ജമ്മുകശ്​മീരിൽ ഏറ്റുമുട്ടൽ; നാല്​ ഭീകരരെ വധിച്ചെന്ന്​ സൈന്യം

ന്യൂഡൽഹി: ജമ്മുകശ്​മീരിൽ ഏറ്റുമുട്ടലിനൊടുവിൽ നാല്​ ഭീകരരെ വധിച്ചുവെന്ന്​ സൈന്യം. കുൽഗാമിലാണ്​ ഏറ്റുമുട്ടലുണ്ടായത്​. പോംബി, ഗോപാൽപോര ഗ്രാമങ്ങളിലാണ്​ സംഭവം​. ഏറ്റുമുട്ടൽ ഇപ്പോഴും തുടരുകയാണെന്ന്​ ക​ശ്​മീർ പൊലീസ്​ ഐ.ജി വിജയ്​ കുമാർ പറഞ്ഞു.

പുൽവാമയിൽ രണ്ട്​ ഭീകരർ പിടിയിലായെന്നും പൊലീസ്​ അറിയിച്ചു. അമിർ ബാഷീർ, മുക്​താർ ഭട്ട്​ എന്നിവരാണ്​ അറസ്റ്റിലായത്​. പതിവ്​ പരിശോധനകൾക്കിടെയാണ്​ ഇരുവരും പിടിയിലായതെന്ന്​ ​പൊലീസ്​ അറിയിച്ചു. രണ്ട്​ കുഴിബോംബുകളും ഇവരിൽ പിടിച്ചെടുത്തിട്ടുണ്ടെന്ന്​ പൊലീസ്​ വ്യക്​തമാക്കി.