പുതുച്ചേരി മുന്‍ മുഖ്യമന്ത്രി ആര്‍.വി ജാനകിരാമന്‍ അന്തരിച്ചു

പുതുച്ചേരി: പുതുച്ചേരി മുന്‍ മുഖ്യമന്ത്രിയും ഡി.എം.കെ നേതാവുമായ ആര്‍.വി ജാനകിരാമന്‍(79) അന്തരിച്ചു. വാര്‍ധക്യസ ഹജമായ അസുഖത്തെ തുടര്‍ന്ന് ചികിത്സയിലായിരുന്നു. ഇന്ന്​ പുലർ​ച്ചെ മൂന്നു മണിയോടെ സ്വകാര്യ ആശുപത്രിയിലായിരുന്നു അന്ത്യം.

മൃതദേഹം അമ്പൂർ സാലയിലുള്ള വസതിയിൽ പൊതുദർശനത്തിന്​ വെച്ചു. സംസ്​കാരം ചൊവ്വാഴ്​ച രാവിലെ 10 മണിയോടെ അലത്തൂരിനടുത്ത് മാരക്കാനത്ത് നടക്കും. ഡി.എം.കെ അധ്യക്ഷന്‍ സ്റ്റാലിന്‍ അടക്കമുള്ള പാര്‍ട്ടി നേതാക്കള്‍ സംസ്‌കാര ചടങ്ങില്‍ പങ്കെടുക്കും.

1996 ലാണ് അദ്ദേഹം മുഖ്യമന്ത്രിയായത്. നെല്ലിത്തോപ് മണ്ഡലത്തില്‍ നിന്ന് തുടര്‍ച്ചയായി അഞ്ച് തവണ നിയമസഭയിലേക്ക് തിരഞ്ഞെടുക്കപ്പെട്ടിരുന്നു.