‘ചോ​ട്ടാ മും​ബൈ’ ആ​രെ തു​ണ​ക്കും?

മും​ബൈ: ചേ​രി​നി​വാ​സി​ക​ൾ മു​ത​ൽ സി​നി​മ, കാ​യി​ക, രാ​ഷ്ട്രീ​യ താ​ര​രാ​ജാ​ക്ക​ന്മാ​ർ വ​രെ വാ​ഴു​ന്ന പ്ര​ദേ​ശ​മാ​ണ് മും​ബൈ നോ​ർ​ത്ത്-​സെ​ൻ​ട്ര​ൽ. ദ​ക്ഷി​ണ, ഉ​ത്ത​രേ​ന്ത്യ​ക്കാ​ര​ട​ക്കം എ​ല്ലാ മ​റു​ദേ​ശ​ക്കാ​രു​ടെ​യും സ​മു​ദാ​യ​ങ്ങ​ളു​ടെ​യും സാ​ന്നി​ധ്യ​വും ശ​ക്തം. ‘ചോ​ട്ടാ മും​ബൈ’ എ​ന്നാ​ണ് വി​ളി​പ്പേര്. ഭ​ര​ണ​വി​രു​ദ്ധ വി​കാ​രം ഭ​യ​ന്ന് സി​റ്റി​ങ് എം.​പി​ പൂ​നം മ​ഹാ​ജ​നെ മാ​റ്റി ഭീ​ക​ര​വാ​ദ കേ​സു​ക​ളി​ൽ പ്ര​ത്യേ​ക പ​ബ്ലി​ക് പ്രോ​സി​ക്യൂ​ട്ട​റാ​യി​രു​ന്ന ഉ​ജ്ജ്വ​ൽ നി​ക​മി​നാ​ണ് ബി.​ജെ.​പി ഇ​ത്ത​വ​ണ ടി​ക്ക​റ്റ് ന​ൽ​കി​യ​ത്. മ​റു​പ​ക്ഷ​ത്ത് മും​ബൈ കോ​ൺ​ഗ്ര​സ് അ​ധ്യ​ക്ഷ​യും ധാ​രാ​വി​ സി​റ്റി​ങ് എം.​എ​ൽ.​എ​യു​മാ​യ ദ​ലി​ത് നേ​താ​വ് വ​ർ​ഷ ഗെ​യി​ക് വാ​ദും. വ​ർ​ഷ​യു​ടെ പി​താ​വ് അ​ന്ത​രി​ച്ച കോ​ൺ​ഗ്ര​സ് നേ​താ​വ് ഏ​ക്നാ​ഥ് ഗെ​യി​ക് വാ​ദ് 2004ൽ ​വാ​ണ മ​ണ്ഡ​ല​മാ​ണി​ത്. മും​ബൈ ന​ഗ​ര​ത്തി​ലെ ആ​റു മ​ണ്ഡ​ല​ങ്ങ​ളി​ൽ മ​ത്സ​രി​ക്കു​ന്ന​വ​രി​ൽ ഏ​ക വ​നി​ത.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യാ​ണ് ബി.​ജെ.​പി​ക്ക് ഇ​വി​ടെ​യും ആ​യു​ധം. ഒ​പ്പം, മും​ബൈ ഭീ​ക​രാ​ക്ര​മ​ണ കേ​സി​ലെ അ​ജ്മ​ൽ ക​സ​ബ് അ​ട​ക്കം 'പാ​കി​സ്താ​ൻ തീ​വ്ര​വാ​ദി​ക​ളെ തൂ​ക്കി​ലേ​റ്റി​യ രാ​ജ്യ​സ്നേ​ഹി​യാ​യ അ​ഭി​ഭാ​ഷ​ക​നെ​ന്ന' ഉ​ജ്ജ്വ​ൽ നി​ക​മി​നെ കു​റി​ച്ചു​ള്ള ചി​ത്രീ​ക​ര​ണ​വും. മ​ണ്ഡ​ല നി​വാ​സി​ക​ളെ നേ​രി​ൽ​ക​ണ്ട് ശേ​ഖ​രി​ച്ച വി​വ​ര​ങ്ങ​ൾ ഉ​ൾ​പ്പെ​ടു​ത്തി രൂ​പ​പ്പെ​ടു​ത്തി​യ 'റൂ​ട്ട് മാ​പ്പു'​മാ​യാ​ണ് വ​ർ​ഷ​യു​ടെ വോ​ട്ട​ഭ്യ​ർ​ഥ​ന. കോ​ഓ​പ​റേ​റ്റ് ഹൗ​സി​ങ് സൊ​സൈ​റ്റി​ക​ൾ​ക്ക് ഏ​ർ​പ്പെ​ടു​ത്തി​യ ജി.