സഹപാഠികൾക്കൊപ്പം പാട്ടുപാടി ആഘോഷിച്ച്​ അമരീന്ദർ സിങ്​; ചിത്രങ്ങൾ വൈറൽ

ന്യൂഡൽഹി: പഞ്ചാബ്​ മുഖ്യമന്ത്രി സ്​ഥാനം രാജിവെച്ചതിന്​ പിന്നാലെ നാഷനൽ ഡിഫൻസ്​ അക്കാദമി സഹപാഠികൾക്ക്​ അത്താഴവിരുന്നൊരുക്കി അമരീന്ദർ സിങ്​. സഹപാഠികളും അവരുടെ പങ്കാളികളും പ​ങ്കെടുത്ത ചടങ്ങിന്‍റെ വിഡിയോകളും ചിത്രങ്ങളും പുറത്തുവന്നു. മൊഹാലിയിലെ മൊഹീന്ദർ ബാഗ്​ ഫാംഹീസിലായിരുന്നു അത്താഴവിരുന്ന്​.

സഹപാഠികൾക്കൊപ്പം ഗാനം ആലപിക്കുന്ന അമരീന്ദറിന്‍റെ വിഡിയോകളും പുറത്തുവന്നു. പഞ്ചാബിൽ കോൺഗ്രസ്​ രാഷ്​ട്രീയം തിളച്ചുമറിയുന്നതിനിടെയാണ്​ അമരീന്ദർ രാഷ്​ട്രീയത്തിൽനിന്ന്​ പിന്തിരിഞ്ഞ്​ വ്യക്തിജീവിതത്തിൽ ശ്രദ്ധകേന്ദ്രീകരിക്കുന്നത്​. മുഖ്യമ​ന്ത്രി സ്​ഥാനം ഒഴിഞ്ഞതിന്​ പിന്നാലെ അമരീന്ദർ എൻ.ഡി.എ സഹപാഠികൾക്കായി അത്താഴവിരുന്നൊരുക്കു​ന്നുവെന്ന വിവരം പുറത്തുവന്നിരുന്നു. സെപ്​റ്റംബർ 24 മുതൽ 27 വരെയാണ്​ ഗെറ്റ്​ ടുഗതറെന്നാണ്​ വിവരം.

അപമാനങ്ങൾ സഹിച്ച്​ പാർട്ടിയിൽ തുടരാനാകിലെന്ന്​ അറിയിച്ചശേഷമായിരുന്നു അമരീന്ദറിന്‍റെ രാജി. നിയമസഭ തെരഞ്ഞെടുപ്പിന്​ നാലുമാസം ശേഷിക്കേയായിരുന്നു അമരീന്ദറിന്‍റെ പടിയിറക്കം. അമരീന്ദറിന്​ പകരം പഞ്ചാബിൽ ചരൺജിത് സിങ്​ ചന്നി മുഖ്യമന്ത്രിയായി സത്യപ്രതിജ്ഞ ചെയ്​ത്​ അധികാരമേറ്റിരുന്നു. മന്ത്രിസഭ വിപുലീകരണം ഞായറാഴ്ച നടക്കും.