ഗൗരി ലങ്കേഷ്​ കൊലപാതകം: വിവരം നൽകുന്നവർക്ക്​ 10 ലക്ഷം പാരിതോഷികം

ബംഗളൂരു: ഗൗരി ല​േങ്കഷ്​ കൊലപാതകവുമായി ബന്ധപ്പെട്ട്​ അന്വേഷണസംഘത്തിന്​ സുപ്രധാന വിവരം നൽകുന്നവർക്ക്​ സർക്കാർ 10 ലക്ഷം രൂപ പാരിതോഷികം പ്രഖ്യാപിച്ചതായി ആഭ്യന്തരമന്ത്രി രാമലിംഗ റെഡ്​ഡി പറഞ്ഞു. കേസ്​ അന്വേഷണത്തി​​​​െൻറ പുരോഗതി സംബന്ധിച്ച്​ മുഖ്യമ​ന്ത്രി സിദ്ധരാമയ്യയുമായി ഒൗദ്യോഗിക വസതിയിൽ ചർച്ച നടത്തിയ ശേഷം സംസാരിക്കുകയായിരുന്നു മന്ത്രി.

ഗൗരി കൊലപാതകക്കേസ്​ അന്വേഷണത്തിന്​ രൂപവത്​കരിച്ച സംഘത്തിൽ കൂടുതൽ ഉദ്യോഗസ്​ഥരെ ഉൾപ്പെടുത്താൻ സർക്കാർ തയാറാണെന്നും അദ്ദേഹം പറഞ്ഞു. ജീവനുഭീഷണിയുള്ള യുക്തിവാദികൾക്കും എഴുത്തുകാർക്കും പുരോഗമന ചിന്തകർക്കും സുരക്ഷ ഒരുക്കാൻ തീരുമാനമായതായും മന്ത്രി പറഞ്ഞു. 

ബി.ജെ.പിയുടെ സമ്മർദത്തിന്​ വഴങ്ങി കേസ്​ സി.ബി.​െഎക്ക്​ വിടില്ലെന്നും ഗൗരിയുടെ കുടുംബം ആവശ്യപ്പെട്ടാൽ കൈമാറുമെന്നും കഴിഞ്ഞദിവസം മുഖ്യമന്ത്രി വ്യക്തമാക്കിയിരുന്നു. കേസ്​ സി.ബി.​െഎയിലേക്ക്​ വിടുന്നത്​ ഒഴിവാക്കാൻ മിടുക്കരായ ഉദ്യോഗസ്​ഥരെ ഉൾപ്പെടുത്തിയാണ്​ സംസ്​ഥാന സർക്കാർ  പ്രത്യേക അന്വേഷണസംഘം രൂപവത്​കരിച്ചത്​.

കൂടുതൽ ഉദ്യോഗസ്​ഥരെ ഉൾപ്പെടുത്തിയാലും കേസ്​ സംസ്​ഥാന പൊലീസ്​ തന്നെ തെളിയിക്ക​െട്ട എന്ന നിലപാടാണ്​ യോഗത്തിൽ ഉയർന്നത്​. അന്വേഷണം വേഗത്തിലാക്കാൻ മുഖ്യമന്ത്രി നിർദേശം നൽകി. മുഖ്യമന്ത്രിക്കും ആഭ്യന്തരമന്ത്രിക്കും പുറമെ മുതിർന്ന പൊലീസ്​ ഉദ്യോഗസ്​ഥരും യോഗത്തിൽ പ​െങ്കടുത്തു. അതേസമയം, പ്രത്യേക അന്വേഷണ സംഘം വെള്ളിയാഴ്​ചയും ഗൗരിയുടെ വീട്ടിലും ഒാഫിസിലും പരിശോധന നടത്തി.