദി​ച്ചു. ചി​ല ദി​വ​സ​ങ്ങ​ളി​ൽ 36 മ​ണി​ക്കൂ​റും ചി​ല​പ്പോ​ൾ 48 മ​ണി​ക്കൂ​റും ഡോ​ക്ട​ർ​ക്ക് ഡ്യൂ​ട്ടി ന​ൽ​കി​യി​രു​ന്ന​താ​യും സി.​ബി.​ഐ ക​ണ്ടെ​ത്തി.

വ​നി​താ ഡോ​ക്ട​റു​ടെ മൃ​ത​ദേ​ഹം ക​ണ്ടെ​ത്തി ര​ണ്ട് ദി​വ​സ​ത്തി​നു ശേ​ഷ​മാ​ണ് ഡോ. ​സ​ന്ദീ​പ് ഘോ​ഷ് പ്രി​ൻ​സി​പ്പ​ൽ സ്ഥാ​നം രാ​ജി​വെ​ച്ച​ത്. ആ​ക്ര​മി​ക്ക​പ്പെ​ടു​മെ​ന്ന ഭ​യ​ത്തെ​ത്തു​ട​ർ​ന്ന് അ​ദ്ദേ​ഹം സം​ര​ക്ഷ​ണം തേ​ടി ക​ൽ​ക്ക​ട്ട ഹൈ​കോ​ട​തി​യെ സ​മീ​പി​ച്ചി​രു​ന്നു. എ​ന്നാ​ൽ, ഇ​ക്കാ​ര്യ​ത്തി​ൽ സിം​ഗി​ൾ ബെ​ഞ്ചി​നെ സ​മീ​പി​ക്കാ​ൻ കോ​ട​തി നി​ർ​ദേ​ശി​ക്കു​ക​യാ​യി​രു​ന്നു. ആ​ഗ​സ്റ്റ് ഒ​മ്പ​തി​നാ​ണ് ട്രെ​യി​നി ഡോ​ക്ട​റു​ടെ മൃ​ത​ദേ​ഹം ഹോ​സ്പി​റ്റ​ലി​ലെ സെ​മി​നാ​ർ റൂ​മി​ൽ ക​ണ്ടെ​ത്തി​യ​ത്. സം​ഭ​വ​ത്തി​ൽ അ​ടു​ത്ത ദി​വ​സം ഒ​രു സ​ന്ന​ദ്ധ​പ്ര​വ​ർ​ത്ത​ക​നെ പൊ​ലീ​സ് അ​റ​സ്റ്റ് ചെ​യ്തു.

അ​തി​നി​ടെ, ശ​നി​യാ​ഴ്ച ഉ​ച്ച​ക്ക് ഒ​രു സം​ഘം സി.​ബി.​ഐ ഉ​ദ്യോ​ഗ​സ്ഥ​ർ ക​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി പ​രി​ശോ​ധ​ന ന​ട​ത്തി. മ​റ്റൊ​രു സം​ഘം അ​റ​സ്റ്റി​ലാ​യ സ​ന്ന​ദ്ധ​പ്ര​വ​ർ​ത്ത​ക​ൻ സ​ഞ്ജ​യ് റോ​യ് പ​തി​വാ​യി താ​മ​സി​ച്ചി​രു​ന്ന കൊ​ൽ​ക്ക​ത്ത പൊ​ലീ​സി​​ന്റെ നാ​ലാം ബ​റ്റാ​ലി​യ​നി​ലെ ബാ​ര​ക്കി​ലു​മെ​ത്തി അ​ന്വേ​ഷ​ണം ന​ട​ത്തി. സം​ഭ​വ ദി​വ​സ​ത്തെ പ്ര​തി​യു​ടെ നീ​ക്ക​ങ്ങ​ളെ​ക്കു​റി​ച്ച് സം​ഘം പൊ​ലീ​സു​കാ​രോ​ട് അ​ന്വേ​ഷി​ച്ചു. അ​ന്വേ​ഷ​ണ​ത്തി​​ന്റെ ഭാ​ഗ​മാ​യി ചോ​ദ്യം ചെ​യ്യു​ന്ന​തി​ന് ഡോ​ക്‌​ട​ർ​മാ​ർ, പൊ​ലീ​സ് ഉ​ദ്യോ​ഗ​സ്ഥ​ർ എ​ന്നി​വ​രു​ൾ​പ്പെ​ടെ 40 ഓ​ളം പേ​രു​ടെ പ​ട്ടി​ക സി.​ബി.​ഐ ത​യാ​റാ​ക്കി​യി​ട്ടു​ണ്ട്. ഇ​തു​വ​രെ 13 പേ​രെ​യാ​ണ് ചോ​ദ്യം ചെ​യ്ത​ത്.

