നാല് പതിറ്റാണ്ട്, ഇന്ദിരാ വധത്തിനും സിഖ് കൂട്ടക്കൊലക്കും

ന്യൂ​ഡ​ൽ​ഹി: മു​ൻ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി ​വെ​ടി​യേ​റ്റ് മ​രി​ച്ച​തി​നൊ​പ്പം സി​ഖ് ജ​ന​ത​യു​ടെ കൂ​ട്ട​ക്കൊ​ല​ക്കും 40 വ​ർ​ഷം പൂ​ർ​ത്തി​യാ​കു​ന്നു. 1984 ഒ​ക്ടോ​ബ​ർ 31ന് ​സി​ഖു​കാ​രാ​യ അം​ഗ​ര​ക്ഷ​ക​രു​ടെ വെ​ടി​യേ​റ്റ് മ​രി​ച്ച​തി​ന് പി​ന്നാ​ലെ​യാ​ണ് ഡ​ൽ​ഹി​യി​ലും പ​രി​സ​ര​ത്തും സി​ഖ് വം​ശ​ജ​രെ വം​ശ​ഹ​ത്യ ന​ട​ത്തി​യ​ത്. 2733 പേ​ർ​ക്കാ​ണ് ജീ​വ​ൻ ന​ഷ്ട​മാ​യ​ത്. 8000 മു​ത​ൽ 16000 പേ​ർ​വ​​രെ മ​രി​ച്ച​താ​യാ​ണ് അ​നൗ​ദ്യോ​ഗി​ക ക​ണ​ക്ക്. നാ​ല് പ​തി​റ്റാ​ണ്ടാ​യി​ട്ടും ഈ ​കൂ​ട്ട​ക്കൊ​ല​യു​ടെ നി​യ​മ​പോ​രാ​ട്ട​ങ്ങ​ൾ തു​ട​രു​ക​യാ​ണ്. കേ​സു​ക​ൾ പു​ന​ര​ന്വേ​ഷി​ക്കു​ക​യും കോ​ൺ​ഗ്ര​സി​ന്റെ പ്ര​മു​ഖ നേ​താ​ക്ക​ള​ട​ക്ക​മു​ള്ള​വ​​ർ​ക്കെ​തി​​രെ ന​ട​പ​ടി​ക​ൾ ക​ർ​ശ​ന​മാ​കു​ക​യും ചെ​യ്ത​ത് ഇ​തി​നി​ട​യി​ൽ ഇ​ര​ക​ൾ​ക്ക് ആ​ശ്വാ​സ​മാ​യി​ട്ടു​ണ്ട്.

കൂ​ട്ട​ക്കൊ​ല അ​ന്വേ​ഷി​ച്ച നാ​നാ​വ​തി ക​മീ​ഷ​ൻ റി​​പ്പോ​ർ​ട്ട​നു​സ​രി​ച്ച് 587 കേ​സു​ക​ളാ​യി​രു​ന്നു ര​ജി​സ്റ്റ​ർ ചെ​യ്ത​ത്. ഇ​തി​ൽ 240 എ​ണ്ണം ഒ​ന്നും ക​ണ്ടെ​ത്തി​യി​ല്ലെ​ന്ന് പ​റ​ഞ്ഞ് പൊ​ലീ​സ് അ​വ​സാ​നി​പ്പി​ച്ചു. 250 കേ​സി​ൽ പ്ര​തി​ക​ളെ വെ​റു​തെ​വി​ട്ടി​രു​ന്നു. 27 കേ​സു​ക​ളി​ൽ 400 പേ​ർ​ക്ക് ശി​ക്ഷ ന​ൽ​കി. ഇ​തി​ൽ മു​ൻ കോ​ൺ​ഗ്ര​സ് നേ​താ​വ് സ​ജ്ജ​ൻ കു​മാ​റു​മു​ൾ​പ്പെ​ടും. പാ​ലം കോ​ള​നി​യി​ൽ അ​ഞ്ചു​പേ​രെ കൊ​ന്ന കേ​സി​ൽ പ്ര​തി​യാ​യി​രു​ന്നു അ​ക്കാ​ല​ത്തെ കോ​ൺ​ഗ്ര​സ് നേ​താ​വും എം.​പി​യു​മാ​യി​രു​ന്ന സ​ജ്ജ​ൻ​കു​മാ​ർ. ഈ ​കേ​സി​ൽ ഡ​ൽ​ഹി ഹൈ​കോ​ട​തി ജീ​വ​പ​ര്യ​ന്തം ത​ട​വി​ന് ശി​ക്ഷി​ച്ചു. അ​പ്പീ​ൽ സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലാ​ണ്. ര​ണ്ട് കേ​സു​ക​ളി​ൽ വി​ചാ​ര​ണ​ക്കോ​ട​തി​ക​ൾ ഇ​ദ്ദേ​ഹ​ത്തെ കു​റ്റ​മു​ക്ത​നാ​ക്കി​യ​തി​നെ​തി​രെ​യു​ള്ള ഹ​ര​ജി​ക​ൾ ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​ണ്.

