പ്രതിഷേധങ്ങൾക്ക്​ പുല്ലുവില; ഇന്ധനവില വീണ്ടും കൂട്ടി

രാജ്യത്തെ ഇന്ധ വില വീണ്ടും കൂട്ടി. പെട്രോളിന്​ 35 പൈസയും ഡീസലിന്​ 37 പൈസയുമാണ്​ കൂട്ടിയത്​. ഇതോടെ തിരുവനന്തപുരത്ത്​ പെ​േട്രാളിന്​ 107.41 രൂപയും ഡീസലിന്​ 100.56 രൂപയുമായി. കൊച്ചിയിൽ പെട്രോളിന്​ 105.37 രൂപയും ഡീസലിന്​ 98.99 രൂപയും കോഴിക്കോട്​ പെട്രോളിന്​ 105.57 രൂപയും ഡീസലിന്​ 99.26 രുപയുമായി വർധിച്ചു.

ഇരുപത്​ ദിവസത്തനിടെ ഡീസലിന്​ 5.50 രൂപയും പെട്രോളിന്​ 3.72 രൂപയുമാണ്​ വർധിച്ചത്​.

ഇന്ധനവില വർധനവിനെതിരെ രാജ്യത്ത്​ പ്രതിഷേധം ശക്​തമാണെങ്കിലും വില വർധന തടയാനുള്ള നീക്കമൊന്നും കേന്ദ്ര സർക്കാർ നടത്തിയിട്ടില്ല. മുൻകാലത്തെ ക്രൂഡോയിൽ വിലയുമായി താരതമ്യപ്പെടുത്തു​േമ്പാൾ വിലവർധനയില്ലെന്നിരിക്കെ, സർക്കാർ ചുമത്തുന്ന അമിതനികുതികളാണ്​ ഇന്ധന വിലക്കയറ്റത്തിന്​ കാരണമെന്ന ആക്ഷേപം ശക്​തമാണ്​. ഇന്ധന വില വർധന നിത്യോപയോഗ സാധനങ്ങളുടെയടക്കമുള്ള വില വർധനക്ക്​ കാരണമാകുന്നുണ്ട്​.