കൊ​ല​പാ​ത​ക​ത്തി​ൽ പ്ര​തി​ഷേ​ധി​ച്ച് സ​മ​രം ന​ട​ത്തു​ന്ന ജൂ​നി​യ​ർ ഡോ​ക്ട​ർ​മാ​ർ​ക്കൊ​പ്പം സീ​നി​യ​ർ ഡോ​ക്ട​ർ​മാ​രും ചേ​ർ​ന്ന​തോ​ടെ പ​ശ്ചി​മ ബം​ഗാ​ളി​ൽ ആ​ശു​പ​ത്രി​ക​ളു​ടെ പ്ര​വ​ർ​ത്ത​നം താ​റു​മാ​റാ​യി. ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​​ന്റെ ആ​ഹ്വാ​ന​പ്ര​കാ​ര​മാ​ണ് സീ​നി​യ​ർ ഡോ​ക്ട​ർ​മാ​രും ശ​നി​യാ​ഴ്ച പ​ണി​മു​ട​ക്കി​യ​ത്. സ​ർ​ക്കാ​ർ, സ്വ​കാ​ര്യ ആ​ശു​പ​ത്രി​ക​ളി​ലെ ഒ.​പി വി​ഭാ​ഗം പ്ര​വ​ർ​ത്തി​ച്ചി​ല്ല. സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള എ​സ്.​എ​സ്.​കെ.​എം ആ​ശു​പ​ത്രി, ശം​ഭു​നാ​ഥ് പ​ണ്ഡി​റ്റ് ആ​ശു​പ​ത്രി, ക​ൽ​ക്ക​ട്ട നാ​ഷ​ന​ൽ മെ​ഡി​ക്ക​ൽ കോ​ള​ജ് ആ​ൻ​ഡ് ഹോ​സ്പി​റ്റ​ൽ എ​ന്നി​വ​യു​ടെ പ്ര​വ​ർ​ത്ത​നം മു​ട​ങ്ങി. സം​സ്ഥാ​ന​ത്തെ സ്വ​കാ​ര്യ ആ​ശു​പ​ത്രി​ക​ളി​ലും സ്ഥി​തി സ​മാ​ന​മാ​യി​രു​ന്നു.

ആരോഗ്യ പ്രവർത്തകരുടെ സുരക്ഷ; സമിതിയെ നിയോഗിച്ച് സർക്കാർ

ന്യൂ​ഡ​ൽ​ഹി: ഡോ​ക്ട​ർ​മാ​ര​ട​ക്കം ആ​രോ​ഗ്യ​പ്ര​വ​ർ​ത്ത​ക​രു​ടെ സു​ര​ക്ഷ ഉ​റ​പ്പാ​ക്കു​ന്ന​തി​ന് വേ​ണ്ട ന​ട​പ​ടി​ക​ൾ നി​ർ​ദേ​ശി​ക്കാ​ൻ സ​മി​തി​യെ നി​യോ​ഗി​ച്ച് കേ​ന്ദ്ര ആ​രോ​ഗ്യ മ​ന്ത്രാ​ല​യം. കൊ​ല്‍ക്ക​ത്ത​യി​ല്‍ യു​വ​ഡോ​ക്ട​ര്‍ ബ​ലാ​ത്സം​ഗ​ത്തി​ന് ഇ​ര​യാ​യി കൊ​ല്ല​പ്പെ​ട്ട സം​ഭ​വ​ത്തി​ന്റെ പ​ശ്ചാ​ത്ത​ല​ത്തി​ലാ​ണ് കേ​ന്ദ്ര സ​ർ​ക്കാ​ർ ന​ട​പ​ടി. സ​മ​രം ചെ​യ്യു​ന്ന ഡോ​ക്ട​ർ​മാ​ർ പൊ​തു​താ​ൽ​പ​ര്യം ക​ണ​ക്കി​ലെ​ടു​ത്ത് ജോ​ലി​യി​ൽ തി​രി​കെ പ്ര​വേ​ശി​ക്ക​ണ​മെ​ന്ന് സ​ർ​ക്കാ​ർ ആ​വ​ശ്യ​പ്പെ​ട്ടു.

