തെലങ്കാന മുൻ ആഭ്യന്തരമന്ത്രി നയനി നരസിംഹ റെഡ്​ഢി കോവിഡ്​ ബാധിച്ച്​ മരിച്ചു

ഹൈദരാബാദ്​: തെലങ്കാന മുൻ ആഭ്യന്തരമന്ത്രിയും ടി.എസ്​.ആർ നേതാവുമായ നയനി നരസിംഹ റെഡ്​ഢി അന്തരിച്ചു. 76 വയസായിരുന്നു. കോവിഡ്​ പോസിറ്റീവായതിനെ തുടർന്ന്​ സ്വകാര്യ ആശുപത്രിയിൽ ചികിത്സയിലിരിക്കെയാണ്​ അന്ത്യം. കഴിഞ്ഞ മാസമാണ് നരസിംഹ റെഡ്​ഢിക്ക്​ കോവിഡ്​ ബാധിച്ചത്​.

ഏറെകാലം തൊഴിലാളി യൂനിയൻ നേതാവായിരുന്നു. മൂന്നു തവണ മുഷീറാബാദ്​ നിയമസഭാ മണ്ഡലത്തിലെ എം.എൽ.എയായി തെരഞ്ഞെടുക്കപ്പെട്ടു. ലെജീ​േസ്ലറ്റീവ്​ കൗൺസിൽ അംഗമായും തെരഞ്ഞെടുക്കപ്പെട്ടിരുന്നു.

ടി.എസ്​.ആർ അധ്യക്ഷനും മുഖ്യമന്ത്രിയുമായ കെ.ചന്ദ്രശേഖര റാവുവിനൊപ്പം തെലങ്കാനക്ക്​ സംസ്ഥാന പദവി ലഭിക്കുന്നതിന്​ പോരാടിയ നേതാവയിരുന്നു നരസിംഹ റെഡ്​ഢി. റെഡ്​ഢിയുടെ നിര്യാണത്തിൽ കെ.ചന്ദ്രശേഖര റാവു ഉൾപ്പെടെയുള്ള നേതാക്കൾ അനുശോചനം രേഖപ്പെടുത്തി.