2023 മേ​യ് മാ​സ​ത്തി​ൽ കോ​ൺ​ഗ്ര​സ് നേ​താ​വ് ജ​ഗ​ദീ​ഷ് ടൈ​റ്റ്ല​ർ​ക്കെ​തി​രെ സി.​ബി.​ഐ കു​റ്റ​പ​ത്രം സ​മ​ർ​പ്പി​ച്ചി​രു​ന്നു. മൂ​ന്നു​പേ​രു​ടെ മ​ര​ണ​വു​മാ​യി ബ​ന്ധ​പ്പെ​ട്ടാ​യി​രു​ന്നു ​കേ​സ്. 1984 ന​വം​ബ​ർ 1 ന് ​ഡ​ൽ​ഹി​യി​ലെ പു​ൽ ബം​ഗ​ഷ് ഗു​രു​ദ്വാ​ര ആ​സാ​ദ് മാ​ർ​ക്ക​ഞ്ഞ് ഭാ​ഗ​ത്ത് ത​ടി​ച്ചു​കൂ​ടി​യ ജ​ന​ക്കൂ​ട്ട​ത്തെ ടൈ​റ്റ്‌​ല​ർ കു​റ്റ​കൃ​ത്യ​ത്തി​ന് പ്രേ​രി​പ്പി​ക്കു​ക​യും പ്ര​കോ​പി​പ്പി​ക്കു​ക​യും ചെ​യ്ത​താ​യി സി.​ബി.​ഐ കു​റ്റ​പ​ത്ര​ത്തി​ൽ പ​റ​യു​ന്നു. സി​ഖ് ഗു​രു​ദ്വാ​ര ക​ത്തി​ക്കു​ക​യും താ​ക്കൂ​ർ സി​ങ്, ബാ​ദ​ൽ സി​ങ്, ഗു​രു ച​ര​ൺ സി​ങ് എ​ന്നി​വ​രെ കൊ​ല്ലു​ക​യും ചെ​യ്തെ​ന്നാ​ണ് കേ​സ്.

ടൈ​റ്റ്ല​റി​നെ​തി​രാ​യ കേ​സ് മൂ​ന്നു​ത​വ​ണ അ​വ​സാ​നി​പ്പി​ച്ച് ക്ലീ​ൻ​ചി​റ്റ് ന​ൽ​കി​യി​രു​ന്നു. ഈ ​റി​പ്പോ​ർ​ട്ടെ​ല്ലാം ത​ള്ളി​യ കോ​ട​തി കൊ​ല​പാ​ത​ക​മ​ട​ക്ക​മു​ള്ള കു​റ്റ​ങ്ങ​ൾ ചു​മ​ത്താ​ൻ നി​ർ​ദേ​ശം ന​ൽ​കു​ക​യാ​യി​രു​ന്നു. ഇ​തി​നെ​തി​രെ ടൈ​റ്റ്ല​ർ ന​ൽ​കി​യ അ​പ്പീ​ൽ ഡ​ൽ​ഹി ഹൈ​കോ​ട​തി ന​വം​ബ​ർ 29ന് ​പ​രി​ഗ​ണി​ക്കും. ഡ​ൽ​ഹി​യി​ലെ ജ​ന​ക്പു​രി, വി​കാ​സ്പു​രി പ്ര​ദേ​ശ​ങ്ങ​ളു​മാ​യി ബ​ന്ധ​പ്പെ​ട്ട ക​ലാ​പ​ക്കേ​സു​ക​ളു​ടെ വി​ചാ​ര​ണ​യും തു​ട​രു​ക​യാ​ണ്.

ന​ടു​ക്കു​ന്ന ഓ​ർ​മ

ഇ​ന്ത്യ​യു​ടെ ആ​ദ്യ വ​നി​താ പ്ര​ധാ​ന​മ​ന്ത്രി​യാ​യി​രു​ന്ന ഇ​ന്ദി​ര ഗാ​ന്ധി അം​ഗ​ര​ക്ഷ​ക​രു​ടെ വെ​ടി​യേ​റ്റ് മ​രി​ച്ച​ത് ഇ​ന്ത്യ ച​രി​ത്ര​ത്തി​ലെ ന​ടു​ക്കു​ന്ന ഓ​ർ​മ​യാ​ണ്. കൃ​ത്യം 40 വ​ർ​ഷം മു​മ്പ് 1984 ഒ​ക്ടോ​ബ​ർ 31നാ​യി​രു​ന്നു ആ ​ദാ​രു​ണ സം​ഭ​വം. നാ​ല് മാ​സ​ങ്ങ​ൾ​ക്ക് മു​മ്പ് സി​ഖ് ഭീ​ക​ര​രെ തു​ര​ത്താ​ൻ അ​മൃ​ത്സ​റി​ലെ സു​വ​ർ​ണ​ക്ഷേ​ത്ര​ത്തി​ൽ ന​ട​ത്തി​യ ‘ബ്ലൂ​സ്റ്റാ​ർ ഓ​പ​റേ​ഷ​ൻ’ ആ​ണ് പ്ര​ധാ​ന​മ​ന്ത്രി​യു​ടെ ​കൊ​ല​യി​ലേ​ക്ക് ന​യി​ച്ച​ത്. സ​ഫ്ദ​ർ​ജ​ങ് റോ​ഡി​ലെ വ​സ​തി​യി​ൽ ഒ​ക്ടോ​ബ​ർ 31ന് ​രാ​വി​ലെ 9.30നാ​യി​രു​ന്നു അം​ഗ​ര​ക്ഷ​ക​രാ​യ സ​ത്‍വ​ന്ത് സി​ങ്ങും ബി​യാ​ന്ത് സി​ങ്ങും വെ​ടി​യു​തി​ർ​ത്ത​ത്.