ഫെ​ഡ​റേ​ഷ​ന്‍ ഓ​ഫ് റ​സി​ഡ​ന്റ് ഡോ​ക്ടേ​ഴ്‌​സ് അ​സോ​സി​യേ​ഷ​ന്‍ (ഫോ​ര്‍ഡ), ഇ​ന്ത്യ​ന്‍ മെ​ഡി​ക്ക​ല്‍ അ​സോ​സി​യേ​ഷ​ന്‍ (ഐ.​എം.​എ), ഡ​ല്‍ഹി​യി​ലെ സ​ര്‍ക്കാ​ര്‍ മെ​ഡി​ക്ക​ല്‍ കോ​ള​ജു​ക​ളി​ലെ​യും ആ​ശു​പ​ത്രി​ക​ളി​ലെ​യും റ​സി​ഡ​ന്റ് ഡോ​ക്ടേ​ഴ്‌​സ് അ​സോ​സി​യേ​ഷ​നു​ക​ളു​ടെ പ്ര​തി​നി​ധി​ക​ള്‍ തു​ട​ങ്ങി​യ​വ​രു​മാ​യി ന​ട​ത്തി​യ ച​ര്‍ച്ച​ക്ക് പി​ന്നാ​ലെ​യാ​ണ് സ​ർ​ക്കാ​ർ തീ​രു​മാ​നം. സം​സ്ഥാ​ന സ​ർ​ക്കാ​റു​ക​ളു​ൾ​പ്പെ​ടെ ആ​രോ​ഗ്യ​പ്ര​വ​ർ​ത്ത​ക​രു​മാ​യി ബ​ന്ധ​പ്പെ​ട്ട വി​വി​ധ ഏ​ജ​ൻ​സി​ക​ൾ​ക്ക് ക​മ്മി​റ്റി​യു​മാ​യി അ​വ​രു​ടെ നി​ർ​ദേ​ശ​ങ്ങ​ൾ പ​ങ്കു​വെ​ക്കാ​മെ​ന്ന് ആ​രോ​ഗ്യ മ​ന്ത്രാ​ല​യം വാ​ർ​ത്താ​ക്കു​റി​പ്പി​ൽ പ​റ​ഞ്ഞു.

ആ​രോ​ഗ്യ പ്ര​വ​ർ​ത്ത​ക​രു​ടെ സു​ര​ക്ഷ സം​ബ​ന്ധി​ച്ച് എ​ല്ലാ സം​സ്ഥാ​ന​ങ്ങ​ളും നി​യ​മ​നി​ർ​മാ​ണം ന​ട​ത്തി​യി​ട്ടു​​ണ്ട്. ജോ​ലി​സ്ഥ​ല​ത്ത് ആ​രോ​ഗ്യ പ്ര​വ​ർ​ത്ത​ക​രു​ടെ സു​ര​ക്ഷ സം​ബ​ന്ധി​ച്ച ആ​ശ​ങ്ക​ക​ൾ വി​വി​ധ സം​ഘ​ട​ന​ക​ൾ അ​റി​യി​ച്ചി​ട്ടു​ണ്ട്. ആ​ശ​ങ്ക​ക​ൾ​ക്ക് പ​രി​ഹാ​ര​മു​ണ്ടാ​ക്കാ​ൻ വേ​ണ്ട ന​ട​പ​ടി​ക​ൾ സ​ർ​ക്കാ​ർ സ്വീ​ക​രി​ക്കു​മെ​ന്ന് ഉ​റ​പ്പ് ന​ൽ​കി​യ​താ​യും മ​ന്ത്രാ​ല​യം വാ​ർ​ത്താ​ക്കു​റി​പ്പി​ൽ അ​റി​യി​ച്ചു.