​എ​സ്.​ടി മു​ഖ്യ​വി​ഷ​യ​ങ്ങ​ളി​ൽ ഒ​ന്നാ​ണ്. കോ​ൺ​ഗ്ര​സും ഉ​ദ്ധ​വ് പ​ക്ഷ ശി​വ​സേ​ന​യും ഒ​റ്റ​ക്കെ​ട്ടാ​യാ​ണ് പ്ര​ചാ​ര​ണം ന​ട​ത്തു​ന്ന​ത്. ഉ​ദ്ധ​വി​ന്റെ ത​ട്ട​ക​ത്തി​ൽ ബി.​ജെ.​പി​യെ തോ​ൽ​പി​ക്കു​ക എ​ന്ന​ത് അ​ദ്ദേ​ഹ​ത്തി​ന്റെ പാ​ർ​ട്ടി​യു​ടെ ആ​വ​ശ്യം​കൂ​ടി​യാ​ണ്.

മ​ണ്ഡ​ല​ത്തി​ലെ ജ​ന​സ​മൂ​ഹ​ങ്ങ​ളി​ലെ വൈ​വി​ധ്യം വ​ർ​ഷ​ക്ക് അ​നു​കൂ​ല​മാ​യേ​ക്കു​മെ​ന്ന് മ​റാ​ത്തി രാ​ഷ്ട്രീ​യ​കാ​ര്യ പ​ത്ര​പ്ര​വ​ർ​ത്ത​ക​ൻ പ്ര​മോ​ദ് ജി​ൻ​ജു​ൻ​വ​ർ പ​റ​യു​ന്നു. അ​തേ​സ​മ​യം, ഉ​വൈ​സി​മാ​രു​ടെ മ​ജ്‌​ലി​സ് പാ​ർ​ട്ടി​യും പ്ര​കാ​ശ് അം​ബേ​ദ്ക​റു​ടെ വി.​ബി.​എ​യും മ​ത്സ​രി​ക്കു​ന്ന​ത് ഇ​ൻ​ഡ്യ ബ്ലോ​ക്കി​ന് ആ​ശ​ങ്ക ന​ൽ​കു​ന്നു. പ്ര​ദേ​ശ​ത്തെ പ്ര​മു​ഖ കോ​ൺ​ഗ്ര​സ് നേ​താ​വ് ബാ​ബ സി​ദ്ദീ​ഖ് അ​ജി​ത് പ​വാ​ർ​പ​ക്ഷ എ​ൻ.​സി.​പി​യി​ലേ​ക്ക് ചേ​ക്കേ​റി​യ​തും പ്ര​തി​കൂ​ല ഘ​ട​ക​മാ​ണ്. കോ​ൺ​ഗ്ര​സും ശി​വ​സേ​ന​യും മാ​റി​മാ​റി ജയിച്ച മ​ണ്ഡ​ല​മാ​ണി​ത്. ര​ണ്ടു​ത​വ​ണ ക​മ്യൂ​ണി​സ്റ്റ് പാ​ർ​ട്ടി​യും ജ​യി​ച്ചി​ട്ടു​ണ്ട്. 2014ലെ ​മോ​ദി ത​രം​ഗ​ത്തി​ൽ കോ​ൺ​ഗ്ര​സി​ലെ പ്രി​യാ​ദ​ത്തി​നെ തോ​ൽ​പി​ച്ചാ​ണ് അ​ന്ത​രി​ച്ച, ബി.​ജെ.​പി​യു​ടെ പ്ര​മു​ഖ നേ​താ​വ് പ്ര​മോ​ദ് മ​ഹാ​ജ​ന്റെ മ​ക​ൾ പൂ​നം മ​ണ്ഡ​ലം പി​ടി​ച്ച​ത്. 2019ൽ ​നി​ല​നി​ർ​ത്തു​ക​യും ചെ​യ്തു.