ബ​ദ​രി​നാ​ഥി​ലെ ഹി​മ​പാ​ത​ത്തി​ൽ കുടുങ്ങിയവരിൽ നാലു പേർ മരിച്ചു; അഞ്ചുപേർ ഇപ്പോഴും മഞ്ഞിനടിയിൽ

ഡെ​റാ​ഡൂ​ൺ: ഉത്തരാഖണ്ഡിലെ ബ​ദ​രി​നാ​ഥി​ലെ ഹി​മ​പാ​ത​ത്തി​ൽ കുടുങ്ങിയ തൊ​ഴി​ലാ​ളി​ക​ളിൽ രക്ഷപ്പെടുത്തിയ നാലു പേർ ചികിത്സക്കിടെ മരിച്ചു.

അഞ്ചുപേർ ഇപ്പോഴും മഞ്ഞിൽ കുടുങ്ങിക്കിടക്കുകയാണെന്ന് അധികൃതർ അറിയിച്ചു. വെള്ളിയാഴ്ച തന്നെ 33 പേ​രെ ര​ക്ഷി​ച്ച് സ​മീ​പ​ത്തെ സൈ​നി​ക കേ​ന്ദ്ര​ത്തി​ലേ​ക്ക് മാ​റ്റിയിരുന്നു. അവശേഷിക്കുന്ന​വ​രെ ര​ക്ഷി​ക്കാ​ൻ ഇ​ന്തോ-​തി​ബ​ത്ത് ബോ​ർ​ഡ​ർ പൊ​ലീ​സ്, സൈ​ന്യം എ​ന്നി​വ​യു​ടെ നേ​തൃ​ത്വ​ത്തി​ൽ ശ്ര​മം തു​ട​രു​ന്നു.

ബ​ദ​രി​നാ​ഥ് ച​മോ​ലി ജി​ല്ല​യി​ലെ മാ​നാ ഗ്രാ​മ​ത്തി​ൽ ബോ​ർ​ഡ​ർ റോ​ഡ്സ് ഓ​ർ​ഗ​നൈ​സേ​ഷ​ന്‍ (ബി.​ആ​ർ.​ഒ) ക്യാ​മ്പി​ലാ​ണ് സം​ഭ​വം. വെള്ളിയാഴ്ച, മാ​നാക്കും ബദരീനാഥിനും ഇടയിലുള്ള ലേബർ ക്യാമ്പിൽ രാവിലെ 7.15ന് ഉണ്ടായ ഹിമപാതത്തിൽ 55 ബി.ആർ.ഒ നിർമ്മാണ തൊഴിലാളികളാണ് മഞ്ഞിനടിയിൽ കുടുങ്ങിയത്. കുടുങ്ങിക്കിടക്കുന്ന തൊഴിലാളികൾ ഹിമാചൽ പ്രദേശ്, ബിഹാർ, ഉത്തരാഖണ്ഡ്, ഉത്തർപ്രദേശ്, പഞ്ചാബ്, ജമ്മു-കശ്മീർ തുടങ്ങിയ സംസ്ഥാനങ്ങളിൽ നിന്നുള്ളവരാണ്. ഇന്ത്യ-തിബറ്റ് അതിർത്തിയിലെ അവസാന ഗ്രാമമാണ് മന. ത​ല​സ്ഥാ​ന​മാ​യ ഡെ​റാ​ഡൂ​ണി​ൽ​നി​ന്ന് 300 കി​ലോ​മീ​റ്റ​ർ അ​ക​ലെ​യാ​ണ് അ​പ​ക​ട​മു​ണ്ടാ​യ സ്ഥ​ലം.

മ​ഞ്ഞു​വീ​ഴ്ച​യും മ​ഴ​യും കാ​ര​ണം ഇ​വി​ടേ​ക്ക് എ​ത്താ​ൻ പ്ര​യാ​സ​മാ​ണ്. ഹി​മ​പാ​ത​ത്തെ തു​ട​ർ​ന്ന് പ്ര​ദേ​ശ​ത്തെ റോ​ഡ് ഗ​താ​ഗ​തം ത​ട​സ്സ​പ്പെ​ട്ടി​രി​ക്കു​ക​യാ​ണ്. ഇ​ന്ത്യ -തി​ബ​ത്ത് അ​തി​ർ​ത്തി​യി​ൽ സൈ​ന്യം സ​ഞ്ച​രി​ക്കു​ന്ന വ​ഴി​യി​ൽ പ​തി​വു​പോ​ലെ മ​ഞ്ഞു നീ​ക്കു​ക​യാ​യി​രു​ന്നു തൊ​ഴി​ലാ​ളി​ക​ൾ. ശനിയാഴ്ച ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമി ഹിമപാത ബാധിത പ്രദേശം സന്ദർശിക്കുകയും ദുരിതാശ്വാസ, രക്ഷാ പ്രവർത്തനങ്ങൾ വിലയിരുത്തുകയും ചെയ്തു. ശനിയാഴ്ച രാവിലെ പ്രധാനമന്ത്രി നരേന്ദ്ര മോദി ഉത്തരാഖണ്ഡ് മുഖ്യമന്ത്രിയുമായി സംസാരിച്ച് രക്ഷാപ്രവർത്തനം അവലോകനം ചെയ്തു.