ഐ​റി​ഷ് ടെ​ലി​വി​ഷ​നു​വേ​ണ്ടി ബ്രി​ട്ടീ​ഷ് ന​ട​ൻ പീ​റ്റ​ർ ഉ​സ്തി​നോ​വ് അ​ഭി​മു​ഖം ന​ട​ത്തു​മെ​ന്ന​റി​യി​ച്ചി​രു​ന്നു. വ​ൺ അ​ക്ബ​ർ റോ​ഡി​ലെ ഓ​ഫി​സി​ലേ​ക്ക് പോ​കു​ന്ന​തി​നി​ടെ​യാ​യി​രു​ന്നു വെ​ടി​യേ​റ്റ​ത്. 30 വെ​ടി​യു​ണ്ട​ക​ളേ​റ്റ് ഇ​ന്ദി​ര വീ​ണു. ഡ​ൽ​ഹി എ​യിം​സി​ൽ അ​ടി​യ​ന്ത​ര ശ​സ്ത്ര​ക്രി​യ ന​ട​ത്തി​യി​ട്ടും ര​ക്ഷി​ക്കാ​നാ​യി​ല്ല. ഉ​ച്ച​ക്ക് 2.20നാ​ണ് മ​ര​ണം സ്ഥി​രീ​ക​രി​ച്ച​ത്. പു​റ​ത്ത​റി​യാ​ൻ വീ​ണ്ടും വൈ​കി. പ്ര​തി ബി​യാ​ന്ത് സി​ങ്ങി​നെ മ​റ്റ് അം​ഗ​ര​ക്ഷ​ക​ർ വെ​ടി​​വെ​ച്ച് ​കൊ​ന്നു. സ​ത്‍വ​ന്ത് സി​ങ്ങി​ന് ഏ​റ്റു​മു​ട്ട​ലി​ൽ പ​രി​ക്കേ​റ്റു. 1989ൽ ​മ​റ്റൊ​രു പ്ര​തി ​കെ​ഹാ​ർ സി​ങ്ങി​നൊ​പ്പം സ​ത്‍വ​ന്തി​നെ തൂ​ക്കി​ലേ​റ്റി.

ന​വം​ബ​ർ ഒ​ന്ന് മു​ത​ൽ 12 വ​​രെ രാ​ജ്യ​ത്ത് ദുഃ​ഖാ​ച​ര​ണ​മാ​യി​രു​ന്നു. പാ​കി​സ്താ​ൻ മൂ​ന്ന് ദി​വ​സ​ത്തെ ദുഃ​ഖാ​ച​ര​ണം ന​ട​ത്തി. ന​വം​ബ​ർ മൂ​ന്നി​ന് രാ​ജ്ഘ​ട്ടി​ലെ ഒ​രു​ഭാ​ഗ​ത്ത് സം​സ്കാ​ര ച​ട​ങ്ങു​ക​ൾ ന​ട​ത്തി. ഇ​ന്ദി​ര സ​മാ​ധി പി​ന്നീ​ട് ശ​ക്തി​സ്ഥ​ൽ എ​ന്ന​റി​യ​പ്പെ​ട്ടു. ബ്രി​ട്ടീ​ഷ് പ്ര​ധാ​ന​മ​ന്ത്രി മാ​ർ​ഗ​ര​റ്റ് താ​ച്ച​ർ അ​ട​ക്കം നി​ര​വ​ധി ലോ​ക നേ​താ​ക്ക​ൾ ഇ​ന്ദി​ര​ക്ക് അ​ന്ത്യാ​ഞ്ജ​ലി​യ​ർ​പ്പി​ക്കാ​നെ​ത്തി. മ​ക​ൻ രാ​ജീ​വ് ഗാ​ന്ധി ഇ​ട​ക്കാ​ല പ്ര​ധാ​ന​മ​ന്ത്രി​യാ​യി സ്ഥാ​ന​മേ​ൽ​ക്കു​ക​യും ചെ​യ്തു.